DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

sinjicat

sinjicat (si-nji-cátŭ) adg sinjicatã (si-nji-cá-tã), sinjicats (si-nji-cátsĭ), sinjicati/sinjicate (si-nji-cá-ti) – tsi easti faptu s-aibã unã hromã ca atsea di pi truplu-a omlui cãndu easti agudit vãrtos; tsi ari unã hromã lai pristi tut; tsi ari unã hromã murnã-albastrã ntunicatã pristi trup; vinjit, vinit, murnu, scur
{ro: învineţit}
{fr: bleu foncé; complétement noir}
{en: dark blue}
ex: murlji suntu lãi, sinjicats (vinjits, murnji); timnjatolu easti lai, sinjicat (lãit pristi tut); purta un stranj sinjicat (lai)

T.Cunia Dictsiunar-a-Limbãljei-Armãneascã        

vinjit2

vinjit2 (ví-njitŭ) adg vinjitã (ví-nji-tã), vinjits (ví-njitsĭ), vinjiti/vi-njite (ví-nji-ti) – tsi ari unã hromã albastrã ntunicatã (tsi da niheamã sh-pri hroma-a yioarãljei); tsi ari unã hromã ca atsea di pi truplu-a omlui cãndu easti agudit vãrtos; vinit, murnu, scur, sinjicat;
(expr:
1: mi fac vinjit la fatsã (di inati) = mi nãirescu multu; vinitsãscu (di inati);
2: vinjiti = stranji di lãnã tsi au nã bueauã vinjitã: cãndushi, cioarits, tsipuni, etc.)
{ro: vânăt}
{fr: violacé, gris foncé}
{en: violet-blue, bluish-grey}
ex: niscãntsã suntu tu albi, altsã sun tu vinjiti
(expr: tu stranji vinjiti di lãnã)

§ vinit2 (ví-nitŭ) adg vinitã (ví-ni-tã), vinits (ví-nitsĭ), viniti/vinite (ví-ni-ti) – (unã cu vinjit2)
ex: lj-adunã lãludz, soi-soi, sh-albi sh-aroshi, galbini sh-albastri, viniti sh-verdzã; avea loatã din pãzari nã pãndzã vinitã; s-alãxirã tuts tu viniti (fig: stranji di lãnã viniti)

§ vinjiteatsã (vi-nji-teá-tsã) sf vinjitets (vi-nji-tétsĭ) – hroma murnã ncljisã, vinjitã (di bãteari, arcoari, etc.); urma vinjitã tsi-armãni pi truplu-a omlui cãndu easti agudit vãrtos; murneatsã
{ro: vânătaie}
{fr: bleuissement, meurtrissure}
{en: bruise}

§ nvinji-tsãscu (nvi-nji-tsắs-cu) vb IV nvinjitsãi (nvi-nji-tsắĭ), nvinjitsam (nvi-nji-tsámŭ), nvinjitsãtã (nvi-nji-tsắ-tã), nvinjitsãri/nvinjitsãre (nvi-nji-tsắ-ri) – buisescu un stranj sh-lu fac vinjit; (mi) fac murnu (vinit) di bãteari (arcoari, etc.); vinjitsãscu, vinitsãscu, nvinitsãscu, murnescu;
(expr: nvinitsãscu (la fatsã, di inati) = mi nãirescu multu; (di inati) mi fac vinjit la fatsã)
{ro: învineţi}
{fr: bleuir; meurtrir}
{en: bruise, turn blue}
ex: budzãli nji nvinjitsãrã; nvinitsa tu fatsã; lu nvinitsãrã (l-featsirã tut vinjit) di bãteari

§ nvinjitsãt (nvi-nji-tsắtŭ) adg nvinjitsãtã (nvi-nji-tsắ-tã), nvinjitsãts (nvi-nji-tsắtsĭ), nvinjitsãti/nvinjitsãte (nvi-nji-tsắ-ti) – tsi s-ari faptu vinit di bãteari, arcoari, etc.; vinjitsãt, vinitsãt, nvinitsãt, murnit

T.Cunia Dictsiunar-a-Limbãljei-Armãneascã         ma multu/ptsãn