|
|
scãrciu
scãrciu (scắr-cĭu) sn scãrciuri (scắr-cĭurĭ) – tsãsut moali dit truplu a omlui shi a prãvdzãlor tsi sh-u-adutsi cu lasticlu (cari, multi ori, s-aflã namisa di oasi, ma poati si s-aflã sh-ahoryea tu loc di os, cãndu truplu easti tinir); tsãsut moali (suptsãri shi albu) dit truplu a omlui shi a prãvdzãlor tsi sh-u-adutsi cu un mãnuclju di hiri multu vãrtoasi tsi leagã mushcljul di os; scãrcic, cãrtsã (plural)
{ro: zgârci, cartilaj, tendon}
{fr: cartilage, tendon}
{en: cartilage, tendon}
§ scãrcic2 (scắr-cicŭ) sn scãrcicuri (scắr-ci-curĭ) – (unã cu scãrciu)
ex: scãrciclu di la ureaclji
cãrtsã
cãrtsã (cắr-tsã) sf pl (ufilisit mash la plural) – tsãsut moali dit truplu a omlui (a prãvdzãlor), tsi sh-u-adutsi cu lasticlu, sh-cari, di ma multili ori s-aflã ntrã (namisa di) oasi, ma poati si s-aflã shi ahoryea, tu loc di os; cãrtsãlinã, scãrciu, scãrcic
{ro: cartilaj, zgârci}
{fr: cartilage}
{en: cartilage}
ex: cãrtsãli (scãrciclu) di nãri ãlj cãrtsãnirã
§ cãrtsãlinã (cãr-tsã-lí-nã) sf cãrtsãlini/cãrtsãline (cãr-tsã-lí-ni) – (unã cu cãrtsã)
ex: la cap, mash cãrtsãlinili mãc; lji si frãmsirã cãrtsãlinili di la nãri
gilatinã
gilatinã (gi-la-tí-nã) sf fãrã pl – dzamã tsi easi dit hirbearea di carni, oasi, cãrtsã, scãrciu, etc. shi sã ncljagã dupã tsi arãtseashti
{ro: gelatină}
{fr: gélatine}
{en: gelatin}
ex: adush cicioari di porcu, cu oasi sh-cãrtsã tra s-li hirbem shi sã scutem dzama dit cari s-fatsi gilatina
§ gilatinos (gi-la-ti-nósŭ) adg gilatinoasã (gi-la-ti-nŭá-sã), gilatinosh (gi-la-ti-nóshĭ), gilatinoasi/gilatinoase (gi-la-ti-nŭá-si) – tsi easti ca gilatina; tsi ari gilatinã; cu gilatinã
{ro: gelatinos}
{fr: gélatineux}
{en: gelatinous}
scãrcic2
scãrcic2 (scắr-cicŭ) sn – vedz tu scãrciu
T.Cunia Dictsiunar-a-Limbãljei-Armãneascã vedz: scãrciu