|
|
slupi
slupi (slú-pi) sf pl(?) – turlia cu cari s-aspuni tu videari (avdzãri, fãtseari, etc.) un lucru; bicimi, formã
{ro: formă}
{fr: forme, façon}
{en: form, manner}
ex: tsi lai slupi (formã, vidzutã), tsi tãcãmi!
bicimi/bicime
bicimi/bicime (bi-cí-mi) sf bicinj (bi-cínjĭ) – turlia cu cari s-aspuni tu videari (avdzãri, fãtseari, etc.) un lucru; formã, slupi
{ro: formă}
{fr: forme}
{en: form}
ex: ahtari bicimi va s-lja
§ bicimsãz (bi-cim-sắzŭ) adg bicimsãzã (bi-cim-sắ-zã), bicimsãji (bi-cim-sắjĭ), bicimsãzi/bicimsãze (bi-cim-sắ-zi) – tsi nu-ari unã bicimi, di-aradã, bunã i mushatã; tsi easti arãu (strãmbu, anapud)
{ro: inform}
{fr: inform, mal fait, mauvais}
{en: ill-formed, unformed}
ex: bicimsãji (strãnghi, anapudz) oaminj!
slut
slut (slútŭ) adg slutã (slú-tã), sluts (slútsĭ), sluti/slute (slú-ti) – cari ari unã vidzutã (slupi) tsi nu u-arãseashti ocljul a omlui; tsi nu easti mushat tu videari; urãt, urut, salchiu, taxes
{ro: urât}
{fr: laid}
{en: ugly}
ex: ari un ficior slut (urãt)
§ slutichi/slutiche (slu-tí-chi) sf slutichi (slu-tíchĭ) – catandisea-a atsilui cari easti slut; harea tsi-l fatsi pri cariva s-aspunã slut; urãteatsã, urãtsami, uruteatsã, urutsami, urteatsã, urtsami
{ro: urâţenie}
{fr: laideur}
{en: ugliness}
§ slutsãscu (slu-tsãs-cu) vb IV slutsãi (slu-tsắĭ), slutsam (slu-tsámŭ), slutsãtã (slu-tsắ-tã), slutsãri/slutsãre (slu-tsắ-ri) – fac tsiva tra s-hibã slut; urãtsãscu, urutsãscu, urtsãscu
{ro: urâţî}
{fr: faire ou devenir laid}
{en: uglify, make or become ugly}
§ slutsãt (slu-tsắtŭ) adg slutsãtã (slu-tsắ-tã), slutsãts (slu-tsắtsĭ), slutsãti/slutsãte (slu-tsắ-ti) – tsi s-ari faptã slut; urãtsãt, urutsãt, urtsãt
{ro: urâţât}
{fr: fait ou devenu laid}
{en: uglified, made ugly}
§ slutsãri/slutsãre (slu-tsắ-ri) sf slutsãri (slu-tsắrĭ) – atsea tsi s-fatsi cãndu cariva s-adarã slut; urãtsãri, urutsãri, urtsãri
{ro: acţiunea de a urâţî; urâţâre}
{fr: action de faire ou de devenir laid}
{en: action of uglifying, action of making or becoming ugly}