DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

sivdã

sivdã (siv-dắ) sm sivdadz (siv-dádzĭ) – vrearea tsi u ari un bãrbat (muljari) trã unã muljari (bãrbat); simtsãmintul di vreari tsi u ari un om trã tsiva; sivdai, mirachi, vreari, alughiri, alãghiri, vilisiri, aghapi;
(expr:
1: lj-am sivdai = aduchescu vreari, agãpisescu; u/lu voi; u/lu am tu vreari;
2: nj-aruc sivdaea = cad tu vreari)
{ro: iubire, amor}
{fr: amour}
{en: love}
ex: ficiorlu avea sivdãlu (vrea-rea, mirachea) a gramatilor; poati s-lu tsãnã ndoauã dzãli la pãlati, s-lu veadã, pãnã s-lji treacã sivdãlu (vrearea); tut sivdãlu a meu lu-arcai pri capra al vãsilje!

§ sivdai/sivdae (siv-dá-i) sf sivdãi (siv-dắĭ) – (unã cu sivdã)
ex: lj-am mari sivdai (lu/u voi multu); lj-am mari sivdai a cãrtsãlor shi li dghivãseam cu lingura, ca apa; sivdaea (vrearea, agapea) nu ari mardzini; cu multã sivdai (vreari) si ncurunã cu nãsã; sh-arucã sivdaea (vreari) pi nãsã; am multã sivdai (mirachi) s-acumpãr nã preaclji di veri di-amalãmã cu cheatrã; tsi s-lji facã a vreariljei tora, cã sivdaea (vrearea) cu yitrii nu s-vindicã

§ sivdãliu (siv-dã-líŭ) adg sivdãlii/sivdãlie (siv-dã-lí-i), sivdãlii (siv-dã-líĭ), sivdãlii (siv-dã-líĭ) – tsi easti tu vreari, tsi ari sivdã
{ro: amoros}
{fr: aimant, amoureux}
{en: loving}
ex: nj-hiu di sivdãlii (hiu ashi di itia cã nj-escu tu vreari)

§ sivdaliu (siv-da-líŭ) adg sivdalii/sivdalie (siv-da-lí-i), sivdalii (siv-da-líĭ), sivdalii (siv-da-líĭ) – (unã cu sivdãliu)
ex: birbiljlu sivdaliu (tsi easti tu vreari); escu multu sivdaliu (mi-arãsescu multu, am mari mirachi) ti mushutets; easti sivdalii ti flori (li va multu florli)

§ sivdãlã (siv-dã-lắ) adg sivdãloanji/sivdãloanje (siv-dã-loắ-nji), sivdãladz (siv-dã-ládzĭ) adg sivdãloanji/sivdãloanje (siv-dã-loắ-nji) – (unã cu sivdãliu)

§ sivdãlos (siv-dã-lósŭ) adg sivdãloasã (siv-dã-lŭá-sã), sivdãlosh (siv-dã-lóshĭ), sivdãloasi/sivdãloase (siv-dã-lŭá-si) – (unã cu sivdãliu)

T.Cunia Dictsiunar-a-Limbljei-Armãneascã