spastrã (spás-trã) sf spastri/spastre (spá-stri) – harea tsi-l fatsi un lucru (ubor, casã, dulapi, etc.) tra s-hibã ndreptu sh-curat; pastrã, nãscãrii, chischineatsã, chischimeatsã, cãtãrãsiri, catãrisiri;
(expr: am (tsãn) spastrã = hiu curat)
{ro: curăţenie}
{fr: propreté, nettoyage}
{en: cleanliness}
ex: tsãni spastrã n casã
(expr: u tsãni casa curatã); ari mari spastrã
(expr: easti multu chischinã, curatã)
§ spastru1 (spás-tru) adg spastrã (spás-trã), spashtri (spásh-tri), spastri/spastre (spás-tri) – tsi nu easti murdar; tsi easti curat; tsi nu easti-amisticat cu tsiva; pastru, curat
{ro: curat}
{fr: propre}
{en: clean}
ex: imna multu spastru (curat)
§ spastru2 (spás-tru) sm spashtri (spásh-tri) – atsea tsi s-fatsi cãndu si spãstreashti (unã casã); pastru
{ro: curăţit, curăţire)}
{fr: nettoyage}
{en: cleaning}
ex: cu spastrul (pastra, spãstrirea) a casilor chirui dzua di lucru
§ spãstrescu (spãs-trés-cu) (mi) vb IV spãstrii (spãs-tríĭ), spãstream (spãs-treámŭ), spãstritã (spãs-trí-tã), spãstri-ri/spãstrire (spãs-trí-ri) – cur shi ndreg casa (dulapea, uborlu, etc.) tra s-aibã tuti lucrili curati sh-bãgati tu-aradã; pãstrescu, pãstrãsescu, anãschirsescu, anischirsescu, nãscãrsescu, nãschir-sescu, arãdãpsescu, cãtãrãsescu, cãtãrisescu, cur;
(expr: li spãstrescu = (i) li ljau peascumta, li ljau cu arãdearea, fur, nãscãr-sescu, ciuplescu, afum, agudescu, etc.; (ii) mãc, angljit, u-arucu-tescu tutã mãcarea, etc.; (iii) l-vatãm pri cariva)
{ro: deretica, curăţi}
{fr: nettoyer}
{en: clean}
ex: va sã spãstrim (curãm, anãschirsim) casa; spãstrea (cura) pãputsãli; nu-sh spãstreashti (nu sh-curã, nu sh-aspealã) stranjili; spãstrea-ti
(expr: fudz, ascundi-ti) s-nu ti veadã; paradzlji-lj spãstri
(expr: lj-lo peascumta, lj-furã); na aestu hiumunic, s-lu spãstrits
(expr: s-lu mãcats, s-nu-armãnã tsiva di el); ca s-lu-aibã spãstritã
(expr: s-lu-aibã vãtãmatã); lu spãstrirã
(expr: l-vãtãmarã); mini li spãstrii
(expr: li loai) tuti luguriili tsi-avea, tsi nu avea; spãstrea-nj (tsãni-nj) aesti cãrtsã pãnã s-fug acasã
§ spãstrit (spãs-trítŭ) adg spãstritã (spãs-trí-tã), spãstrits (spãs-trítsĭ), spãstriti/spãstrite (spãs-trí-ti) – tsi easti curat shi ndreptu; pãstrit, pãstrãsit, anãschirsit, anischirsit, nãscãrsit, nãschirsit, arãdãpsit, cãtãrãsit, cãtãrisit, curat
{ro: dereticat, curăţit}
{fr: nettoyé}
{en: cleaned}
ex: di multu spãstritã tsi eara, nu-lj spilã dip prashlji
§ spãstri-ri/spãstrire (spãs-trí-ri) sf spãstriri (spãs-trírĭ) – atsea tsi s-fatsi cãndu cariva spãstreashti; pãstriri, pãstrãsiri, anãschirsiri, anischirsiri, nãscãrsiri, nãschirsiri, arãdãpsiri, cãtãrãsiri, cãtãrisiri, curari
{ro: acţiunea de a deretica, de a curăţi; dereticare, curăţire}
{fr: action de nettoyer; nettoyage}
{en: action of cleaning}
§ pastrã (pás-trã) sf pastri/pastre (pás-tri) – (unã cu spastrã)
ex: ari pastrã multã (tsãni multã chischineatsã, easti multu curatã) muljarea aestã
§ pastru1 (pás-tru) adg pastrã (pás-trã), pashtri (pásh-tri), pastri/pastre (pás-tri) – (unã cu spastru1)
§ pastru2 (pás-tru) sm pashtri (pásh-tri) – (unã cu spastru2)
§ pãstrescu (pãs-trés-cu) (mi) vb IV pãstrii (pãs-tríĭ), pãstream (pãs-treámŭ), pãstritã (pãs-trí-tã), pãstriri/pãstrire (pãs-trí-ri) – (unã cu spãstrescu)
§ pãstrit (pãs-trítŭ) adg pãstritã (pãs-trí-tã), pãstrits (pãs-trítsĭ), pãstriti/pãstrite (pãs-trí-ti) – (unã cu spãstrit)
§ pãstriri/pãstrire (pãs-trí-ri) sf pãstriri (pãs-trírĭ) – (unã cu spãstriri)
§ pãstrãsescu (pãs-trã-sés-cu) (mi) vb IV pãstrãsii (pãs-trã-síĭ), pãstrãseam (pãs-trã-seámŭ), pãstrãsitã (pãs-trã-sí-tã), pãstrãsiri/pãstrãsire (pãs-trã-sí-ri) – (unã cu spãstrescu)
§ pãstrãsit (pãs-trã-sítŭ) adg pãstrãsitã (pãs-trã-sí-tã), pãstrãsits (pãs-trã-sítsĭ), pãstrãsiti/pãstrãsite (pãs-trã-sí-ti) – (unã cu spãstrit)
§ pãstrãsiri/pãstrãsire (pãs-trã-sí-ri) sf pãstrãsiri (pãs-trã-sírĭ) – (unã cu spãstriri)
T.Cunia Dictsiunar-a-Limbãljei-Armãneascã ma multu/ptsãn