21: di la cap s-amputi pescul = zborlu tsi s-dzãtsi cãndu lucrili s-duc anapuda shi stepsul ahiurheashti cu-atselj ma mãrlji, cu capitli;
22: am cap, ãnj talji caplu, nj-lja caplu, nj-aprindi caplu, etc. = hiu multu dishteptu, u nvets multu ghini cartea, aduchescu lishor sh-ghini tut tsi-nj si spuni i tsi dghivãsescu;
23: cap ligat = cap cu minti sãnãtoasã, cu giudicatã bunã, cap tsi mindueashti ghini;
24: un cu dauã capiti = un gioni cutidzãtor, cu gãireti;
25: (trec, s-fac) “doi” anj ãn cap = (trec, s-fac) tamam “doi” anj;
26: dau cap, scot caplu = mi-aspun, mi ved, mi-alãncescu, mi ndzãmedz; es nafoarã;
27: nu pot sã scot caplu iuva; nu am iu sã scot caplu; nj-bãgai caplu tu loc = nj-easti multã arshini, mi-arushinai multu, mi ngroapã loclu;
28: (nj-)aplec caplu = mi ncljin, mi tãpinjusescu, u-adun coada, ãnj scadi tinjia, lu-aspindzur caplu, etc.;
29: cu caplu nghios = amãrãt, nvirinat, cripat, tapin, tãpinusit;
30: cu caplu-aspindzurat, lu-aspindzurai caplu = (i) hiu nvirinat, mãrãnat, amãrãt, cãnjisit, cripat, etc.; (ii) escu cãtãdixit, nj-si freadzirã nãrli, nj-adunai coada, etc.;
31: hiu domnu pri caplu-a meu = fac cum voi mini, nu fac tsi-nj dzãc altsã, nu tsãn di vãrnu tu bana-a mea;
32: nj-bag caplu tu tastru = mi afierusescu, mi fac curbani (tilefi);
33: lj-mãc caplu = ãl mor, ãl vatãm;
34: mut (scol) caplu = mi ximut, rebilipsescu; mi-alumtu cu oaminjlji a unei chivernisi dit cratlu iu bãnedz di itia cã elj fac nindriptãts shi tirãnsescu dunjaea;
35: l-bag cu caplu tu loc = lu-aurlu, l-cãtigursescu multu;
36: nj-leg caplu = mi nsor;
37: mi scol cu noaptea n cap = mi scol di-andzari, tu hãrãxitã, tu cripata-a dzuãljei, tu hãryii, etc.;
38: pri caplu-a meu! nj-bag caplu! = unã soi di giurat tsi s-fatsi dinintea-a unui om tsi nu nã pistipseashti, cu noima di “hiu sigur di-atseali tsi dzãc, giur cã-i dealihea, s-mor ma s-nu hibã dealihea, s-mi-agudeascã astrãpia, etc.”;
39: ãlj ljau caplu = ãlj talj caplu sh-lu-alas fãrã cap!;
40: nj-ljau caplu = fug di-aoa, mi fac afan, u-angan cãtsaua, li cãlescu, etc.;
41: s-lj-arachi caplu shi s-fudz; sã-lj ljai caplu shi s-fudz!; sã-lj ljai caplu di mushatã tsi easti = easti multu mushatã, nu-ari tu lumi ma mushatã di ea;
42: ãnj shuirã prit cap = ãnj treatsi prit minti;
43: nu mi doari caplu = nu-am ananghi, nu-am vãrã cripari, nu nj-adutsi vãrã ghideri;
44: nj-u da n cap = mi fatsi sã-nj yinã-andralã, mi mbeatã;
45: nj-adar caplu, lu-am adratã caplu = mi mbet, mi-am mbitatã;
46: nu shtiu iu nj-am caplu = hiu ahãntu acãtsat cã nu shtiu tsi s-fac prota;
47: nu dzãc cap = nu mi doari caplu, nu am dureari di cap;
48: u acot ãn cap; lu scot un lucru n cap = l-biti-sescu un lucru ashi cum ãl voi, u scot naparti, l-fac lucrul cum mi-arãseashti s-hibã adrat, amintu (azvingu) tu-unã alumtã, etc.;
49: nj-fac di cap; nj-fac dupã cum ãnj lja caplu vimtu = fac tsi voi, cum voi, cum ãnj treatsi prit minti, nu-ascultu di vãrnu;
50: u-adar cu cap sh-cu coadã = fac un lucru slab, nibun, cum nu lipseashti adrari;
51: din cap pãnã n coadã; di la cap pãnã la cicioari = ditu-nchisitã pãnã tu bitisitã;
52: nu-ari ni coadã, ni cap; ne cap, ne cior = easti ncãrshiljat, alocuta, sh-mintit, di nu pots s-aducheshti tsiva di tsi s-fatsi;
53: lj-aprindu palji n cap; lj-aprindu caplu = lj-dzãc zboarã tsi-l cãrtescu, tsi lu-aprindu, tsi-l inãtusescu, tsi-l fac s-lu-acatsã dratslji;
54: nj-bat caplu di mur (stizmã) = mi frimintu multu shi nu shtiu tsi s-fac, nu pot s-ljau unã apofasi;
55: am fumuri ãn cap = nj-trec mash glãrinj, yisi, pirifãnj prit cap;
56: nj-dau caplu di cheatrã = nj-pari arãu di tsi am faptã)
{ro: cap, căpăţână de usturoi, sfârc de sân, roată de caşcaval, capital, şef, capăt, extremitate, etc.}
{fr: tête; tête d’ail, têtin, bout de sein; fromage; capital, chef, bout, commencement, etc.}
{en: head, garlic cloves; nipple, cheese, capital, chief, end, etc.}
ex: unã cãciubã yirminoasã, sum cãciubã nã livadi, sum livadi dauã-arveli, sum arveli doi purunghi, sum purunghi un shoput cu dauã shulinari, sum shoput unã moarã, sum moarã un cioc (angucitoari: caplu-a omlui); nã cuciubã cu shapti guvi (angucitoari: caplu-a omlui); tricu fãndãclu pisti capitli-a noastri; caplu fatsi, caplu tradzi; caplu tsi nu ntreabã, multi vai tragã; cap ai, tsi u vrei mãdua?; voi cari avets cap? (fig: ma marli?); cari sh-aveaglji gura, caplu-a lui sh-aveaglji; caplu s-hibã ghini, scuturi (taxirãts) cãti s-vrei; nu s-aleadzi, iu-i caplu shi iu-i coada
(expr: easti mintit, alocuta, nu ari ni nchisitã ni bitisitã); cari s-ai cap trã discari, du-ti la moarã; cari ai cap trã discari, du-ti ndzeanã sh-huhutea; acãtsarã capitli sh-li tãljarã (fig: cãpiili sh-lji vãtãmarã); coada cap (fig: cãpii, ma mari) easti la noi sh-luplu picurar la oi; mizia scoasi cap
(expr: cãt fitrusi, cãt criscu niheamã); scoasi cap
(expr: nchisi si scoatã pronj) furuntselu; nu pot si scot caplu di fricã
(expr: nu pot s-es nafoarã); inshits soatsã, cu capitli goali
(expr: capitli neacupiriti); s-acãtsã tu caplu-a corlui
(expr: tu nchisita-a corlui); nu-ari nitsiun cap di alj
(expr: easti multu oarfãn); lj-supsi caplu di tsãtsã
(expr: lj-supsi gurguljlu); adu-nj dauã capiti
(expr: aroati) di cãshcãval; toclu mãca caplu (fig: capitalu); caplu (fig: capitalu) di paradz njicshurã; nj-mãcã calpuzanlu shi capitli
(expr: capitaljlu, paradzlji bãgats tu alishvirishi) shi diafurlu; ari capitli cu diafur
(expr: paradzlji bãgats cu toc); oili deadirã cap
(expr: s-alãncirã); da cap
(expr: s-aspun, s-ved, s-alãncescu) cãrvãnarlji la crutsi; deadirã cap fumeljli, si lj-arcãm cãrveljli; deadi un cap di-arãu
(expr: andzãmã un izvur); lãcrinjli-a ljei, un cap di-rãu
(expr: izvur); cap
(expr: da cap, s-alãncescu) sh-cudarlji; ishirã tu caplu
(expr: intrata, nchisita) a prumuvearãljei; mushatã, sã-lj ljai caplu; el ari cap ligat
(expr: tsi mindueashti ghini, cu giudicatã bunã), nu-lj lja caplu
(expr: nu-aducheashti, nu-lj talji caplu); lj-loa multu caplu
(expr: eara multu dishteptu, nvitsa multu ghini); nveatsã culai, lj-aprindi caplu
(expr: easti dishteptu); bãneadzã fãrã s-lu doarã caplu
(expr: fãrã cripãri); pãn tu oara-a moartiljei nu dzãsi cap (nu dzãsi cã-l doari caplu); di-atumtsea tricurã doi anj ãn cap
(expr: s-featsirã tamam doi anj); nu va poatã s-u scoatã n cap
(expr: nu va poatã s-bitiseascã lucrul, s-amintã, s-azvingã); n cap cu tini ni draclu nu u scoati
(expr: ni draclu nu poati s-ti-azvingã, s-amintã cu tini); s-lu scoatã lucurlu n cap
(expr: s-lu bitiseascã lucrul); cari i-atsel cu dauã capiti
(expr: cari easti atsel tsi s-pistipseashti gioni sh-cuteadzã s-facã…); mutã caplu
(expr: rebilipsi); ashtirnets-vã, nu mutats cap
(expr: nu vã ximutats); cari s-dutsi aclo, sh-bagã caplu tu tastru
(expr: s-fatsi curbani); s-tsã mãts caplu, s-tsã mãts!
(expr: s-ti moarã, s-ti vatãmã); tsi yini cu caplu nghios
(expr: nvirinat, tãpinusit)?; li-aspindzurarã capitli
(expr: s-cãtãdixirã, lã scãdzu tinjia, sh-li freadzirã nãrli, s-arushinarã); mi featsi s-nu pot si-nj scot caplu iuva
(expr: mi featsi s-mi-arushinedz multu); mi bãgarã cu caplu tu loc
(expr: mi-aurlarã multu); dusi, sh-lo caplu!
(expr: fudzi!); an, trã Stã Vinjiri, sh-ligã sh-el caplu
(expr: si nsurã); yinlu lj-u deadi n cap
(expr: lu mbitã, l-featsi sã-lj yinã an-dralã); lu-avea adratã caplu
(expr: s-avea mbitatã); si scoalã cu noaptea n cap
(expr: si scoalã di andzari, tu hãrãxitã, etc.); mi giur pi caplu-a meu
(expr: mi giur, s-mor ma s-nu hibã dealihea); pi cap-tsã, nu mi-arãdi!
(expr: s-ti-agudeascã astrãpia ma s-mi-arãdz); sculã caplu
(expr: si ximutã, rebilipsi) Arbinshia; di tsi ts-arãdz va-ts cadã (yinã) pri cap; cap mari, mplin cu carni
(expr: tsi nu-aducheashti lishor); caplu tsã lu-aspargu, chefea nu ts-u-aspargu; caplu ca tãgari (mari ca tãgarea), ma minti nu-ari; altsã lucreadzã cu truplu sh-altsã cu caplu; capiti fãrã minduiri tu bustãnj crescu

§ cãpic1 (cã-pícŭ) sn cãpitsi/cãpitse (cã-pí-tsi) – cap ma njic
{ro: căpuşor}
{fr: petite tête}
{en: small head}

§ cãpos (cã-pósŭ) adg cãpoasã (cã-pŭá-sã), cãposh (cã-póshĭ, cãpoasi/cãpoase (cã-pŭá-si) – tsi ari caplu mari; tsi ari caplu gros shi aducheashti greu; tsi u tsãni pi-a lui sh-atumtsea cãndu tuts alantsã dzãc altã soi; cap di crinã, cap di shinic, cap di tãgari, etc.
{ro: căpăţânos}
{fr: qui a une grosse tête; têtu}
{en: with a big head; stubborn}

§ cãpitsãnã (cã-pi-tsắ-nã) sf cãpitsãnj (cã-pi-tsắnjĭ) –
1: partea di nai ma nsus a truplui di om (iu s-aflã ncljisã midua, acupiritã prisuprã di per shi n fatsã cu oclji, nari, ureclji, gurã, etc.); oasili-a caplui di om sh-di prãvdzã tsi ncljid nãuntru midua; cãpãtsãnã, cap, craniu, cafcalã, cafcã, cãrapã, cãrãfetã, cãrfetã, cocã, cofã, ciufutinã, ftinã, puscar, cãrtsunã, ciuturã, curcubetã;
2: arãdãtsina (ca unã tseapã) di alj; cap di alj; cãpitsãnã di alj;
3: cumatã di zahãri faptã tra si sh-u-aducã cu un lucru tsi ari unã chipitã nsus sh-unã parti largã nghios (pri cari poati s-hibã bãgatã s-shadã; cãpitsãnã di zahari)
{ro: craniu, cap, căpăţână de usturoi, căpăţână de zahăr}
{fr: crâne, tête, gousse d’ail, pain de sucre}
{en: skull, head, clove of garlic, sugar-loaf}
ex: un la yinghits cãpitsãnj (capiti)

§ cãpãtsãnã (cã-pã-tsắ-nã) sf cãpãtsãnj (cã-pã-tsắnjĭ) – (unã cu cãpitsãnã)

§ cãpitãnj (cã-pi-tắnjĭŭ) sn cãpitãnji/cãpitãnje (cã-pi-tắ-nji) – unã soi di pungã di pãndzã ncljisã (cusutã di tuti pãrtsãli) sh-umplutã di lãnã (bumbac, puh., etc.) faptã maxus tra si s-bagã sum caplu-a omlui cãndu doarmi (pi scamnu iu s-shadi, la mesi cãndu s-andoapirã di tsiva, etc.); cãpitinj, cãpitunj, pruschefal;
(expr: fatsã di cãpitãnj = unã soi di pungã di pãndzã (cãtivãrãoarã chindisitã) tu cari s-bagã cãpitãnjlu tra s-nu s-murdãripseascã)
{ro: căpătâi, pernă}
{fr: chevet, oreiller, coussin}
{en: bed head, pillow}
ex: dada-ts plãndzi cãpitãnj (la pruschefal)

§ cãpitinj (cã-pi-tínjĭŭ) sn cãpitinji/cã-pitinje (cã-pi-tí-nji) – (unã cu cãpitãnj)
ex: si-andoapirã pi cãpitinj; cãt fu lãndzitã nu fudzi di la cãpitinjlu-a ljei

§ cãpitunj (cã-pi-túnjĭŭ) sn cãpitunji/cãpitunje (cã-pi-tú-nji) – (unã cu cãpi-tãnj)
ex: bãgã vasilico sum cãpitunj; dutsi shi nhidzi cutsutlu sum cãpitunjlu a cumnatã-sai

§ capelã (ca-pé-lã) sf capeli/capele (ca-pé-li) – lugurii purtatã pri cap di oaminj (tra s-lji afireascã di ploai, soari, arcoari, etc.); cãpelã; cãciulã, cãciuã, bãrbãrusã, barbarusã, fesi, cãlpachi
{ro: pălărie}
{fr: chapeau}
{en: hat}
ex: di cãndu fu tu Rumãnii, poartã capelã, nu fatsi cãbuli fesea; sh-muljerli a noastri ahiurhirã s-poartã capeli ca tu Ivropi; aflã nã preaclji di stranji ma buni sh-nã capelã-analtã

§ cãpelã (cã-pé-lã) sf cãpeli/cãpele (cã-pé-li) – (unã cu capelã)

§ capit1 (cá-pitŭ) sn capiti/capite (cá-pi-ti) – partea (mardzina, caplu) dit bitisitã (sh-cãtivãrãoarã nchisitã) a unui lucru lungu (cioarã, spangu, banã, mes, prumuvearã, etc.); caput, cap, cornu, spitsã
{ro: capăt}
{fr: bout, extrémité}
{en: end, extremity}

§ caput (cá-putŭ) sn capu-ti/capute (cá-pu-ti) – (unã cu capit1)
ex: aflã caputlu a hirlui; u dusi pãnã tu caput (mardzini)

§ capit2 (cá-pitŭ) sn capiti/capite (cá-pi-ti) – lãna tsi s-tundi di la caplu, gusha shi coada-a oailjei
{ro: lâna tunsă de la capul şi coada de oaie}
{fr: laine de mouton qui croît sur la tête, autour du cou et sur la queue}
{en: sheep wool taken from the head and tail}

§ cãpitedz (cã-pi-tédzŭ) vb I cãpitai (cã-pi-táĭ), cãpitam (cã-pi-támŭ), cãpitatã (cã-pi-tá-tã), cãpitari/cãpitare (cã-pi-tá-ri) – tundu “capit”-lu (lãna di la caplu shi coada-a oailjei)
{ro: tund “capitlu” oilor}
{fr: tondre le “capit” des moutons}
{en: shear the sheep “capit”}
ex: cãpitãm oili (tundem lãna di la caplu shi coada-a oailor)

§ capit3 (cá-pitŭ) vb I cãpitai (cã-pi-táĭ), cãpitam (cã-pi-támŭ), cãpitatã (cã-pi-tá-tã), cãpitari/cãpitare (cã-pi-tá-ri) – (unã cu cãpitedz)

§ cãpitat (cã-pi-tátŭ) adg cãpitatã (cã-pi-tá-tã), cãpitats (cã-pi-tátsĭ), cãpitati/cã-pitate (cã-pi-tá-ti) – (oaea) tsi easti tumsã la cap, gushi shi coadã; (lãna) tumsã di la caplu shi coada-a oailjei
{ro: tuns la cap şi la gât; (lâna) care vine de la cap şi gât}
{fr: tondue sur la tête et autour du cou}
{en: with head and neck sheared}

§ cãpi-tari/cãpitare (cã-pi-tá-ri) sf cãpitãri (cã-pi-tắrĭ) – atsea tsi s-fatsi cãndu s-capitã unã oai
{ro: acţiunea de a tunde “capitlu” de la oi}
{fr: action de tondre le “capit” des moutons}
{en: action of shearing the “capit” of sheep}

§ capishonã (ca-pi-shĭó-nã) sf capishoni/capishone (ca-pi-shĭó-ni) – unã soi di capelã (di adimtu, pustavi, pãndzã, etc.) tsi s-adavgã la gulirlu-a paltolui tra si s-bagã pristi cap cãndu da ploai (tra s-nu s-udã perlu i caplu-a omlui); cãpush, zãrculã, culari, cuculã
{ro: capişon}
{fr: capuchon}
{en: hood}

§ cãpush2 (cã-púshĭŭ) sn cãpushi/cãpushe (cã-pú-shi) – (unã cu capishonã)
ex: bagã-ts cãpushlu n cap

§ capã (cá-pã) sf capi/cape (cá-pi) – palto cu capishonã (zãrculã); tãmbari, pãnãcapã, pãnucaplã
{ro: manta cu glugă}
{fr: manteau à capushon}
{en: coat with hood}

§ pãnucapã (pã-nu-cá-pã) sf pãnucapi/pãnucape (pã-nu-cá-pi) – (unã cu capã)

§ pãnucaplã (pã-nu-cá-plã) sf pãnucapli/pãnucaple (pã-nu-cá-pli) – (unã cu capã)

§ ncãpushedz (ncã-pu-shĭédzŭ) (mi) vb I ncãpushai (ncã-pu-shĭáĭ), ncãpusham (ncã-pu-shĭámŭ), ncãpushatã (ncã-pu-shĭá-tã), ncãpushari/ncãpushare (ncã-pu-shĭá-ri) – nj-trag capishonea pristi cap s-mi-afirescu di ploai (neauã, arcoari, soari, etc.); nj-bag nã mãndilã pristi cap (ca un capishon)
{ro: pune pe cap capişonul}
{fr: mettre le capuchon sur la tête}
{en: put the hood on the head}
ex: cara lu ncãpushe (lj-bãgã capishona, baltsul pristi cap) ghini, nu-avea pri iu s-lji intrã vimtul

§ ncãpushat (ncã-pu-shĭátŭ) adg ncãpushatã (ncã-pu-shĭá-tã), ncãpushats (ncã-pu-shĭátsĭ), ncãpushati/ncãpushate (ncã-pu-shĭá-ti) – tsi sh-ari bãgatã capishonea pri cap (capishonea) tsi easti bãgatã pristi cap
{ro: cu capişonul pus pe cap}
{fr: avec le capuchon sur la tête}
{en: with the hood on the head}

§ ncãpushari/ncãpushare (ncã-pu-shĭá-ri) sf ncãpusheri (ncã-pu-shĭérĭ) – atsea tsi s-fatsi cãndu cariva si ncãpushadzã
{ro: acţiunea de a pune pe cap capişonul}
{fr: action de mettre le capuchon sur la tête}
{en: action of putting the hood on the head}

§ capotã (ca-pó-tã) sf capoti/capote (ca-pó-ti) – stranj tsi s-poartã n casã i nafoarã tsi poati s-aibã mãnits shi zãrculã; cãpotã, capot
{ro: manta cu mâneci şi poate capişon}
{fr: peignoir, capote pourvue de manches et, des fois, de capuchon}
{en: housecoat or overcoat with sleeves and sometimes hood}

§ cãpotã (cã-pó-tã) sf cãpoti/cãpote (cã-pó-ti) – (unã cu capotã)

§ capot (ca-pótŭ) sn capoati/capoate (ca-pŭá-ti) – (unã cu capotã)
ex: dã-ts capotlu la nã parti; ãlj deadi capotlu si s-anvãleascã

§ cacutsã (ca-cú-tsã) sf cacutsã (ca-cú-tsã) – capotã njicã
{ro: manta mică}
{fr: petit peignoir, petit man-teau}
{en: small housecoat or overcoat}

§ capitalj (ca-pi-táljĭŭ) sn capitalji/capitalje (ca-pi-tá-lji) – aveari (paradz, loc, pãrmãtii, etc.) cu cari omlu poati sã nchiseascã un lucru cu cari s-facã ma multã aveari (ca bunãoarã, sã-sh dishcljidã unã ducheani, s-acumpãrã oi cu cari s-facã mãxulji trã vindeari, etc.); cap, capital, cãpitalj, sirmae, seu
{ro: capital}
{fr: capital}
{en: capital}
ex: nu li ljau trã capitalj (cap) graili a lor; sh-adunã pãrã cu pãrã shi sh-featsi un capitalj

§ cãpitalj (cã-pi-táljĭŭ) sn cãpitalji/cãpitalje (cã-pi-tá-lji) – (unã cu capitalj)
ex: avets cãpitalji?; nu-am cãpitalj (paradz) s-dishcljid nã ducheani

§ capital (ca-pi-tálŭ) sn capi-talji/capitalje (ca-pi-tá-lji) – (unã cu capitalj)

§ cãp (cắpŭ) sm cãpi (cắpĭ) shi cãchi (cắchĭ) shi sn cãpuri (cắ-purĭ) – omlu di frãmti ditu-unã hoarã (pulitii, crat, etc.); atsel tsi easti ma marli tu-unã parei di oaminj; un tsi s-aflã tu-unã semti (scarã) ma nsus di altsã (ditu-unã multimi di oaminj, tu-unã parei, sutsatã, etc. cari ascultã di el); cap, cãpii, frãmti, ma marli, mar, mãimar
{ro: şef}
{fr: chef}
{en: chief}
ex: celniclu easti ca pãrinti, ca cãp astãdz; celniclu easti cãplu (caplu) a fãlcariljei; him cupii fãrã picurar, fãrã cãp (mãimar); cãplu (frãmtea) a numtãljei easti nunlu; prota bea cãplu (ma marli); escu tu cãp (inshii protlu: zbor dit un agioc di ficiurits)

§ cãpii/cãpie (cã-pí-i) sf cãpii (cã-píĭ) –
1: cãp, cap, frãmti, ma marli, mar, mãimar, tãpar;
2: semtea (loclu) tsi u-ari shi lucrul tsi-l fatsi cãplu a unei multimi di oaminj; (fig: cãpii = fumealji (soi, scarã bunã); ugeachi)
{ro: şef, căpetenie; şefie, conducere}
{fr: chef, conducteur; commandement, protection}
{en: chief, leader, head; leadership, position of command}
ex: acatsã cãpia (atsel ma marli) a peshtilor; pitricurã la Dumnidzã cãpiili (ma mãrlji) a lor; tatã, di cãpii (fig: scarã, soi, ugeachi) mari; easti di soi, di cãpii (fig: ugeachi) mari

§ cãpitan (cã-pi-tánŭ) sm, sf cãpitanã (cã-pi-tá-nã), cãpitanj (cã-pi-tánjĭ), cãpitani/cãpitane (cã-pi-tá-ni) – atsel tsi easti caplu (ma marli) tu-unã ceatã di furi (tu-unã buluchi di oaminj tsi vor s-facã deadun un lucru, unã parti dit ascheri, etc.); cãpidan, capidan, cap, cãp, cãpii
{ro: căpitan}
{fr: capitain, chef}
{en: captain, chef}
ex: ligati ca capitani (ligati la cap ca neshti cãpitanj di furi)

§ cãpidan (cã-pi-dánŭ) sm, sf cãpidanã (cã-pi-dá-nã), cãpidanj (cã-pi-dánjĭ), cãpidani/cãpidane (cã-pi-dá-ni) – (unã cu cãpitan)
(expr: muljari cãpidanã = muljari livendã, gioanã, babageanã)
ex: moi mushatã cãpidanã
(expr: livendã, gioanã)

§ capidan (ca-pi-dánŭ) sm, sf capidanã (ca-pi-dá-nã), capidanj (ca-pi-dánjĭ), capidani/capidane (ca-pi-dá-ni) – (unã cu cãpitan)
ex: eara capidan (cãpitan di furi) la munti

§ cãpitã-natã (cã-pi-tã-ná-tã) sf cãpitãnati/cãpitãnate (cã-pi-tã-ná-ti) – lucrul (shi soea di lucru) tsi-l fatsi cariva tu chirolu tsi easti cãpitan di furi; ceatã di oaminj tsi ari n cap un cãpitan (shi loclu tsi-l ursescu nãsh); cãpitãnlãchi, cãpii
{ro: căpitănie}
{fr: capitai-nerie, commandement}
{en: captaincy, command}
ex: tu cãpitãnata al Jeacã (chirolu cãndu Jeacã cumãndãrsea furlji); Ali-Pasha asparsi cãpitãnatili

§ cãpitãnlãchi/cãpitãnlãche (cã-pi-tãn-lắ-chi) sf cãpitãnlãchi (cã-pi-tãn-lắchĭ) – (unã cu cãpitãnatã)

§ cãpitãnilji/cãpitãnilje (cã-pi-tã-ní-lji) sf cãpitãnilj (cã-pi-tã-níljĭ) – paradzlji tsi lã si da a furlor (sh-di-aradã-lj lja capidanlu-a lor) tra s-sãlãgheascã un sclav tsi lu-avea acãtsatã ninti; xagurauã, axagurauã, discumpãrari
{ro: răscumpărare, răsplată}
{fr: rachat, rançon}
{en: ransom, payment for buying the freedom of a prisoner}

§ cuciubeauã (cu-cĭu-beá-ŭã) sf cuciubei (cu-cĭu-béĭ) – (unã cu cuciubã)

§ cuciubeu (cu-cĭu-béŭ) sm cuciubei (cu-cĭu-béĭ) – (unã cu cuciubã)

§ ciubã (cĭú-bã) sf ciubi/ciube (cĭú-bi) – (unã cu cuciubã)

§ cuciub1 (cú-cĭubŭ) sn cuciubi/cuciube (cú-cĭu-bi) – cumatã dit truplu-a unui arburi tãljat; cuciubã, chiutuc, chiutuchi, cutsur, bucium, grij
{ro: buştean, buturugă}
{fr: bûche, tronc d’arbre}
{en: tree trunk, tree log}
ex: ashtiptã di tricu cuciublu (chiutuclu)

§ chiutuc (chĭu-túcŭ) sm chiututs (chĭu-tútsĭ) – cumatã dit truplu-a unui arburi (ayitã), tãljatã sh-tsãnutã di-unã parti; chiutuchi, cutsur, bucium, cuciub, ciubã, cuciubã, cãciubã, cuciubeauã, cuciubeu, grij; (fig: chiutuc = (i) tsi ari caplu gros, easti ca glar di minti, cari aducheashti greu tsi-lj si dzãtsi; (ii) tsi easti om di la oi, fãrã prãxi, tsi nu shtii multi; (iii) zãconi, nom; carti mari, chitapi cu nomuri)
{ro: buştean, butuc, buturugă}
{fr: bûche, tronc d’arbre, billot}
{en: tree trunk, log, block (of wood)}
ex: sh-bãgã bratslu pi chiutuc (bucium) shi-l tãlje; shidzu pi-un chiutuc (cutsur); sã scrii tu chiutuc (fig: carti)

§ chiutuchi/ciutuche (chĭu-tú-chi) sf chiutuchi (chĭu-túchĭ) – (unã cu chiutuc)
ex: chiutuchea (fig: cartea, chitapea cu nomuri) aoa n-aspuni

§ discãciub (dis-cã-cĭúbŭ) vb I discãciubai (dis-cã-cĭu-báĭ), discãciubam (dis-cã-cĭu-bámŭ), discãciubatã (dis-cã-cĭu-bá-tã), discãciubari/discãciubare (dis-cã-cĭu-bá-ri) – talj unã pãduri, tra s-u facã bunã trã lucrarea-a loclui (pãshuni icã agru)
{ro: desţeleni}
{fr: défricher une forêt}
{en: cut and fallow a forest land}
ex: va s-discãciub nã parti di pãduri

§ discãciubat (dis-cã-cĭu-bátŭ) adg discãciubatã (dis-cã-cĭu-bá-tã), discãciubats (dis-cã-cĭu-bátsĭ), discãciuba-ti/discãciubate (dis-cã-cĭu-bá-ti) – (pãduri) tsi easti tãljatã tra si s-fac loc ti pãshuni (arungu) i agri (crishtearea di grãni)
{ro: des-ţelenit}
{fr: (forêt) défrichée}
{en: (forest land) cut and fallowed}

§ discãciubari/discãciubare (dis-cã-cĭu-bá-ri) sf discãciuberi (dis-cã-cĭu-bérĭ) – atsea tsi s-fatsi cãndu s-discãciubeadzã nã pãduri
{ro: acţiunea de a desţeleni}
{fr: action de défricher une forêt}
{en: action of cutting and fallowing a forest land}

(expr: li ndreadzi lucrili trã altu, nu trã el); lj-imnã gura ca moara
(expr: ari gura-aspartã, zburashti multu); iu ascuchi unã hoarã, matsinã nã moarã; nu n-adusi nica fãrinã di la moarã; moara bunã sh-chetri matsinã

§ murar (mu-rárŭ) sm, sf murarã (mu-rá-rã), murari (mu-rárĭ), murari/murare (mu-rá-ri) – un tsi ari i lucreadzã la unã moarã; muljarea-a murarlui
{ro: morar, morăreasă}
{fr: meunier, meunière}
{en: miller}
ex: o murare, leagã cãnili; cãndu am apã beau yin, cãndu nu-am apã, beau apã (angucitoari: murarlu); adz va nj-aducã murarlu fãrina; pi plup sh-easti fucãrãlu di murar; di-atumtsea itsi fãtsea, cu numa-a featãljei di murar, prima-lj si dutsea

§ murãrlãchi/murãrlãche (mu-rãr-lắ-chi) sf murãrlãchi (mu-rãr-lắchĭ) – tehnea di murar
{ro: meseria de morar, morărie}
{fr: métier (travail) d’un meunier}
{en: miller’s trade (work)}
ex: sh-mutrescu murãrlãchea di tatã n hilj

§ culumbush (cu-lum-búshĭŭ) sm, sf culumbushi/culumbushe (cu-lum-bú-shi), culumbush (cu-lum-búshĭ), culumbushi/culum-bushe (cu-lum-bú-shi) – (unã cu purumbu)
ex: more featã, culumbushi

§ purumbar (pu-rum-bárŭ) sm purumbari (pu-rum-bárĭ) – cumas trã cariva tsi creashti purunghi; cumas trã purunghi
{ro: coteţ de porumbei}
{fr: poulailler pour les pigeons}
{en: “hen” house for the pigeons}
ex: ari trei purumbari cu purunghi

§ pãrumbar (pã-rum-bárŭ) sm pãrumbari (pã-rum-bárĭ) – (unã cu purumbar)
ex: sh-adãrã un pãrumbar (cumas) mari

§ shulinari1/shulinare (shĭu-li-ná-ri) sf shulinãri (shĭu-li-nắrĭ) – (unã cu shulinar)
ex: va s-hibã aspartã nã shulinari di nu curã apã la fãntãnã

§ nshulin (nshĭu-línŭ) vb I nshulinai (nshĭu-li-náĭ), nshulinam (nshĭu-li-námŭ), nshulinatã (nshĭu-li-ná-tã), nshulinari/nshulinare (nshĭu-li-ná-ri) – fac un shulinar (cãrutã, canali) prit cari s-curgã apa di la un shoput (izvur, fãntãnã); fac s-curã apã prit un shulinar
{ro: face jgheab (ţeavă) prin care să curgă apa de la izvor; face să curgă apa prin jgheab}
{fr: ajouter un petit conduit (tuyau) à une source; faire couler de l’eau par le conduit}
{en: add a small pipe (groove) to a water spring; make water run with a pipe (groove)}
ex: nshulinarã fãntãna ca s-poatã omlu s-bea apã

§ nshulinat (nshĭu-li-nátŭ) adg nshulinatã (nshĭu-li-ná-tã), nshulinats (nshĭu-li-nátsĭ), nshulinati/nshulinate (nshĭu-li-ná-ti) – (shoput, izvur) tsi-lj s-ari adãvgatã un shulinar; tsi ari faptã s-curã apa prit un shulinar; (apa) tsi ari curatã prit un shulinar
{ro: căruia i s-a făcut un jgheab (ţeavă) prin care să curgă apa}
{fr: (source) à qui on a ajouté un petit conduit (tuyau)}
{en: (water spring) to which it has been added a small pipe (groove)}

§ nshulinari/nshulinare (nshĭu-li-ná-ri) sf nshulinãri (nshĭu-li-nắrĭ) – atsea tsi s-fatsi cãndu si nshulinã un shoput (izvur, fãntãnã)
{ro: acţiunea de a face jgheab (ţeavă) prin care să curgă apa}
{fr: action d’ajouter un petit conduit (tuyau) à une source}
{en: action of adding a small pipe (groove) to a water spring}

§ shulin (shĭu-línŭ) vb I shulinai (shĭu-li-náĭ), shulinam (shĭu-li-námŭ), shulinatã (shĭu-li-ná-tã), shulinari/shulinare (shĭu-li-ná-ri) – (unã cu nshulin)
ex: astrãchi apa, nu shulinã

§ shulinat (shĭu-li-nátŭ) adg shulinatã (shĭu-li-ná-tã), shulinats (shĭu-li-nátsĭ), shulinati/shulinate (shĭu-li-ná-ti) – (unã cu nshulinat)

§ shulinari2/shulinare (shĭu-li-ná-ri) sf shulinãri (shĭu-li-nắrĭ) – (unã cu nshulinari)

§ shurcã (shĭúr-cã) sf shurtsi/shurtse (shĭúr-tsi) – (unã cu shulinar)
ex: un shoput cu noauã shurtsi (guri); bea apã dit shurcã; scoasi cãciula sh-u bãgã tu shurcã, u umplu shi biu; lãcrinjli si zvumurã ca dit dauã shurtsi

§ sulinar (su-li-nárŭ) sn sulinari/sulinare (su-li-ná-ri) – chelindru lungu shi gol nãuntru faptu di tiniche (tuci, chirmidã, etc.) prit cari poati s-treacã vimtu (apã din casã sh-di la fãntãnã, petrol, etc.); sulinã, chilunghi, chiungu, chiuncu, chiunghi, piscalã
{ro: ţeavă}
{fr: tuyau, tube}
{en: pipe, duct}

§ sulinã1 (su-lí-nã) sf sulini/suline (su-lí-ni) – (unã cu sulinar)

§ yirminescu (yir-mi-nés-cu) (mi) vb IV yirminii (yir-mi-níĭ), yirmineam (yir-mi-neámŭ), yirminitã (yir-mi-ní-tã), yirminiri/yirminire (yir-mi-ní-ri) – fac (acats) yernji; am yernji; hiu mãcat di yernji; yirmescu, nyirminescu, nyearmin
{ro: prinde viermi}
{fr: avoir des vers; être rongé par des vers}
{en: that has worms; eaten (bored) by worms; wormy}
ex: carnea yirmini (acãtsã, featsi yernji); cãshcãvalu-aestu yirmineashti (fatsi yernji)

§ yirminit (yir-mi-nítŭ) adg yirminitã (yir-mi-ní-tã), yirminits (yir-mi-nítsĭ), yirminiti/yirminite (yir-mi-ní-ti) – tsi ari acãtsatã (faptã) yernji; tsi ari, tsi easti cu yernji; yirmit, nyirminit
{ro: care a prins viermi; viermănos}
{fr: qui a des vers; qui est rongé par des vers; vereux}
{en: who has gotten worms; be eaten (bored) by worms}
ex: trupurli eara yirminiti (avea acãtsatã yernji, eara cu yernji)

§ yirminiri/yirminire (yir-mi-ní-ri) sf yirminiri (yir-mi-nírĭ) – atsea tsi s-fatsi cãndu tsiva acatsã (fatsi) yernji; yirmiri, nyirminiri
{ro: acţiunea de a prinde viermi}
{fr: action d’avoir des vers; d’être rongé par des vers}
{en: action of having worms; of being eaten (bored) by worms}

§ yirmescu (yir-més-cu) (mi) vb IV yirmii (yir-míĭ), yirmeam (yir-meámŭ), yirmitã (yir-mí-tã), yirmiri/yirmire (yir-mí-ri) – (unã cu yirminescu)

§ yirmit (yir-mítŭ) adg yirmitã (yir-mí-tã), yirmits (yir-mítsĭ), yirmiti/yirmite (yir-mí-ti) – (unã cu yirminit)

§ yirmiri/yirmire (yir-mí-ri) sf yirmiri (yir-mírĭ) – (unã cu yirminiri)

§ nyirminescu (nyir-mi-nés-cu) (mi) vb IV nyir-minii (nyir-mi-níĭ), nyirmineam (nyir-mi-neámŭ), nyirminitã (nyir-mi-ní-tã), nyirminiri/nyirminire (nyir-mi-ní-ri) – (unã cu yirminescu)

§ nyirminit (nyir-mi-nítŭ) adg nyirminitã (nyir-mi-ní-tã), nyirminits (nyir-mi-nítsĭ), nyirminiti/nyirminite (nyir-mi-ní-ti) – (unã cu yirminit)
ex: casa lj-easti nyirminitã (cu yernji, ari acãtsatã yernji) cã easti lãvoasã

§ nyirminiri/nyir-minire (nyir-mi-ní-ri) sf nyirminiri (nyir-mi-nírĭ) – (unã cu yirminiri)

§ nyearmin (nyĭár-minŭ) (mi) vb IV nyirminai (nyir-mi-náĭ), nyirminam (nyir-mi-námŭ), nyirminatã (nyir-mi-ná-tã), nyirminari/nyirminare (nyir-mi-ná-ri) – (unã cu yirmi-nescu)
ex: si nyirminã (acãtsã yernji) carnea; avea nyirminatã (avea acãtsatã yernji) ponjlji

§ nyirminat (nyir-mi-nátŭ) adg nyirminatã (nyir-mi-ná-tã), nyirminats (nyir-mi-nátsĭ), nyirmina-ti/nyirminate (nyir-mi-ná-ti) – (unã cu yirminit)

§ nyirmina-ri/nyirminare (nyir-mi-ná-ri) sf nyirminãri (nyir-mi-nắrĭ) – (unã cu yirminiri)

§ dizyirminescu (diz-yir-mi-nés-cu) (mi) vb IV dizyirminii (diz-yir-mi-níĭ), dizyirmineam (diz-yir-mi-neámŭ), dizyirminitã (diz-yir-mi-ní-tã), dizyirminiri/dizyirminire (diz-yir-mi-ní-ri) – cur cariva (tsiva) di yernjilj tsi-ari acãtsatã
{ro: curăţa de viermi}
{fr: enlever (nettoyer, écheniller) des vers}
{en: get rid off (clean of) worms}
ex: mini shtiu tsi trapshu pãnã s-lu dizyirminescu (s-lu cur di yernji)

§ dizyirminit (diz-yir-mi-nítŭ) adg dizyirminitã (diz-yir-mi-ní-tã), dizyirminits (diz-yir-mi-nítsĭ), dizyirminiti/dizyirminite (diz-yir-mi-ní-ti) – tsi easti curat di yernji
{ro: curăţat de viermi}
{fr: nettoyé (des vers), (arbre) échenillé}
{en: cleaned of worms, ridden off worms}

§ dizyirminiri/dizyir-minire (diz-yir-mi-ní-ri) sf dizyirminiri (diz-yir-mi-nírĭ) – atsea tsi s-fatsi cãndu cariva (tsiva) easti dizyirminit
{ro: acţiunea de a curăţa de viermi}
{fr: action d’enlever (de nettoyer, d’écheniller) des vers}
{en: action of getting rid off (cleaning) worms}