|
strudz
strudz (strúdzŭ) sm strudz (strúdzĭ) – ma multi turlii di pulj njits di pãduri, cu peanili murni pi pãltãri shi albi-galbini pi cheptu, tsi s-hrãneashti cu mushti, yernji, poami, etc.; sturdzu, sturgiu, chirchirinã, chiuro
{ro: sturz}
{fr: grive (oiseau)}
{en: thrush}
ex: strudzlji (sturdzãlj) mash pi chinj azboarã
§ sturdzu (stúr-dzu) sm sturdzã (stúr-dzã) – (unã cu strudz)
§ sturgiu (stúr-gĭu) sm pl(?) – (unã cu strudz)
chirchirinã
chirchirinã (chir-chi-rí-nã) sf chirchirini/chirchirine (chir-chi-rí-ni) – soi di strudz, un pulj njic di pãduri, cu peanili murni pi pãltãri shi albi-galbini pi cheptu, tsi s-hrãneashti cu mushti, yernji, poami, etc.; chiuro, strudz, sturdzu, sturgiu
{ro: varietate de sturz}
{fr: espèce de grive (oiseau)}
{en: variety of thrush}
ex: strudzlji (sturdzãlj) mash pi chinj azboarã
§ chiuro (chĭu-ró) sm chiuradz (chĭu-rádzĭ) – (unã cu chirchirinã)
strug
strug (strúgŭ) sn strudz (strúdzĭ) – hãlati tsi ari un i dauã cãtsuti astãsiti pi-unã cumatã di lemnu, cu cari marangolu aradi (strugueashti) unã fatsã di scãndurã tra s-u facã ischi; arinde, rinde, rindeauã, rucani, arucani
{ro: rindea}
{fr: rabot}
{en: (bench) plane}
ex: cu struglu si struguescu scãndurili
§ struguescu (stru-gu-ĭés-cu) vb IV struguii (stru-gu-íĭ), strugu-eam (stru-gu-ĭámŭ), struguitã (stru-gu-í-tã), struguiri/struguire (stru-gu-í-ri) – omlu (marangolu) tsi lucreadzã (da) cu struglu tra s-ischeadzã scãndurili; arindisescu, arãndisescu, arundisescu, aruncãsescu, arucãnsescu
{ro: struji (da cu rindeaua)}
{fr: rabo-ter}
{en: plane (wood)}
ex: nu li strugui ghini scãndurili
§ struguit (stru-gu-ítŭ) adg struguitã (stru-gu-í-tã), struguits (stru-gu-ítsĭ), struguiti/struguite (stru-gu-í-ti) – lemnul (scãndura) tsi easti datã cu struglu; arindisit, arãndisit, arundisit, aruncãsit, arucãnsit
{ro: strujit}
{fr: raboté}
{en: planed}
§ strugui-ri/struguire (stru-gu-í-ri) sf struguiri (stru-gu-írĭ) – atsea tsi s-fatsi cãndu si strugueashti tsiva; arindisiri, arãndisiri, arundisiri, aruncãsiri, arucãnsiri
{ro: acţiunea de a struji; strujire}
{fr: action de raboter}
{en: action of planing}
§ strugar (stru-gárú) sm strugari (stru-gárĭ) – omlu tsi lucreadzã leamnili (scãndurili, chiristelu) cu struglu
{ro: cel care strujeşte}
{fr: raboteur}
{en: planer}
ex: strugarlji nchisirã s-lucreadzã chiristelu ti casili-a lui
§ strugãrii/strugãrie (stru-gã-rí-i) sf strugãrii (stru-gã-ríĭ) – tehnea sh-lucrul tsi-l fac strugarlji
{ro: meseria (atelier) de strujit}
{fr: rabotage}
{en: planer profession or shop}
sturdzu
sturdzu (stúr-dzu) sm – vedz tu strudz
T.Cunia Dictsiunar-a-Limbãljei-Armãneascã vedz: strudzsturgiu
sturgiu (stúr-gĭu) sm – vedz tu strudz
T.Cunia Dictsiunar-a-Limbãljei-Armãneascã vedz: strudz