DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

agru4

agru4 (á-gru) sn agri/agre (á-gri) – cãmpu lucrat sh-avrãguit trã crishteari grãni; agur;
(expr: canda-lj mãcarã agrul puljlji = easti multu nvirinat)
{ro: ogor, ţarină}
{fr: champ labouré}
{en: ploughed field}
ex: afendi easti la agru; arãm agrili; boilji fac agru (arã loclu); di-nj si dusirã oili tu-agru; s-eara tuts avuts, cari vrea sãpa agrili?

§ agur (á-gurŭ) sn agãri/agãre (á-gã-ri) – (unã cu agru)
ex: paplu li shtii agãrli cama ghini dicãt mini; ts-am mãcatã agãrli a tat-tui

§ agrishti/agrishte sf agrishturi (a-grísh-turĭ) – pãrtsãli (paljili) di grãni tsi-armãn tu agru s-putridzascã, dupã tsi birichetea easti sitsiratã, adunatã sh-purtatã acasã; agrul tu cari armasirã frãndzãli shi pãrtsãli dit truplu a grãnilor, a misurlui (cu-arãdãtsinjli ngrupati tu loc), etc., dupã tsi birichetea easti purtatã nafoarã dit agru; cãlãmnjauã
{ro: păiş; mirişte}
{fr: chaume, étaule}
{en: stubble; stubble field}

T.Cunia Dictsiunar-a-Limbãljei-Armãneascã        

cãlãmnjauã

cãlãmnjauã (cã-lãm-njĭá-ŭã) sf cãlãmnjei (cã-lãm-njĭéĭ) – pãrtsãli (paljili) di grãni tsi-armãn tu agru s-putridzascã, dupã tsi birichetea easti sitsiratã, adunatã sh-purtatã acasã; agrul tu cari armasirã frãndzãli shi pãrtsãli dit truplu a grãnilor, a misurlui (cu-arãdãtsinjli ngrupati tu loc), etc., dupã tsi birichetea easti purtatã nafoarã dit agru; agrishti
{ro: păiş; mirişte}
{fr: chaume, étaule}
{en: stubble; stubble field}
ex: agrul a nostru easti tora unã cãlãmnjauã di cãlãmbuchi

T.Cunia Dictsiunar-a-Limbãljei-Armãneascã        

cãpitsã

cãpitsã (cã-pí-tsã) sf cãpitsã (cã-pí-tsã) – stog di palji, di erghi sitsirati, uscati sh-adunati tu-un loc (trã hrana-a prãvdzãlor) tu cãmpu i uborlu-a omlui; cupitsã, leasã, copã
{ro: căpiţă, claie}
{fr: petite meule de foin}
{en: small haystack}
ex: earba u-adunai cãpitsã (stoguri); acumpãrai nã cãpitsã (stog) di earbã

§ cupitsã1 (cu-pí-tsã) sf cupitsã (cu-pí-tsã) – (unã cu cãpitsã)

§ copã1 (có-pã) sf copi/cope (có-pi) – (unã cu cãpitsã)
ex: copã di earbã

T.Cunia Dictsiunar-a-Limbãljei-Armãneascã        

leasã3

leasã3 (leá-sã) sf leasi/lease (leá-si) – stog di palji, di alumãchi di arburi, icã di erghi sitsirati, uscati sh-adunati tu-un loc (trã hrana-a prãvdzãlor) tu cãmpu i uborlu-a omlui; copã, cãpitsã, cupitsã
{ro: căpiţă, claie}
{fr: petite meule de foin}
{en: small haystack}
ex: adunai earba sitsiratã tu-unã leasã (cãpitsã)

T.Cunia Dictsiunar-a-Limbãljei-Armãneascã        

seatsirã

seatsirã (seá-tsi-rã) sf seatsiri/seatsire (seá-tsi-ri) shi seatsiri (seá-tsirĭ) – hãlati ncusuratã cu cari s-talji (cu mãna) earba analtã i grãnili, cusor, dirpani
{ro: secere}
{fr: faucille}
{en: sickle}
ex: nu talji seatsira; sitsirãm cu seatsira; luna pãrea unã seatsirã di-amalamã; seatsira-a moartiljei easti lungã

§ seatsiri/seatsire (seá-tsi-ri) sf seatsiri/seatsire (seá-tsi-ri) shi seatsiri (seá-tsirĭ) – (unã cu seatsirã)

§ seatsir (seá-tsirŭ) vb I sitsirai (si-tsi-ráĭ), sitsiram (si-tsi-rámŭ), sitsiratã (si-tsi-rá-tã), sitsirari/sitsirare (si-tsi-rá-ri) – talj earbã analtã icã grãni (cu mãna icã cu unã hãlati micanicã);
(expr: (vimtul) seatsirã = (vimtu) bati vãrtos, aratsi, ca gljatsa, canda ti seatsirã)
{ro: secera}
{fr: moissoner}
{en: harvest, reap}
ex: ahiurhirã s-seatsirã sicarea; li sitsirarã grãnili tu loclu atsel; oaminjlji sitsira schicurli sh-aduna mãnuclji paljili; mãni va sitsirãm agrili; dimneatsa tsi inshii dit casã, vimtul sitsira shi
(expr: eara multu aratsi, canda ti sitsira di) tsã loa anasa

§ sitsirat (si-tsi-rátŭ) adg sitsiratã (si-tsi-rá-tã), sitsirats (si-tsi-rátsĭ), sitsi-rati/sitsirate (si-tsi-rá-ti) – tsi easti tãljat cu seatsirã
{ro: secerat}
{fr: moissoné}
{en: harvested}
ex: grãni sitsirati; unã lilici sitsiratã (= moartã) tu caplu a prumuvearãljei

§ sitsirari/sitsirare (si-tsi-rá-ri) sf sitsirãri (si-tsi-rắrĭ) – atsea tsi fatsi un cãndu seatsirã
{ro: acţiunea de a secera; secerare}
{fr: action de moissoner}
{en: action of harvesting}
ex: s-duc muljerli la sitsirari

§ sitsirãtor (si-tsi-rã-tórŭ) sm, sf, adg sitsirãtoari/sitsirãtoare (si-tsi-rã-tŭá-ri), sitsirãtori (si-tsi-rã-tórĭ), sitsirãtoari/sitsirãtoare (si-tsi-rã-tŭá-ri) – un tsi seatsirã

T.Cunia Dictsiunar-a-Limbãljei-Armãneascã         ma multu/ptsãn