DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

sutã

sutã (sú-tã) sf suti/sute – numirlu 100 (namisa di 99 shi 101); expr:
1: suti = numir mari; lucri multi; paradz multsã;
2: sutili mãritã hutili = cu paradz multsã (pai, multã) s-mãritã sh-featili uruti;
3: li-ascundu tu patru suti di guvi = li-ascundu ghini, di nu poati s-li aflã vãr)
{ro: sută}
{fr: cent}
{en: hundred}
ex: ari nã sutã (100) di calj; di dzatsi ori dzatsi fac nã sutã; nu putea nitsi nã sutã di lãmnji s-lu-aflã; eara nã pãlati cu-unã sutã di udãi, mplini di avutsami; vãtãmai nauãdzãtsi-shi-nauã shi ninga un si s-facã nã sutã!; nj-dzãsi cã nã sutã di liri n cap u da cuvenda; ma ghini nã sutã di ciumãdz pri truplu-a-alãntui, di unã singurã pi-a meu

§ sutacã (su-tá-cã) sf sutãts (su-tắtsĭ) – 100 di grami; a dzatsea parti dit-un chilugram (chilo)
{ro: 100 grame}
{fr: 100 grammes}
{en: 100 grams}
ex: nu cu tsindzac, tsi cu sutacã; urdinã tsindzacurli sh-sutãtsli

§ sutãreauã (su-tã-reá-ŭã) sf sutãrei (su-tã-réĭ) – vãrã (aproapea, deavãrliga di, ma multu i ma putsãn di) unã sutã; carti di-unã sutã (di paradz)
{ro: sutar}
{fr: centaine}
{en: about one hundred}
ex: adunã sutãreili (sutili, cãrtsãli di-unã sutã di paradz)

T.Cunia Dictsiunar-a-Limbljei-Armãneascã        

tsintsi

tsintsi (tsín-tsi) num – numirlu 5 (namisa di 4 shi 6);
(expr:
1: la/tu tsintsilji anj = anlu tsi ncljidi cariva tsintsi anj;
2: la/tu tsintsilji (tsintsili) = la atselj i atseali tsintsi;
3: tsintsi scoati, dzatsi mãcã = easti multu spatal, aspardzi ma multsã paradz di cãt amintã;
4: pãnã s-dzãts tsintsi = unãshunã, dinãoarã)
{ro: cinci}
{fr: cinq}
{en: five}
ex: va s-fug ti tsintsi dzãli; dã-nj, dzãtsi Chitlu, tsintsi ucadz di yin; shi-lj toarnã nãpoi tsintsi ucadz di yin pãtidzat; tsintsi armãnj unã pãzari, dzatsi grets, unã gumarã; sãrgljirã pri cãpitan shi, pãnã s-dzãts tsintsi (unãshunã), nu-armasi nitsi filii di nãs; tsintsilj (atselj tsintsi) frats fudzirã deadun; tricurã tsintsili (atseali tsintsi) dzãli shi ea-ts-lu eara; aestu acatsã shi-lj toarnã tsintsilj ucadz

§ tsintsirlu (tsín-tsir-lu) num ord tsintsirlea (tsín-tsir-lea) – atsel (atsea) tsi s-aflã tu loclu 5 dit unã aradã; atsel (atsea) tsi ari mash patru tu-aradã nãintea-a lui (ljei)
{ro: al cincilea, a cincea}
{fr: le (la) cinquième}
{en: the fifth}

§ tsisprã-dzatsi/tsisprãdzatse (tsís-prã-dzá-tsi) num – numirlu 15 (namisa di 14 shi 16)
{ro: 15, cincisprezece}
{fr: 15, quinze}
{en: 15, fifteen}
ex: di tsintsi ori trei fac tsisprãdzatsi

§ tsintsisprã-dzatsi/tsintsisprãdzatse (tsín-tsis-prã-dzá-tsi) num – (unã cu tsisprãdzatsi)

§ tsisprã/tsisprã (tsí-sprã) num – (unã cu tsisprãdzatsi)

§ tsisprãyinghits (tsís-prã-yín-ghits) num – numirlu 25 (namisa di 24 shi 26)
{ro: 25, douăzeci şi cinci}
{fr: 25, vingt-cinq}
{en: 25, twenty five}
ex: di tsintsi ori tsintsi fac tsisprãyinghits

§ tsintsisprãyinghits (tsín-tsis-prã-yín-ghits) num – (unã cu tsisprãyinghits)

§ tsindzãts (tsin-dzắtsĭ) num – numirlu 50 (namisa di 49 shi 51)
{ro: 50, cincizeci}
{fr: 50, cinquante}
{en: 50, fifty}
ex: s-nji dai tsindzãts di muli sãnãtoasi

T.Cunia Dictsiunar-a-Limbljei-Armãneascã         ma multu/ptsãn