DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

lelic

lelic (lé-licŭ) sm lelits (lé-litsĭ) – pulj cãlitor (tsi sta veara tu locurli-a noastri ma earna s-dutsi di bãneadzã tu locurli caldi), multu mari, cu cicioari lundzi shi areapitili di-aradã albi; lulec, lilec, ulalec, ulealec, ululec, uljulec, stãrcu, shtãrcu, shtrãc, pilican
{ro: barză}
{fr: cigogne}
{en: stork}
ex: nã vinjirã lelitslji; lelitslji, cãndu bat, fac scurdami

§ lilec (li-lécŭ) sm lilets (li-létsĭ) – (unã cu lelic)

§ lulec (lu-lécŭ) sm lulets (lu-létsĭ) – (unã cu lelic)
ex: aclo iu sh-cãntã luletslji

§ ulalec (u-la-lécŭ) sm ulalets (u-la-létsĭ) – (unã cu lelic)
ex: ulaleclu sh-fatsi cuibarlu pi ugeacurli a casilor

§ ulealec (u-lea-lécŭ) sm ulealets (u-lea-létsĭ) – (unã cu lelic)
ex: avea unã gushi ca di ulealec

§ ululec (u-lu-lécŭ) sm ululets (u-lu-létsĭ) – (unã cu lelic)

§ uljulec (u-ljĭu-lécŭ) sm uljulets (u-ljĭu-létsĭ) – (unã cu lelic)

T.Cunia Dictsiunar-a-Limbãljei-Armãneascã        

pilican1

pilican1 (pi-li-cánŭ) sm pilicanj (pi-li-cánjĭ) – pulj cãlitor (tsi sta veara tu locurli-a noastri ma earna s-dutsi di bãneadzã tu locurli caldi), multu mari, cu gusha sh-cicioarli lundzi shi areapitili di-aradã albi i grivi ca cinusha; lelic, lulec, lilec, ulalec, ulealec, ululec, uljulec, stãrcu, shtãrcu, shtrãc
{ro: barză}
{fr: cigogne}
{en: stork}
ex: pilicanlu mãcã broatits; fudzea mãratslji armãnj cum fug pilicanjlji shi lãndurli toamna; vidzui aeri cã vinjirã pilicanjlji

T.Cunia Dictsiunar-a-Limbãljei-Armãneascã        

stãrcu

stãrcu (stắr-cu) sm stãrtsi (stắr-tsi) – pulj cãlitor (tsi sta veara tu locurli-a noastri ma earna s-dutsi di bãneadzã tu locurli caldi), multu mari, cu cicioari lundzi shi areapitili di-aradã di hroma-a cinushiljei; shtãrcu, shtrãc, lulec, lilec, ulalec, ulealec, ululec, uljulec, pilican
{ro: cocostârc}
{fr: cigogne}
{en: stork}
ex: fug shi stãrtsilj cu pãreaclja; stãrtsilj fac cuibarili sh-pi ugeachi

§ shtrãc (shtrãcŭ) sm shtrãts (shtrắtsĭ) – (unã cu stãrcu)
ex: shi shtrãtslji fug earna tu locurli caldi

§ shtãrcu (shtắr-cu) sm shtãrtsi (shtắr-tsi) – (unã cu stãrcu)

T.Cunia Dictsiunar-a-Limbãljei-Armãneascã