|
|
vurzom
vurzom (vur-zómŭ) sn vurzoami/vurzoame (vur-zŭá-mi) – mpli-titurã di spangu (cioarã, hiri, etc.) cu ocljilj mãri, cu cari s-acatsã peshtsãlj tu-amari (cu cari s-acatsã perlu n cap s-nu cadã, cu cari s-poartã lucri din pãzari, etc.); vurzon, leasã, poahã, plasã, mreajã
{ro: plasă, reţea}
{fr: filet, rets, réseau}
{en: net}
§ vurzon (vur-zónŭ) sn vurzoani/vurzoane (vur-zŭá-ni) – (unã cu vurzom)
cunupi/cunupe
cunupi/cunupe (cu-nú-pi) sf cunuchi (cu-núchĭ) – ma multi turlii di insecti (yetsuri) njits, cu truplu shi cicioarili lundzi shi suptsãri, cu dauã areapiti strimti, tsi bãneadzã cu sãndzi suptu di la oaminj i prãvdzã; mushconj, tsãntsar
{ro: ţânţar}
{fr: moustique}
{en: mosquito}
§ cunupherã (cu-nup-hĭé-rã) sf cunupheri/cunuphere (cu-nup-hĭé-ri) – soi di vurzom (plasã) tsi s-bagã ca unã pãndzã pristi crivati cãndu doarmi omlu, tra s-lu apãrã di mushconj
{ro: apărătoare de ţânţari}
{fr: cousinière, moustiquaire}
{en: mosquito net}
mreajã
mreajã (mreá-jã) sf mreji(?) (mréjĭ) – mplititurã di spangu (cioarã, hiri, etc.) cu ocljilj mãri, cu cari s-acatsã peshtsãlj tu-amari (cu cari s-acatsã perlu n cap s-nu cadã, cu cari s-poartã lucri din pãzari, etc.); leasã, plasã, poahã, vurzom, vurzon
{ro: plasă, reţea}
{fr: filet, rets, réseau}
{en: net}
ex: scutea mrejili (pohili) goali dit baltã
poahã1
poahã1 (pŭá-hã) sf pohi (póhĭ) – mplititurã di spangu (cioarã, hiri, etc.) cu ocljilj mãri cu cari s-acatsã peshtsãlj tu-amari (cu cari s-acatsã perlu din cap tra s-nu cadã, cu cari s-poartã lucri dit pãzari, etc.); plasã, leasã, vurzom, vurzon, mreajã
{ro: plasă, reţea}
{fr: filet, rets, réseau}
{en: net}
ex: unã njilji nudati, unã njilji diznudati, unã njilji sã zburãshti, shi tut nu pots s-anguceshti? (angucitoari: poaha); Enoh mpãlteashti sh-pohi (vurzoami, leasi); poaha arcã s-acatsã vãrã boi pescu; lj-ascumsi tuti hãlãtsli di piscar: poaha, griplu sh-alanti pri tãvani
§ plasã1 (plá-sã) sf plãsi (plắsĭ) – (unã cu poahã1)
§ leasã1 (leá-sã) sf leasi/lease (leá-si) – (unã cu poahã1)
ex: pãndzã, ndisatã ca unã leasã (plasã); piscarlu, minduit, la leasã mutreashti (poahã, plasã)
§ pizovul (pi-zó-vulŭ) sn pizovuli/pizovule (pi-zó-vu-li) – unã soi di poahã (leasã, vurzom) ti-acãtsari peshtsã tsi ari ca un sac tu mesi tu cari s-adunã peshtsãlj
{ro: năvod}
{fr: sorte de filet, épervier}
{en: fishing net}
ex: cu griplu, cu pizovulu, cu poaha, arcã s-acatsã vãrã boi pescu