DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

sicarã

sicarã (si-cá-rã) sf sicãri (si-cắrĭ) shi sicãruri (si-cã-rúrĭ) – soi di earbã-analtã criscutã di om tu agri (tsi va siminari cati an tra s-creascã), cu palj lungu shi schic ncãrcat cu-arãdz di gãrnutsã, tsi sh-u-adutsi multu cu grãnlu tu videari (mash cã paljlu easti ma analtu, pãnã di 2m, shi schiclu ma ascur); gãrnutslu faptu di-aestã earbã, bun trã hrana-a oaminjlor shi a prãvdzãlor (cã dit nãsã s-fatsi unã pãni niheamã ma lai ca di-atsea di grãn, s-fatsi arãchii, etc.);
(expr: easti cu sicarã n cap = easti cu minti n cap, easti dishteptu, mintimen)
{ro: secară}
{fr: seigle}
{en: rye}
ex: pãnea di sicarã easti lai, ma hrãneashti; pãnea tsi mãcãm asearã eara di sicarã; pãni di sicarã, bunã trã tu oalã; s-creascã sicãrurli tu agri; singurlu crishtin cu tsiva sicarã n cap
(expr: cu niheamã minti n cap)

§ sicãreatsã (si-cã-reá-tsã) sf sicãrets (si-cã-rétsĭ) – pãni di sicarã
{ro: pâine de secară}
{fr: pain de seigle}
{en: rye bread}

§ sicãrinji/sicãrinje (si-cã-rí-nji) sf sicãrinj (si-cã-rínjĭ) – agru siminat cu sicarã
{ro: loc semănat cu secară}
{fr: endroit semé de seigle}
{en: land sowed with rye}

T.Cunia Dictsiunar-a-Limbljei-Armãneascã