(expr: t-antreilji, t-antreilea = un agioc di ficiori tiniri tsi caftã s-astreacã cu trei ansãrituri unã dupã altã)
{ro: toţi (toate) trei, câteşi trei}
{fr: tous (toutes) les trois}
{en: all three}
ex: sh-antreili (sh-tuti-atseali trei) veri

§ treilji (tréĭ-lji) num treili/treile (tréĭ-li) – (unã cu antreilji)

§ amintreilji (a-min-tréĭ-lji) num amintreili/amintreile (a-min-tréĭ-li) – (unã cu antreilji)

§ amishtreilji (a-mish-tréĭ-lji) num amishtreili/amishtreile (a-mish-tréĭ-li) – (unã cu antreilji)

§ shamintreilji (shĭa-min-tréĭ-lji) num shamintrei-li/shamintreile (shĭa-min-tréĭ-li) – (unã cu antreilji)
ex: trã ndoauã dzãli s-mãrtarã shamintreili (tuti trei); unã dzuã, shamintreili lucra la soari; shamintreilji ficiori loarã tsi loarã, sã nviscurã shi njarsirã cu oaminj di-a lor

§ shamishtreilji (shĭa-mish-tréĭ-lji) num shamishtreili/shamishtreile (shĭa-mish-tréĭ-li) – (unã cu antreilji)
ex: shamishtreili (tuti treili) fudzirã; aestu avea trei feati, shamishtreili mãrtãtoari; nchisirã shamishtreilji calea-calea pãnã-agiumsirã tu-un loc

§ treisprãdzatsi/treisprã-dzatse (tréĭs-prã-dzá-tsi) num – numirlu 13 (namisa di 12 shi 14)
{ro: 13, treisprezece}
{fr: 13, treize}
{en: 13, thirteen}

§ tresprã-dzatsi/tresprãdzatse (trés-prã-dzá-tsi) num – (unã cu trei-sprãdzatsi)

§ trespratsi/trespratse (trés-pra-tsi) num – (unã cu treisprãdzatsi)

§ tresprã (trés-prã) num – (unã cu trei-sprãdzatsi)

§ treisprãyinghits (tréĭs-prã-yín-ghits) num – numirlu 23 (namisa di 22 shi 24)
{ro: 23, douăzeci şi trei}
{fr: 23, vingt-trois}
{en: 23, twenty three}

§ tresprãyinghits (trés-prã-yín-ghits) num – (unã cu treisprãyinghits)

§ tresprãyinyits (trés-prã-yín-yits) num – (unã cu treisprãyinghits)

§ tresprã-yiyints (trés-prã-yí-yints) num – (unã cu treisprãyinghits)

§ treidzãts (trei-dzắtsĭ) num – numirlu 30 (namisa di 29 shi 31)
{ro: 30, treizeci}
{fr: 30, trente}
{en: 30, thirty}
ex: di treidzãts di anj tu xeani

§ tridzãts (tri-dzắtsĭ) num – (unã cu treidzãts)

§ triadzãts (tri-ĭa-dzắtsĭ) num – (unã cu treidzãts)

§ Triada (Tri-ĭá-dha) sf pl(?) – parei di trei oaminj tsi suntu (fac) ca un om singur; lucru faptu di trei pãrtsã isea;
(expr: Ayiu-Triada sf fãrã pl = noima tsi u-ari Dumnidzãlu tu pistea crishtineascã cã easti faptu di trei pãrtsã isea: Dumnidzãlu-Tatã, Dumnidzãlu-Hilj shi Sãmtul Duh; treili fãts a Dumnidzãlui: Tatãl, Hiljlu shi Sãmtul Duh)
{ro: Sf. Treime}
{fr: Trinité}
{en: Trinity}
ex: dusim n hoarã ti Ayiu-Triada

§ triyeauã (tri-yĭá-ŭã) sf triyei (tri-yĭéĭ) – loclu iu s-adunã (s-dispartu trei cãljuri
{ro: răspântie}
{fr: carrefour formé par trois chemins}
{en: junction of three roads}
ex: aclo eara triyeauã: unã cali isha tu-unã mari pulitii, alantã tu pulitii sh-cama mari shi calea-a treia ti scutea tu-unã pãduri greauã; bagã di adarã nã casã n triyeauã (un loc iu s-adunã trei cãljuri)

§ trimeri/trimere (tri-mé-ri) sf trimeri (tri-mérĭ) – seara-a atsiljei di-antreia dzuã dupã amintarea-a unui nat, cãndu yin mirili s-lji scrii soartea; trimeari
{ro: a tria seară după naşterea unui copil când vin mirele să-i ursească}
{fr: le soir du troisième jour après la naissance d’un enfant quand les Parques viennent à prédestiner}
{en: evening of the third day after the birth of a child, when the Fates come to decide on his fate}
ex: eu voi njiclu, cã la trimerea-a lui mi-aflai noaptea aestã; sh-eara nãsh la trimerea-al Mihali

§ trimeari/trimeare (tri-meá-ri) sf trimeri (tri-mérĭ) – (unã cu trimeri)
ex: eara tamam tsina di trimeari

§ trimilj (tri-míljĭŭ) sn trimilji/trimilje (tri-mí-lji) – gãrnu tsi s-fatsi ti trei mesh (tsi s-seaminã primuveara); grãn di primuvearã; trãmilj, triminj
{ro: grâu de trei luni}
{fr: blé de trois mois}
{en: three month wheat}

§ trãmilj (trã-míljĭŭ) sn trãmilji/trãmilje (trã-mí-lji) – (unã cu trimilj)

§ triminj (tri-mínjĭŭ) sn triminji/triminje (tri-mí-nji) – (unã cu trimilj)
ex: pãni di triminj (di grãn di primuvearã)

§ triminii/triminie (tri-mí-ni-i) sf triminii (tri-mi-níĭ) – catiunã di patruli pãrtsã (di trei mesh) cu cari poati s-hibã mpãrtsãt un an; chiro di trei mesh
{ro: trimestru}
{fr: trimestre}
{en: trimester}
ex: prota triminii a unui an di sculii easti faptã di treilji mesh Sumedru, Brumar shi Andreu

§ trindari/trindare (trin-dá-ri) sf trindãri (trin-d ắrĭ) – parã di treidzãts (30) di “mitilits(?)” (“grosh?”)
{ro: monedă de 30 “bani”}
{fr: monnaie de 30 “sous”}
{en: coin of 30 “cents”}

§ trifolj (tri-fóljĭŭ) sn trifoalji/trifoalje (tsi-fŭá-lji) – numã datã la ma multi erburi njits, tsi crescu agri prit pãshunj, tu locuri vlãngoasi, ma suntu sh-criscuti di om ca hranã trã prãvdzã, cu frãndzãli fapti di trei frãndzã ma njits shi lilicili albi-vinjiti-trandafilii adunati stog ca unã balã njicã; trifilj, trãfilj; earbã di banã
{ro: trifoi}
{fr: trèfle, luzerne}
{en: clover}
ex: cãftã vãrnã trifolj cu patru frundzã; siminai tu livadã trifoalji; es trifoaljili

§ trifilj (tri-fíljĭŭ) sn trifilji/trifilje (tri-fí-lji) – (unã cu trifolj)
ex: ashteaptã Mailu s-mãts trifilj

§ trãfilj (trã-fíljĭŭ) sn trãfilji/trãfilje (trã-fí-lji) – (unã cu trifolj)