DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

yimbruchi/yimbruche

yimbruchi/yimbruche (yim-brú-chi) sf yimbruchi (yim-brúchĭ) –
1: darea (tarifa) tsi s-lja la sinurlu-a unui crat, di la oaminjlji tsi intrã sh-aduc lucri dit xeani trã cari nomlu caftã tra si s-plãteascã paradz;
2: loclu astãsit (casa) la sinurlu-a unui crat, iu s-lja aesti dãri sh-iu oaminjlji suntu mutrits tra s-nu-aducã peascumta lucri trã cari lipseashti s-plãteascã dãrli; yiumbruchi, imbruchi, ghiumbruchi, ghiumbrucã, cumerchi, vamã, tarifã, dirveni;
(expr: plãtii shi perlu din cap yimbruchi = plãtii yimbruchi, multu di multu)
{ro: vamă}
{fr: douane}
{en: customs; duties}
ex: gramatili nu-au yimbruchi (dãri, cumerchi, vamã)

§ yiumbruchi/yium-bruche (yĭum-brú-chi) sf yiumbruchi (yĭum-brúchĭ) – (unã cu yimbruchi)

§ imbruchi/imbruche (im-brú-chi) sf imbruchi (im-brúchĭ) – (unã cu yimbruchi)

§ ghiumbrucã (ghĭum-brú-cã) sf pl(?) – (unã cu yimbruchi)
ex: nã dusirã la ghiumbrucã (loclu iu s-lja dãrli); plãtii shi perlu din cap ghiumbrucã

§ ghiumbruchi/ghiumbruche (ghĭum-brú-chi) sf ghiumbruchi (ghĭum-brúchĭ) – (unã cu yimbruchi)

§ yimbrucci (yim-bruc-cí) sm yimbrucceadz (yim-bruc-cĭádzĭ) – atsel tsi lja dãrli (yimbruchili) la sinur, di la oaminjlji tsi intrã tu-un crat; atsel tsi-lj mutreashti oaminjlji tsi intrã tu-un crat tra s-nu-aducã lucri dit xeani peascumta (trã cari nu vor s-plãteascã yimbruchea tsi lipseashti plãtiri dupã nom); yiumbrucci, imbrucci, ghiumbrucci, bãjdar
{ro: vameş}
{fr: douanier}
{en: customs officer}

§ yium-brucci (yĭum-bruc-cí) sm yiumbrucceadz (yĭum-bruc-cĭádzĭ) – (unã cu yimbrucci)

§ imbrucci (im-bruc-cí) sm imbrucceadz (im-bruc-cĭádzĭ) – (unã cu yimbrucci)

T.Cunia Dictsiunar-a-Limbãljei-Armãneascã         ma multu/ptsãn

cumerchi/cumerche

cumerchi/cumerche (cu-mér-chi) sf pl(?) –
1: darea (tarifa) tsi s-lja la sinurlu-a unui crat, di la oaminjlji tsi intrã sh-aduc lucri dit xeani trã cari nomlu caftã tra si s-plãteascã dari;
2: loclu astãsit (casa) la sinurlu-a unui crat, iu s-lja aesti dãri sh-iu oaminjlji suntu mutrits tra s-nu-aducã peascumta lucri trã cari lipseashti si s-plãteascã dãrli; yimbruchi, yiumbruchi, imbruchi, ghiumbruchi, ghiumbrucã, vamã, tarifã, dirveni
{ro: vamă}
{fr: douane}
{en: customs; duties}

T.Cunia Dictsiunar-a-Limbãljei-Armãneascã        

dirveni/dirvene

dirveni/dirvene (dir-vé-ni) sf dirvenj (dir-vénjĭ) – loc strimtu shi ngustu tsi s-aflã namisa di muntsã-analtsã sh-arãposh; cali strimtã tsi treatsi namisa di muntsã-analtsã; dãrli tsi li da la aestã dirveni (bugazi, arãstoacã) oaminjlji tsi vor s-treacã cu tutiputa; casa shi prohuma iu s-lja aesti dãri; dãrveni; arãstoacã, bugazi, sudã, angusteatsã, strimturã, strãmturã; yiumbruchi, yimbruchi, imbruchi, cumerchi, vamã, tarifã
{ro: defileu, strâmtoare; intrare dintr-un fort; vamă}
{fr: détroit; entré d’une place forte ou fortifiée; douane}
{en: mountain pass, fort entrance; toll or customs house}
ex: dirvenjli (bughãzli) s-turchipsescu; fui pãnã la dirveni (yimbruchi, vamã); plãtii dirveni (dari) cãt nu featsi

§ dãrveni/dãrvene (dãr-vé-ni) sf dãrvenj (dãr-vénjĭ) – (unã cu dirveni)
ex: sh-ari nã dãrveni (unã prohumã iu s-lja dãrli di treatsiri bugazea)

§ dirvingi (dir-vin-gí) sm dirvingeadz (dir-vin-gĭádzĭ) – omlu tsi-aveaglji dirvenea; omlu tsi-adunã dãrli di la oaminjlji tsi vor s-treacã bugazea
{ro: gardian de la “dirveni”; vameş}
{fr: gardien d’une “dirveni”; douanier}
{en: guard (“dirveni”); customs officer}
ex: dirvingeadzlji-l loarã; n-acãtsarã dirvingeadzlji

§ dirven-aga (dir-vén-a-gá) sm dirven-agadz (dir-vén-a-gádzĭ) – caplu-a dirvingeadzlor tsi-aveaglji dirvenea sh-adunã dãrli
{ro: căpitanul “dervenei”}
{fr: capitaine des défilés}
{en: guards commander}
ex: dirven-agadzlji fãtsea tsi vrea

T.Cunia Dictsiunar-a-Limbãljei-Armãneascã        

vamã

vamã (vá-mã) sf vãnj(?) (vắnjĭ) –
1: darea (tarifa) tsi s-lja la sinurlu-a unui crat, di la oaminjlji tsi intrã sh-aduc lucri dit xeani trã cari nomlu caftã tra si s-plãteascã unã dari;
2: loclu astãsit (casa) la sinurlu-a unui crat, iu s-lja aesti dãri sh-iu oaminjlji suntu mutrits tra s-nu-aducã peascumta lucri trã cari lipseashti s-plãteascã dãrli; yimbruchi, yiumbruchi, imbruchi, ghiumbruchi, ghiumbrucã, cumerchi, tarifã, dirveni
{ro: vamă}
{fr: douane}
{en: customs; duties}

T.Cunia Dictsiunar-a-Limbãljei-Armãneascã