DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

nou

nou (nóŭ) adg noauã (nŭá-ŭã) shi nauã (ná-ŭã), noi (nóĭ), noauã (nŭá-ŭã) shi nauã (ná-ŭã) shi nali/nale (ná-li) – (lucru) tsi easti adrat di putsãn chiro; (lucru) tsi easti aspus trã prota oarã; (lucru) tsi lja loclu-a unui lucru veclju; nãu
{ro: nou}
{fr: neuf, nouveau}
{en: new}
ex: vecljilj chirurã, noilji au altã creashtiri; sh-bãgã noauãli (nalili) stranji; easti nveastã noauã; hiu nou (di putsãn chiro) vinjit; ti Pashti va-sh bagã giuplu-atsel noulu

§ nãu (nắŭ) adg nauã (ná-ŭã), nãi (nắĭ), nauã (ná-ŭã) shi nali/nale – (unã cu nou)
ex: un cãntic nãu; s-tihisi nãulu domnu s-hibã om cu suflit; cu ma nalili stranji ndreaptã; easti nveastã nauã

§ noauã1 (nŭá-ŭã) sf noauã (nŭá-ŭã) shi nali/nale (ná-li) – hãbari (nishtiutã ninga) tsi sã spuni trã prota oarã a unui om (a lumiljei) tra si sã shtibã; nauã, nãutati, hãbari, haberi, shtiri, mãndatã, halat, glas, idisi, zbor
{ro: veste, ştire, mesagiu}
{fr: nouvelle, information, commission, message}
{en: news, information, message}
ex: tsi noauã (hãbãri) aduts?

§ nauã1 (ná-ŭã) sf nauã (ná-ŭã) shi nali/nale (ná-li) – (unã cu noauã1)
ex: lu-arãsea multu ahtãri nali

§ nãutati/nãutate (nã-u-tá-ti) sf nãutãts (nã-u-tắtsĭ) – (unã cu noauã1)
ex: tsi hãbãri sh-nãutãts (nali) ai din Poli?

§ znuescu (znu-ĭés-cu) (mi) vb IV znuii (znu-íĭ), znueam (znu-ĭámŭ), znuitã (znu-í-tã), znuiri/znuire (znu-í-ri) – l-fac ca nou, un lucru tsi easti veclju (aruptu, mãcat, etc.); lu-alãxescu un lucru veclju cu-un lucru nou; tsi s-fatsi diznou
{ro: înnoi, reînnoi}
{fr: (se) renouveler}
{en: renew (oneself)}
ex: mea, atsel nu moari, ma si znueashti shi s-duxiseashti

§ znuit (znu-ítŭ) adg znuitã (znu-í-tã), znuits (znu-ítsĭ), znuiti/znuite (znu-í-ti) – tsi s-ari faptã ca nou; tsi s-ari alãxitã cu-un lucru nou; tsi s-ari faptã diznou

T.Cunia Dictsiunar-a-Limbljei-Armãneascã         ma multu/ptsãn