§ padinã (pá-di-nã) sf padinj (pá-dinjĭ) – (unã cu pãdinã)

§ padi2/pade (pá-di) adv (tu scriarea-a noastrã: di-aradã, zburãrea u-aflãm scriatã altã soi: (i) ãn padi shi n padi: vedz mpadi; (ii) pri padi: vedz pripadi; (iii) di padi: vedz dipadi – tsi easti aproapea di fatsa-a loclui; (loc) tsi nu easti ahãntu nsus (ca altu loc)
{ro: jos, în jos, la vale}
{fr: en bas, aval}
{en: down, downward}

§ mpadi/mpade (mpá-di) adv – pri loc, nghios, ãnghios, nghiosura, ahimura, hima, nhima, pogor, pãgor, pugor; hambla; cãtrã la vali, cãtrã tu cãmpu;
(expr:
1: zborlu-a meu nu cadi mpadi = zborlu a meu easti ascultat, nu easti spus di geaba, va si s-facã tsi dzãc;
2: l-bag mpadi; l-culcu mpadi = (i) lu-ashternu, l-bag ãnghios; (ii) lu zdupunescu di padi, lu-aruc mpadi; (iii) l-vatám;
3: cad mpadi = (i) cad ãnghios; (ii) lãndzidzãscu;
4: nj-bag inima mpadi = nj-si fatsi njilã, mi curmã njila;
5: armãni mpadi ipotisea = s-asparsi ipotisea)
{ro: jos, în jos}
{fr: en bas, sur la terre}
{en: down, on the ground}
ex: stai mpadi (pi scamnu, pat); s-ashtearnã frãndza mpadi (nghios, pri loc); nu s-minã di mpadi, s-nu tsiva di-lj arãtseashti loclu; lo di mpadi (di nghios, di pri loc) unã cheatrã; shadi mpadi (nghios) pi scãndurã; di mpadi pãnã nsus (di pri loc pãnã n tser); s-nu cadã mpadi (nghios); zborlu a tãu ãmpadi nu cadi
(expr: zborlu a tãu easti tinjisit, nu easti arcat geaba, easti ascultat); nj-easti cã s-nu-nj cadã grailu mpadi
(expr: nj-easti cã nu va s-hiu ascultat); canda va lj-armãnã cupia mpadi?
(expr: singurã, fãrã ca s-aibã un tsi s-lji poartã ngãtan?); l-bãgã mpadi
(expr: lu zdupunã mpadi, lu-azvimsi); s-cadã mpadi
(expr: s-lãndzidzascã); trapsi pristi nãs shi-l culcã mpadi
(expr: shi-l vãtãmã)

§ nimpadi/nimpade (ni-mpá-di) adv – tsi nu poati s-shadã tu-un loc; tsi nu lu-acatsã (nu lu-ari) loclu shi s-minã tut chirolu
{ro: fără astâmpăr}
{fr: remuant}
{en: restless}
ex: pitruniclji di nimpadi (tsi nu u-ari loclu, tsi nu shadi tu-un loc)

§ pripadi/pripade (pri-pá-di) adv – (dutsearea-a omlui dit un loc tu altu) cu imarea pri cicioarli a lui (nu ncãlar, nu tu-amaxi, etc.)
{ro: pe jos, cu picioarele}
{fr: à pieds}
{en: on foot}
ex: yinea pripadi (imnãndalui, cu cicioarli); sã s-ducã pripadi (cu cicioarli) ca cãnili; yinea pripadi (pri cicioari); mini earam pripadi, el ncãlar

§ dipadi/dipade (di-pá-di) adv (scriat shi di padi) – aproapea di loc, unã cu loclu, tsi da (agudeashti) di loc, etc.
(expr:
1: l-dau dipadi = (i) lu-aruc (l-zdupunescu) di loc; (ii) urfãnipsescu; (iii) aspun (discoapir, fac si s-aflã) lucri tsi nu suntu cunuscuti, tsi suntu acrifo)
{ro: jos, aproapea de nivelul pământului}
{fr: bas, au niveau de la terre}
{en: down, close to the ground level}
ex: deadi dipadi
(expr: zdupunã, huhuti, arcã mpadi) ficiorlu nica un ou; da pescul dipadi
(expr: l-zdupunã di loc, lu-arcã mpadi); ded dipadi
(expr: u urfãnipsii) casa ntreagã; ded dipadi (aspush tra si s-avdã) tut tsi shteam; cum s-imnã greaca pripadi (cu cicioarli) cu fustãnjli pãn dipadi (lundzi pãnã iu da di loc)?

§ nisursi-ri/nisursire (ni-sur-sí-ri) sf nisursiri (ni-sur-sírĭ) – atsea tsi s-fatsi cãndu cariva nu sh-surseashti barba; nixursiri, nearãdeari, nearadiri, nibãrbirisiri, nibãrbirsiri
{ro: acţiunea de a nu (se) rade, de a nu (se) bărbieri; neradere, nebărbierire}
{fr: action de ne pas (se) raser}
{en: action of not shaving}

§ xursescu (csur-sés-cu) (mi) vb IV xursii (csur-síĭ), xurseam (csur-seámŭ), xursitã (csur-sí-tã), xursiri/xursire (csur-sí-ri) – (unã cu sursescu)
ex: spuni al lala, tsi vidzush, macã-l xursish; s-lji cadã a lui shcurtitsa tra-s xurseascã (s-lu-aradã) amirãlu; barba nj-u xurseam (nj-u tãljam, surseam) giuneashti

§ xursit (csur-sítŭ) adg xursitã (csur-sí-tã), xursits (csur-sítsĭ), xursiti/xursite (csur-sí-ti) – (unã cu sursit)
ex: xursit shi cu perlu tãljat

§ xursiri/xursire (csur-sí-ri) sf xursiri (csur-sírĭ) – (unã cu sursiri)
ex: xursirea (sursirea) a grambolui

§ nixursit (nic-sur-sítŭ) adg nixursitã (nic-sur-sí-tã), nixursits (nic-sur-sítsĭ), nixursiti/nixursite (nic-sur-sí-ti) – (unã cu nisursit)

§ nixursiri/nixursire (nic-sur-sí-ri) sf nixursiri (nic-sur-sírĭ) – (unã cu nisursiri)

§ cusursescu (cu-sur-sés-cu) (mi) vb IV cusursii (cu-sur-síĭ), cusurseam (cu-sur-seámŭ), cusursitã (cu-sur-sí-tã), cusursiri/cusursire (cu-sur-sí-ri) – (unã cu sursescu)

§ cusursit (cu-sur-sítŭ) adg cusursitã (cu-sur-sí-tã), cusursits (cu-sur-sítsĭ), cusursiti/cusursite (cu-sur-sí-ti) – (unã cu sursit)

§ cusursiri/cusursire (cu-sur-sí-ri) sf cusursiri (cu-sur-sírĭ) – (unã cu sursiri)
ex: xursirea (sursirea) a grambolui

§ surãfescu (su-rã-fés-cu) (mi) vb IV surãfii (su-rã-fíĭ), surãfeam (su-rã-feámŭ), surãfitã (su-rã-fí-tã), surãfiri/surãfire (su-rã-fí-ri) – (unã cu sursescu)
ex: anarga, frate, surãfea (sursea)

§ surãfit (su-rã-fítŭ) adg surãfitã (su-rã-fí-tã), surãfits (su-rã-fítsĭ), surãfi-ti/surãfite (su-rã-fí-ti) – (unã cu sursit)

§ surãfiri/surãfire (su-rã-fí-ri) sf surãfiri (su-rã-fírĭ) – (unã cu sursiri)