DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

zgãtsãn

zgãtsãn (zgã-tsắnŭ) (mi) vb I zgãtsãnai (zgã-tsã-náĭ), zgãtsãnam (zgã-tsã-námŭ), zgãtsãnatã (zgã-tsã-ná-tã), zgãtsãnari/zgãtsãnare (zgã-tsã-ná-ri) – l-min un lucru di-unã parti sh-di-alantã, cu pindzeari sh-trãdzeari, dipriunã, tra s-lu fac si slãgheascã di-aclo iu easti acãtsat; ascutur, scutur
{ro: zgâlţâi}
{fr: branler}
{en: shake, rock}
ex: nu shtiu cai nj-u zgãtsãnã poarta tutã noaptea

§ zgatsãn (zgá-tsãnŭ) (mi) vb I zgãtsãnai (zgã-tsã-náĭ), zgãtsãnam (zgã-tsã-námŭ), zgãtsãnatã (zgã-tsã-ná-tã), zgãtsãnari/zgãtsãnare (zgã-tsã-ná-ri) – (unã cu zgãtsãn)
ex: zgatsãn-lu tra s-easã

§ zgãtsãnat (zgã-tsã-nátŭ) adg zgãtsãnatã (zgã-tsã-ná-tã), zgãtsãnats (zgã-tsã-nátsĭ), zgãtsãnati/zgãtsãnate (zgã-tsã-ná-ti) – tsi easti minat di-unã parti sh-di-alantã, cu pindzeari sh-trãdzeari; ascuturat, scuturat
{ro: zgâlţâit}
{fr: branlé}
{en: shaken, rocked}

§ zgãtsãnari/zgãtsãnare (zgã-tsã-ná-ri) sf zgãtsãnãri (zgã-tsã-nắrĭ) – atsea tsi s-fatsi cãndu un lucru easti zgãtsãnat; ascuturari, scuturari
{ro: acţiunea de a zgâlţâi; zgâlţâire}
{fr: action de branler}
{en: action of shaking, of rocking}
ex: di zgãtsãnari multã, usha si slãghi

T.Cunia Dictsiunar-a-Limbãljei-Armãneascã        

ascutur

ascutur (as-cú-turŭ) (mi) vb I ascuturai (as-cu-tu-ráĭ), ascuturam (as-cu-tu-rámŭ), ascuturatã (as-cu-tu-rá-tã), ascuturari/ascuturare (as-cu-tu-rá-ri) – fac cariva (tsiva) si s-minã ninti-nãpoi tut chirolu, cu pindzeari shi trãdzeari; l-min (lu zgãtsãn) un pom (tra s-lji cadã poamili, frãndzãli); li cur stranjili di pulbiri; anischirsescu casa; scutur, anischirsescu;
(expr:
1: mi-ascuturã di paradz = nj-lja tuts paradzlji;
2: li-ascuturã = moari;
3: nji ti-ascuturi (tu-agioc) = giots, ansari tu-agioc)
{ro: scutura, şterge praful, deretica}
{fr: secouer; épousseter}
{en: shake, dust}
ex: unã eapã durdurã, cari da di mi-ascuturã tutã-amarea treamburã (angucitoari: arãzboilu); dusirã s-ascuturã cucoshlji; ascuturã (anischirseashti, curã, ashteardzi pulbirea) prit casã; mi-ascuturã (mi lja, mi-acatsã, mi fatsi s-treambur) heavra; nji ti-ascuturi (nj-ti duts ansãrindalui ca tu-agioc) tu pãzari; mãni vai ascuturãm (va anischirsim, va curãm casa); ascuturats-vã di neauã

§ ascuturat (as-cu-tu-rátŭ) adg ascuturatã (as-cu-tu-rá-tã), ascuturats (as-cu-tu-rátsĭ), ascuturati/ascuturate (as-cu-tu-rá-ti) – tsi easti minat ninti-nãpoi cu pindzeari shi trãdzeari; (pom) tsi easti minat tra s-cadã poamili; (stranj) tsi easti curat di pulbiri; (casã) tsi easti anischirsitã; scuturat, anischirsit; (fig: ficior (featã, om) ascuturat = ficior (featã, om) zveltu, livendu)
{ro: scuturat, şters de praf, dereticat}
{fr: secoué; épousseté}
{en: shaken, dusted}
ex: la prunlu ascuturat (ascuturat di poami); tinir ascuturat (fig: zveltu); ascuturat (fig: analtu, ndreptu, zveltu) ca bradlu; vilendzã ascuturati (curati di pulbiri cu ascuturarea-a lor)

§ ascutura-ri/ascuturare (as-cu-tu-rá-ri) sf ascuturãri (as-cu-tu-rắrĭ) – atsea tsi s-fatsi cãndu cariva (tsiva s-) ascuturã
{ro: acţiunea de a scutura, de a şterge praful, de a deretica}
{fr: action de secouer; d’épousseter}
{en: action of shaking, of dusting}
ex: merlji vor ascuturari (s-lji fats tra s-cadã mearili cu-ascuturarea)

§ neascu-turat (neas-cu-tu-rátŭ) adg neascuturatã (neas-cu-tu-rá-tã), neascuturats (neas-cu-tu-rátsĭ), neascuturati/neascuturate (neas-cu-tu-rá-ti) – tsi nu easti scuturat

T.Cunia Dictsiunar-a-Limbãljei-Armãneascã         ma multu/ptsãn