Dictsiunar

dzeamit (dzeá-mítŭ) sn dzeamiti/dzeamite (dzeá-mi-ti) – boatsea fãrã noimã tsi u scoati omlu dit gurã cãndu aducheashti unã dureari (trupeascã i sufliteascã) tsi nu poati s-u-aravdã tãcut; dzeamiri, dzimeari, dzimut, scljim, shcljim, shcljimur, ncãniri, etc.
{ro: geamăt}
{fr: gémissement}
{en: groan(ing), moan(ing), wail}
ex: acãtsã s-treamurã, si scoatã dzeamiti (ncãniri); vãrtoasi eara dzeamitli (shcljimurli) a ljei; cari poati s-lji avdã dzeamitli?; avdzam mash plãngu, dzeamiti, blãsteami

§ dzem (dzémŭ) vb III shi II dzimui (dzi-múĭ), dzimeam (dzi-méamŭ), dzimutã (dzi-mú-tã), dzeamiri/dzeamire (dzeá-mi-ri) shi dzimeari/dzimeare (dzi-meá-ri) – scot bots surdi sh-fãrã noimã dit gurã, di itia cã aduchescu unã dureari (trupeascã i sufliteascã) tsi nu pot s-u-aravdu tãcut; ncãnescu, ancãnescu, ãncãnescu, shcljimuredz, shcljumuredz, schimur, scljimbur, shcljimur, nilsescu, nãlsescu;
(expr: dzeami di oaminj (lao, lumi, etc.) = suntu-adunats stog, multsã oaminj (lao, lumi, etc.)
{ro: geme}
{fr: gémir}
{en: groan, moan, wail}
ex: acãtsã s-dzeamã (s-ancãneascã); “oarã bunã”! dzimu (ncãni, shcljimurã) ea; dzimu tutã noaptea, fãrã-acumtinari; dzimea (ncãnea) shi angãnea (shi-sh loa greu anasa); “pondu Crã-ciun”! dzimu Stamuli; inima-nj tsi dzeami; gura-aestã cari-sh dzeami; dzimea adãncos muntili ntreg; dzimãnda nincã nãoarã; dzimea di multã lumi tsi eara
(expr: avea multã lumi)

§ dzimut (dzi-mútŭ) adg dzimutã (dzi-mú-tã), dzimuts (dzi-mútsĭ), dzimu-ti/dzimute (dzi-mú-ti) – tsi scoati dzeamiti (bots surdi shi fãrã noi-mã) dit gurã; boatsea fãrã noimã scoasã dit gurã cãndu omlu dzeami; ncãnit, ancãnit, ãncãnit, schimurat, scljimburat, shclji-murat, nilsit, nãlsit
{ro: gemut}
{fr: gémi}
{en: groaned, moaned, wailed}

§ dzeamiri/dzeamire (dzeá-mi-ri) sf dzeamiri (dzeá-mirĭ) – atsea tsi s-fatsi cãndu cariva dzeami; dzimeari, ncãniri, ancãniri, ãncãniri, scljimburari, schimurari, shcljimurari, nilsiri, nãlsiri; dzeamit, scljim, shcljim, shcljimur

T.Cunia Dictsiunar-a-Limbãljei-Armãneascã ma multu/ptsãn

ncãnescu

ncãnescu (ncã-nés-cu) vb IV ncãnii (ncã-níĭ), ncãneam (ncã-neámŭ), ncãnitã (ncã-ní-tã), ncãniri/ncãnire (ncã-ní-ri) – scot bots surdi sh-fãrã noimã dit gurã (di itia cã aduchescu unã dureari trupeascã i sufliteascã tsi nu pot s-u-aravdu tãcut); ancãnescu, ãncãnescu, dzem, scljimbur, shcljimur, shcljimuredz, shcljumu-redz, schimur, nilsescu, nãlsescu
{ro: geme}
{fr: gémir}
{en: groan, moan, wail}
ex: ncãnea (dzimea) mãratlu; ncãni (dzimu) tutã noaptea

§ ncãnit (ncã-nítŭ) adg ncãnitã (ncã-ní-tã), ncãnits (ncã-nítsĭ), ncãniti/ncãnite (ncã-ní-ti) – tsi scoati bots surdi shi fãrã noimã dit gurã; boatsea tsi u scoati atsel tsi ncãneashti (dzeami); ancãnit, ãncãnit, dzimut, scljimburat, shcljimurat, schimurat, nilsit, nãlsit
{ro: gemut}
{fr: gémi}
{en: groaned, moaned, wailed}
ex: boatsi ncãnitã

§ ncãniri/ncãnire (ncã-ní-ri) sf ncãniri (ncã-nírĭ) – atsea tsi s-fatsi cãndu cariva ncãneashti; boatsea tsi s-avdi cãndu cariva ncãneashti; ancãniri, ãncãniri, dzimeari, dzeamiri, scljimburari, shcljimurari, schimurari, nilsiri, nãlsiri; dzeamit, scljim, shcljim, shcljimur
{ro: acţiunea de a geme; gemere; geamăt}
{fr: action de gémir; gémissement}
{en: action of groaning, of moaning, of wailing; moan, moaning, groan, groaning}
ex: ncãnirea (dzimearea) lj-u avdzam di dinclo

§ ancãnescu (an-cã-nés-cu) vb IV ancãnii (an-cã-níĭ), ancãneam (an-cã-neámŭ), ancãnitã (an-cã-ní-tã), ancãniri/ancãnire (an-cã-ní-ri) – (unã cu ncãnescu)
ex: acatsã s-talji shi diznou ancãni (dzi-mu) dit frãndzili dit hicati; ancãneashti-un lai giuneali; amarea ancãneashti

§ ancãnit (an-cã-nítŭ) adg ancãnitã (an-cã-ní-tã), ancãnits (an-cã-nítsĭ), ancãniti/ancãnite (an-cã-ní-ti) – (unã cu ncãnit)

§ ancãniri/ancãnire (an-cã-ní-ri) sf ancãniri (an-cã-nírĭ) – (unã cu ncãniri)

T.Cunia Dictsiunar-a-Limbãljei-Armãneascã ma multu/ptsãn

ndriptati/ndriptate

ndriptati/ndriptate (ndrip-tá-ti) sf ndriptãts (ndrip-tắtsĭ) – atsea tsi s-fatsi cãndu s-pricunoscu ndrepturli a unui om; atsea tsi-adu-cheashti omlu cã fatsi, cãndu-lj da a unui tsi-lj si cadi; atsea tsi s-fatsi cãndu nu s-adarã unã strãmbãtati; driptati, driptaticã, ndreptu, dichi, hachi, aver;
(expr:
1: lj-dau ndriptati a unui = dzãc cã-atseali tsi fatsi i dzãtsi suntu buni, dealihea, nu suntu strãmbi icã minciu-noasi;
2: am ndriptati = atseali tsi dzãc i tsi fac suntu dealihea, ndreapti, nu suntu strãmbi; minduescu ghini;
3: lj-fac ndriptati a unui = lj-pricunoscu ndrepturli tsi li ari sh-mirimitisescu nindrip-tatea tsi lj-u-am faptã altãoarã)
{ro: dreptate, justiţie}
{fr: raison, justice}
{en: right, justice}
ex: nãs lã spusi ndriptatea (tsi easti ndreptu, averlu); vrea s-da ndriptati (ndreptu) a hãngilui; ndripta-tea (ndreptul a omlui) easi prisuprã ca untulemnul pri apã; cu ndriptati, mori di foami tu lumea-aistã; sh-cari agiucai pri ndriptati, nu pri strãmbu; ari ndriptati
(expr: dzãtsi dealihea, mindueashti ghini, cum lipseashti)

§ driptati/driptate (drip-tá-ti) sf driptãts (drip-tắtsĭ) – (unã cu ndriptati)
ex: driptatea eara cu noi

§ driptaticã1 (drip-tá-ti-cã) sf driptatitsi/driptatsitse (drip-tá-ti-tsi) – (unã cu ndriptati)

§ dreptu1 (drép-tu) sn drepturi (drép-turĭ) – (unã cu ndriptati)

§ ndreptu1 (ndrép-tu) sn ndrep-turi (ndrép-turĭ) – (unã cu ndriptati)
ex: ndreptu (ndriptati) ai, ma nu-ai ti loari tsiva; au ndreptu (ndriptati) cãndu spun; muljari-sa avea ndreptu (ndriptati)

§ andreptu1 (an-drép-tu) sn andrepturi (an-drép-turĭ) – (unã cu ndriptati)
ex: avea andreptu (ndriptati)

§ ãndreptu1 (ãn-drép-tu) sn ãndrepturi (ãn-drép-turĭ) – (unã cu ndriptati)

§ driptatic1 (drip-tá-ticŭ) adg driptaticã (drip-tá-ti-cã), driptatits (drip-tá-titsĭ), driptatitsi/driptatitse (drip-tá-ti-tsi) – tsi easti ndreptu (nistrãmbu); tsi nu easti cu strãmbãtãts
{ro: drept}

{fr: droit, just, légitime, équitable}
{en: straight, right, legitimate, fair}
ex: s-lj-aducã pri cali driptaticã (ndreaptã) cu zbor; driptatic (ndreptu) giudetslu

§ ndreptu2 (ndrép-tu) adg ndreaptã (ndreáp-tã), ndreptsã (ndrép-tsã), ndreapti/ndreapte (ndreáp-ti) –
1: tsi nu easti strãmbu, shutsãt, nduplicat, etc.; andreptu, ãndreptu, dreptu, ischiu, direptu;
2: (om) tsi nu-ari strãmbãtãts; (om) tsi spuni mash averlu; andreptu, ãndreptu;
(expr: ndreptu ca funea tu tastru = strãmbu, cã funea tu tastru nu sta ndreaptã, ma-anvãrtitã ca un culac)
{ro: drept}
{fr: droit, just}
{en: straight, right, fair}
ex: hiu om ndreptu (tsi nu-ari strãmbãtãts); omlu ndreptu (fãrã strãm-bãtãts) Dumnidzã nu lu-agãrshashti; hiu ndreptu (nu-am strãm-bãtãts)

§ dreptu2 (drép-tu) adg dreaptã (dreáp-tã), dreptsã (drép-tsã), dreapti/dreapte (dreáp-ti) – (unã cu ndreptu2)
ex: nu lj-u ded pri calea dreaptã (ndreaptã)

§ direptu (di-rép-tu) adg direaptã (di-reáp-tã), direptsã (di-rép-tsã), direapti/direapte (di-reáp-ti) – (unã cu ndreptu2)

§ ãndreptu2 (ãn-drép-tu) adg ãndreaptã (ãn-dreáp-tã), ãndreptsã (ãn-drép-tsã), ãndreapti/ãndreapte (ãn-dreáp-ti) – (unã cu ndreptu2)

§ andreptu2 (an-drép-tu) adg andreaptã (an-dreáp-tã), andreptsã (an-drép-tsã), andreapti/andreapte (an-dreáp-ti) – (unã cu ndreptu2)

§ dreptu3 (drép-tu) sn drepturi (drép-turĭ) – multimea di nomuri tsi da ndriptati a unui om cãndu fatsi tsiva shi nu lã da ndripati a altor oaminj cu cari ari ligãturi
{ro: drept}
{fr: droit}
{en: right}
ex: cari va s-nji calcã drepturli a meali?

§ driptatic2 (ndrip-tá-ticŭ) adv – tsi easti ndreptu, faptu cu driptati, ndreptu, dreptu
{ro: pe drept}
{fr: équitablement, légitiment, à bon droit}
{en: equitably, legitimately, fairly}

§ driptaticã2 (ndrip-tá-ti-cã) adv – (unã cu driptatic2)

§ ndreptu3 (ndrép-tu) adv – tsi dutsi dit un loc tu altu fãrã si s-abatã (sã si strãmbã) din cali; tsi-aspuni ma shcurta cali dit un loc tu altu; tsi nu easti strãmbu; tsi easti dealihea, ashi cum s-veadi lucrul; andreptu, ãndreptu, isea
{ro: drept, direct}
{fr: droit, directement}
{en: straight, directly}
ex: ndreptu, ndreptu azbuirã; da cu pala ndreptu (dip, isea) la inimã; spuni ndreptu (dealihea, ashi cum easti), ashi s-bãnedz!; nu putea s-greascã ndreptu (dealihea, fãrã minciunj); trag ndreptu (isea) la casa-a mea; mi dush ndreptu-acasã

§ ãndreptu3 (ãn-drép-tu) adv – (unã cu ndreptu3)

§ andreptu3 (an-drép-tu) adv – (unã cu ndreptu3)
ex: trapsi-andreptu (isea) la Doda-acasã

§ ndriptedz (ndrip-tédzŭ) (mi) vb I ndriptai (ndrip-táĭ), ndriptam (ndrip-támŭ), ndriptatã (ndrip-tá-tã), ndriptari/ndriptare (ndrip-tá-ri) – l-fac un lucru s-hibã (diznou) ndreptu; mi duc cãtrã iuva; lj-aspun a unui calea (atsea buna) cãtrã iu si s-ducã; ischedz un loc sh-lu fac ndreptu
{ro: îndrepta, se îndrepta, ghida; nivela}
{fr: redresser; (se) diriger; acheminer, guider, indiquer le chemin; niveler}
{en: straighten out (path, surface, wood), guide; level}
ex: un scljim dit muntsã si ndreaptã; ndreaptã-l (aspunji-lj calea) cãtrã casã

§ ndreptu4 (ndrép-tu) (mi) vb I ndriptai (ndrip-táĭ), ndriptam (ndrip-támŭ), ndriptatã (ndrip-tá-tã), ndriptari/ndriptare (ndrip-tá-ri) – (unã cu ndriptedz)
ex: sapa sh-lupata va lu ndripteadzã (va-l facã bun, ndreptu); sã ndriptã (si mprustã) ghini dupã tsi dzãcu ahãts mesh; si ndriptã pi cicioari (nchisi s-imnã); ndreaptã (ancunji) niheam foclu; nu putu si ndreaptã scãndura (s-u facã ndreaptã); s-avea ndriptatã (dishcljisã) chirolu; mi ndriptai (nchisii s-mi duc) cãtrã hoarã

§ ndriptat (ndrip-tátŭ) adg ndriptatã (ndrip-tá-tã), ndriptats (ndrip-tátsĭ), ndriptati/ndriptate (ndrip-tá-ti) – tsi easti faptu s-hibã ndreptu; tsi-lj s-ari aspusã calea cãtrã iu si s-ducã; (loc) tsi easti ischeat, faptu ndreptu
{ro: îndreptat, ghidat; nivelat}
{fr: redressé; dirigé, acheminé, guidé, à qui on a indiqué le chemin; nivelé}
{en: straightened out (path, surface, wood), guided; leveled}

§ ndriptari/ndriptare (ndrip-tá-ri) sf ndriptãri (ndrip-tắrĭ) – atsea tsi s-fatsi cãndu si ndreaptã tsiva i cariva
{ro: acţiunea de a se îndrepta, de a ghida; de a nivela; îndreptare, ghidare; nivelare}
{fr: action de redresser; de (se) diriger, de s’acheminer; de guider, d’indiquer le chemin; de niveler}
{en: action of straightening out (path, surface, wood), of guiding; of leveling}

§ ãndriptedz (ãn-drip-tédzŭ) (mi) vb I ãndriptai (ãn-drip-táĭ), ãndriptam (ãn-drip-támŭ), ãndriptatã (ãn-drip-tá-tã), ãn-driptari/ãndriptare (ãn-drip-tá-ri) – (unã cu ndriptedz)

§ ãndreptu4 (ãn-drép-tu) (mi) vb I ãndriptai (ãn-drip-táĭ), ãndrip-tam (ãn-drip-támŭ), ãndriptatã (ãn-drip-tá-tã), ãndriptari/ãn-driptare (ãn-drip-tá-ri) – (unã cu ndriptedz)

§ ãndriptat (ãn-drip-tátŭ) adg ãndriptatã (ãn-drip-tá-tã), ãndriptats (ãn-drip-tátsĭ), ãndriptati/ãndriptate (ãn-drip-tá-ti) – (unã cu ndriptat)

§ ãndriptari/ãndriptare (ãn-drip-tá-ri) sf ãndriptãri (ãn-drip-tắrĭ) – (unã cu ndriptari)
ex: aestã lãngoari nu-ari ãndriptari (vindicari); adusi niheamã di ãndriptari (ndridzearea-a lucrilor)

§ andriptedz (an-drip-tédzŭ) (mi) vb I andriptai (an-drip-táĭ), an-driptam (an-drip-támŭ), andriptatã (an-drip-tá-tã), andripta-ri/andriptare (an-drip-tá-ri) – (unã cu ndriptedz)

§ andreptu4 (an-drép-tu) (mi) vb I andriptai (an-drip-táĭ), andriptam (an-drip-támŭ), andriptatã (an-drip-tá-tã), andriptari/andriptare (an-drip-tá-ri) – (unã cu ndriptedz)

§ andriptat (an-drip-tátŭ) adg andriptatã (an-drip-tá-tã), andriptats (an-drip-tátsĭ), andripta-ti/andriptate (an-drip-tá-ti) – (unã cu ndriptat)

§ andripta-ri/andriptare (an-drip-tá-ri) sf andriptãri (an-drip-tắrĭ) – (unã cu ndriptari)

§ nidriptati/nidriptate (ni-drip-tá-ti) sf nidriptãts (ni-drip-tắtsĭ) – atsea tsi s-fatsi cãndu nu s-pricunoscu ndrepturli a unui om; atsea tsi-aducheashti omlu cã fatsi, cãndu nu-lj da a unui tsi-lj si cadi; atsea tsi s-fatsi cãndu s-adarã unã strãmbãtati; nindriptati, nidriptaticã, strãmbãtati, adichii, apadichii, hilieti
{ro: nedreptate}
{fr: injustice, iniquité, tort}
{en: injustice, inequity, wrong}
ex: avutslji fac nidriptãts (lucri tsi nu suntu ndreapti); mari nidriptati ari faptã cu omlu aestu; marea nidriptati (strãmbãtati) tsi lã fac picurarlji; vinji sh-araplu sã-sh caftã tinjia, cã taha lu-arushinã pri nidriptati

§ nidriptaticã (ni-drip-tá-ti-cã) sf nidriptatitsi/nidriptatitse (ni-drip-tá-ti-tsi) – (unã cu nidriptati)
ex: pi nidriptaticã nj-arãchish avearea-a tatã-njui

§ nindripta-ti/nindriptate (nin-drip-tá-ti) sf nindriptãts (nin-drip-tắtsĭ) – (unã cu nidriptati)
ex: vrea mi ljai pri gushi pri nindriptati; s-dusi si s-plãngã la giudicãtor trã aestã nindriptati (strãmbãtati)

§ nidreptu (ni-drép-tu) adg nidreaptã (ni-dreáp-tã), nidreptsã (ni-drép-tsã), nidreapti/nidreapte (ni-dreáp-ti) – tsi nu-ari driptati; tsi nu easti dreptu; strãmbu, adic
{ro: nedrept}
{fr: injust}
{en: injust}
ex: nidreptu fu (nu fu ndreptu, fu strãmbu) cu tutã dunjaea, cum vreai s-hibã cu tini?

T.Cunia Dictsiunar-a-Limbãljei-Armãneascã ma multu/ptsãn

ngrãnji/ngrãnje

ngrãnji/ngrãnje (ngrắ-nji) sf ngrãnj (ngrắnjĭ) –
1: boatsea fãrã noimã tsi u scoati natlu din gurã, cãndu nu lu-ariseashti tsiva (cã lj-easti foami, cã va ta s-hibã loat mbratsã, cã va s-plãngã, etc.); angrãnji, ãngrãnji, grãnji, grinji, scljim, shcljim, shcljimur, ncãniri, etc.;
2: neaduchirea i ncãcearea tsi s-amintã namisa di oaminjlji tsi nu s-achicãsescu trã un lucru (shi s-mãcã un cu-alantu cã catiun u tsãni pi-a lui); ngãrnji, angrãnji, ãngrãnji, grãnji, grinji, ncãceari, cãvgã, mãcãturã, mãncãturã, ndãrii, ndirii, nitreacã, neachicãsiri, neaduchiri
{ro: mârâială; discordie}
{fr: piaulement (de petit enfant); grognerie; querelle, noise}
{en: (baby) whining, whimpering; grumbling; quarrel, quarrelling}
ex: pãni cu ngrãnji (ncãceari); iu intrã ngrãnja, s-aspardzi casa; pãnea tsi u mãts cu ngrãnji (cu ncãceari), nu s-acatsã di tini; lã intrã ngrãnja (ncãcerli) n casã sh-nu tritsea ghini; s-lã bagã ngrãnja (cãvgãlu, mãcãtura, neachicãsirea); om faptu mash ti ngrãnji (cãvgã); cara nu putea s-l-avdã ngrãnja (ncãnirli) sh-njila; ca s-pãpseascã di ngrãnja (neachicãsirea) shi mãcãtura tsi lã intrã di pri bunã inimã

§ grãnji/grãnje (grắ-nji) sf grãnj (grắnjĭ) – (unã cu ngrãnji)
ex: tora, cara lã intrã grãnja (mãcãtura), dzuã albã nu va s-veadã

§ grinji/grinje (grí-nji) sf grinj (grínjĭ) – (unã cu ngrãnji)

§ ngãrnji/ngãrnje (ngắr-nji) sf ngãrnji/ngãrnje (ngắr-nji) – (unã cu ngrãnji)
ex: intrã ngãrnja (cãvgãlu) tu casa-a lor di lj-asparsi; cu ngãrnja nu s-bãneadzã; ti nãsã au ngãrnja (si ncaci)

§ ngrã-njescu (ngrã-njĭés-cu) (mi) vb IV ngrãnjii (ngrã-njíĭ), ngrãnjam (ngrã-njĭámŭ), ngrãnjitã (ngrã-njí-tã), ngrãnjiri/ngrãnjire (ngrã-njí-ri) –
1: scot bots fãrã noimã din gurã (ca natlu cãndu plãndzi cã lj-easti foami, cã va s-hibã loat mbratsã, cã easti-arãtsit, etc.);
2: lu pihtusescu (lu ncaci, l-vãryescu, lu-aurlu) pri cariva cã nu mi-ariseashti tsiva di-atseali tsi fatsi; fac s-intrã angrãnja (cãvgãlu) namisa di oaminjlji tsi nu s-aduchescu trã un lucru; angrãnjescu, ãngrãnjescu, ncãnescu, ancãnescu, ãncãnescu, schimur, scljimbur, shcljimuredz, shcljumuredz, shcljimur; (mi) ncaci cu cariva, (nã) mãcãm, sinirsescu

{ro: scănci, mârâi, bombăni, certa}
{fr: piauler (comme un petit enfant); grogner; se quereller}
{en: whine (like a baby); quarrel}

§ ngrãnjit (ngrã-njítŭ) adg ngrãnjitã (ngrã-njí-tã), ngrãnjits (ngrã-njítsĭ), ngrãnjiti/ngrãnjite (ngrã-njí-ti) –
1: tsi scoati bots fãrã noimã dit gurã (ca natslji);
2: tsi lj-ari intratã ngrãnja; angrãnjit, ngrãnjit; ncãnit, ancãnit, ãncãnit, schimurat, scljimburat, shcljimurat; sinirsit, ncãceat, chicusit, tsi-l mãcã tsiva, etc.
{ro: scăncit, mârâit, bombănit, certat}
{fr: piaulé (comme un petit en-fant); grogné; querellé}
{en: who is whining (like a baby); quar-relled}
ex: suntu ngrãnjiti (ncãceati)

§ ngrãnjiri/ngrãnjire (ngrã-njí-ri) sf ngrãnjiri (ngrã-njírĭ) – atsea tsi s-fatsi cãndu cariva ngrãneashti; angrãnjiri, ngrãnjiri; ncãniri, ancãniri, ãncãniri, schi-murari, scljimburari, shcljimurari; ncãceari, chicusiri, sinirsiri, etc.
{ro: acţiunea de a scănci, de a mârâi, de a bombăni, de a se certa; scăncire, mârâire, bombănire, certare}
{fr: action de piauler (comme un petit enfant); de grogner; de se quereller}
{en: action of whining (like a baby); of quarrelling}

§ ngrãnjarcu (ngrã-njĭár-cu) adg ngrãnjarcã (ngrã-njĭár-cã), ngrãnjartsã (ngrã-njĭár-tsã), ngrãnjartsi/ngrãnjartse (ngrã-njĭár-tsi) – (cariva) tsi ngrãnjashti ti nai ma njiclu lucru; tsi nu pots s-lji fats vãrãoarã chefea; grinjarcu, angrãnjaric, ngãrnjaric, shcljimuros, plãngãtor, plãnjar, lãtinici
{ro: care scânceşte}
{fr: qui piaule, qui pleurniche, grogneur}
{en: who whines (like a baby)}

§ grinjarcu (gri-njĭár-cu) adg grinjarcã (gri-njĭár-cã), grinjartsã (gri-njĭár-tsã), grinjartsi (gri-njĭár-tsi) – (unã cu ngrãnjarcu)

§ gãrnjescu (gãr-njĭés-cu) (mi) vb IV gãrnjii (gãr-njíĭ), gãrnjam (gãr-njĭámŭ), gãrnjitã (gãr-njí-tã), gãrnjiri/gãrnjire (gãr-njí-ri) – (unã cu ngrãnjescu)

§ gãr-njit (gãr-njítŭ) adg gãrnjitã (gãr-njí-tã), gãrnjits (gãr-njítsĭ), gãrnji-ti/gãrnjite (gãr-njí-ti) – (unã cu ngrãnjit)

§ gãrnjiri/gãrnjire (gãr-njí-ri) sf gãrnjiri (gãr-njírĭ) – (unã cu ngrãnjiri)

§ ngãr-njescu (ngãr-njĭés-cu) (mi) vb IV ngãrnjii (ngãr-njíĭ), ngãrnjam (ngãr-njĭámŭ), ngãrnjitã (ngãr-njí-tã), ngãrnjiri/ngãrnjire (ngãr-njí-ri) – (unã cu ngrãnjescu)
ex: tut caftã shi ngãrneashti; mi ngãrneashti (mi vãryeashti) totna cãndu mi veadi; nu s-vor dip, si ngãrnjescu (si ncaci); tuts din casã lji ngãrneashti; si ngãrneashti (sh-aspuni dintsãlj) cãnili

§ ngãrnjit (ngãr-njítŭ) adg ngãrnjitã (ngãr-njí-tã), ngãrnjits (ngãr-njítsĭ), ngãrnjiti/ngãrnjite (ngãr-njí-ti) – (unã cu ngrãnjit)
ex: alãsats ngãrnjitlu nclo, cã nu-i lucru bun

§ ngãrnjiri/ngãrnjire (ngãr-njí-ri) sf ngãrnjiri (ngãr-njírĭ) – (unã cu ngrãnjiri)

§ ngãrnjaric (ngãr-njĭá-ricŭ) adg ngãrnjaricã (ngãr-njĭá-ri-cã), ngãrnjarits (ngãr-njĭá-ritsĭ), ngãrnjaritsi/ngãr-njaritse (ngãr-njĭá-ri-tsi) – (unã cu ngrãnjarcu)
ex: di cãndu easti lãndzit, s-featsi ngãrnjaric

§ angrãnji/angrãnje (an-grắ-nji) sf angrãnj (an-grắnjĭ) – (unã cu ngrãnji)

§ angrãnjescu (an-grã-njĭés-cu) (mi) vb IV angrãnjii (an-grã-njíĭ), angrãnjam (an-grã-njĭámŭ), angrãnjitã (an-grã-njí-tã), angrãnjiri/angrãnjire (an-grã-njí-ri) – (unã cu ngrãnjescu)

§ angrãnjit (an-grã-njítŭ) adg angrãnjitã (an-grã-njí-tã), angrãnjits (an-grã-njítsĭ), angrãnji-ti/angrãnjite (an-grã-njí-ti) – (unã cu ngrãnjit)

§ angrãnjiri/an-grãnjire (an-grã-njí-ri) sf angrãnjiri (an-grã-njírĭ) – (unã cu ngrãnjiri)

§ angrãnjaric (an-grã-njĭá-ricŭ) adg angrãnjaricã (an-grã-njĭá-ri-cã), angrãnjarits (an-grã-njĭá-ritsĭ), angrãnjaritsi/an-grãnjaritse (an-grã-njĭá-ri-tsi) – (unã cu ngrãnjarcu)

§ ãngrã-nji/ãngrãnje (ãn-grắ-nji) sf ãngrãnj (ãn-grắnjĭ) – (unã cu ngrãnji)

§ ãngrãnjescu (ãn-grã-njĭés-cu) (mi) vb IV ãngrãnjii (ãn-grã-njíĭ), ãngrãnjam (ãn-grã-njĭámŭ), ãngrãnjitã (ãn-grã-njí-tã), ãngrãnjiri/ãngrãnjire (ãn-grã-njí-ri) – (unã cu ngrãnjescu)

§ ãngrãnjit (ãn-grã-njítŭ) adg ãngrãnjitã (ãn-grã-njí-tã), ãngrãnjits (ãn-grã-njítsĭ), ãngrãnjiti/ãngrãnjite (ãn-grã-njí-ti) – (unã cu ngrãnjit)

§ ãngrãnjiri/ãngrãnjire (ãn-grã-njí-ri) sf ãngrãnjiri (ãn-grã-njírĭ) – (unã cu ngrãnjiri)

§ ãngrãnjaric (ãn-grã-njĭá-ricŭ) adg ãngrãnjaricã (ãn-grã-njĭá-ri-cã), ãngrãnjarits (ãn-grã-njĭá-ritsĭ), ãngrãnjaritsi/ãngrãnjaritse (ãn-grã-njĭá-ri-tsi) – (unã cu ngrãnjarcu)

T.Cunia Dictsiunar-a-Limbãljei-Armãneascã ma multu/ptsãn

nilsescu

nilsescu (nil-sés-cu) vb IV nilsii (nil-síĭ), nilseam (nil-seámŭ), nilsitã (nil-sí-tã), nilsiri/nilsire (nil-sí-ri) –
1: scot bots surdi sh-fãrã noimã dit gurã (di itia cã aduchescu unã dureari trupeascã i sufliteascã tsi nu pot s-u-aravdu tãcut); ncãnescu, ancãnescu, ãncãnescu, dzem, schimur, scljimbur, shcljimur, shcljimuredz, shcljumuredz;
2: spãstrescu (cher) tut tsi am; nãlsescu, afãnisescu, prãpãdescu, cãtãstrãpsescu, etc.
{ro: văita, geme; prăpădi, ruina}
{fr: gémir, se lamenter; se consumer; ruiner}
{en: lament, wail, groan, deplore; waste away}
ex: nilsescu (dzem), gione, mi dirin; mi nilsi (vãtãmã) lucrul

§ nilsit (nil-sítŭ) adg nilsitã (nil-sí-tã), nilsits (nil-sítsĭ), nilsiti/nilsite (nil-sí-ti) –
1: tsi scoati bots surdi shi fãrã noimã dit gurã; boatsea tsi s-avdi cãndu cariva nilseashti; ancãnit, ãncãnit, ncãnit, dzimut, schimurat, scljimburat, shcljimurat;
2: tsi ari chirutã tut tsi-avea; nãlsit, afãnisit, prãpãdit, cãtãstrãpsit, etc.
{ro: văitat, gemut; ruinat}
{fr: gémi, lamenté; ruiné}
{en: groaned, moaned, wailed, lamented; ruined}

§ nilsiri/nilsire (nil-sí-ri) sf nilsiri (nil-sírĭ) – atsea tsi s-avdi (s-fatsi) cãndu cariva nilseashti;
1: ancãniri, ãncãniri, ngãniri, dzimeari, dzeamiri, schimurari, scljimburari, shcljimurari; dzeamit, scljim, shcljim, shcljimur;
2: nãlsiri, chireari, afãnisiri, prãpãdiri, cãtãstrãpsiri, etc.
{ro: acţiunea de a se văita, de a geme; văitare, gemere; vaiet, gemet, prăpădenie, ruină}
{fr: action de gémir, de se lamenter, de (se) ruiner; gémissement}
{en: action of groaning, of moaning, of wailing; moan}

§ nãlsescu (nãl-sés-cu) vb IV nãlsii (nãl-síĭ), nãlseam (nãl-seámŭ), nãlsitã (nãl-sí-tã), nãlsiri/nãlsire (nãl-sí-ri) – (unã cu nilsescu)

§ nãlsit (nãl-sítŭ) adg nãlsitã (nãl-sí-tã), nãlsits (nãl-sítsĭ), nãlsiti/nãlsite (nãl-sí-ti) – (unã cu nilsit)

§ nãlsiri/nãlsire (nãl-sí-ri) sf nãlsiri (nãl-sírĭ) – (unã cu nilsiri)

T.Cunia Dictsiunar-a-Limbãljei-Armãneascã

shcljim

shcljim (shcljímŭ) sn shcljimuri (shcljí-murĭ) – boatsea fãrã noimã tsi u scoati omlu dit gurã cãndu aducheashti unã dureari (tru-peascã i sufliteascã) tsi nu poati s-u-aravdã tãcut; dzeamit, scljim, shcljimur, shcljimurat, ncãniri, ngãniri, uhtari, suschin, suschir, suschirari, etc.
{ro: vaier, suspin, scâncet, geamăt}
{fr: soupir, pleurnicherie, gémissement}
{en: whimper, groan(ing), moan(ing), wail}
ex: scutsãndalui shcljimuri (dzeamiti, suschiri) ahãndoasi

§ shcljimur1 (shcljí-mur) sn shcljimuri/shcljimure (shcljí-mu-ri) – (unã cu shcljim)

§ scljim (scljímŭ) sn scljimuri (scljí-murĭ) – (unã cu shcljim)
ex: scutea un scljim (dzeamit) di jali; dzenjli-nj toarnã scljimlu (dzeamitlu); un scljim (suschir) dit munts si ndreaptã; valea-nj turna grailu cu scljimuri

§ scljimur1 (scljí-mur) sn scljimuri/scljimure (scljí-mu-ri) – (unã cu shcljim)

§ schimur1 (schí-mur) sn schimuri/schimure (schí-mu-ri) – (unã cu shcljim)

§ shcljimurat1 (shclji-mu-rátŭ) sn shcljimuraturi (shclji-mu-rá-turĭ) – (unã cu schljim)
ex: avdzãm un shcljimurat (dzeamit) sh-un plãngu

§ shcljimuredz (shclji-mu-rédzŭ) vb I shcljimurai (shclji-mu-ráĭ), shcljimuram (shclji-mu-rámŭ), shcljimuratã (shclji-mu-rá-tã), shcljimurari/shcljimurare (shclji-mu-rá-ri) – scot bots surdi sh-fãrã noimã dit gurã (di itia cã aduchescu unã dureari trupeascã i sufliteascã tsi nu pot s-u-aravdu tãcut); ncãnescu, ancãnescu, ãncãnescu, dzem, schimur, scljimbur, shcljimur, shcljumuredz, nilsescu, nãlsescu; ngrãnjes-cu, nciunjedz, etc. (fig (ca vb nipirs): cadi-unã pluinã, unã ploai cu chicuti ndisati sh-njits)
{ro: scânci, geme; (vb impers.) burează (ploaia)}
{fr: gémir, pleurnicher, japer, piauler; (vb impers.) geindre, bruine}

{en: wail, whimper, groan, moan; (vb impers.) drizzle, grizzle}
ex: acãtsã si shcljimureadzã (si s-plãngã, s-dzeamã); naturli shcljimura (ngrãnja); de! Doamne! shcljimurã sh-acãtsã s-frãngã shi s-mutã anumiri aushlu

§ shcljimur2 (shcljí-mur) vb I shcljimurai (shclji-mu-ráĭ), shcljimuram (shclji-mu-rámŭ), shcljimuratã (shclji-mu-rá-tã), shcljimurari/shcljimurare (shclji-mu-rá-ri) – (unã cu shcljimuredz)

§ shcljimurat2 (shclji-mu-rátŭ) adg shcljimuratã (shclji-mu-rá-tã), shcljimurats (shclji-mu-rátsĭ), shcljimurati/shcljimurate (shclji-mu-rá-ti) – tsi scoati bots surdi shi fãrã noimã dit gurã; (boatsea) tsi easti scoasã dit gurã cãndu cariva shcljimureadzã; ncãnit, ancãnit, ãncãnit, dzi-mut, schimurat, scljimburat, scljumurat, nilsit, nãlsit, ngrãnjit, nciunjat, etc.
{ro: scâncit, gemut; plângător}
{fr: gémi, pleurniché, japé, piaulé}
{en: wailed, whimpered, groaned, moaned}
ex: apa shcljimuratã (plãnguroasã, lãngãroasã) sum platanj

§ shclji-murari/shcljimurare (shclji-mu-rá-ri) sf shcljimurãri (shclji-mu-rắrĭ) – atsea tsi s-fatsi cãndu cariva shcljimureadzã; ncãniri, ancãniri, ãncãniri, dzimeari, schimurari, scljimburari, nilsiri, nãlsiri, ngrãnjiri, nciunjari, etc.
{ro: acţiunea de a scânci, de a geme; scâncire, gemere}
{fr: action de gémir, de pleurnicher, de japer, de piauler}
{en: action of wailing, of whimpering, of groaning, of moaning}
ex:; tuti li fãtsea fãrã gurã, fãrã shcljimurari sh-fãrã s-da n coasti vãrnãoarã

§ shcljimuros (shclji-mu-rósŭ) adg shcljimuroasã (shclji-mu-rŭá-sã), shcljimurosh (shclji-mu-róshĭ), shcljimuroasi/shcljimuroase (shclji-mu-rŭá-si) – tsi shcljimureadzã multu sh-lishor, trã nai ma njiclu lucru; plãnguros, lãngãros
{ro: plângător}
{fr: pleurnicheur, plaintif}
{en: whimpering, whining}

§ shcljumuredz (shcljĭu-mu-rédzŭ) vb I shcljumurai (shcljĭu-mu-ráĭ), shcljumuram (shcljĭu-mu-rámŭ), shcljumuratã (shcljĭu-mu-rá-tã), shcljumurari/shcljumurare (shcljĭu-mu-rá-ri) – (unã cu shcljimuredz)
ex: cilimeanjlji shcljumureadzã

§ shcljumurat (shcljĭu-mu-rátŭ) adg shcljumu-ratã (shcljĭu-mu-rá-tã), shcljumurats (shcljĭu-mu-rátsĭ), shclju-murati/shcljumurate (shcljĭu-mu-rá-ti) – (unã cu shcljimurat2)

§ shcljumurari/shcljumurare (shcljĭu-mu-rá-ri) sf shcljumurãri (shcljĭu-mu-rắrĭ) – (unã cu shcljimurari)

§ scljimbur (scljím-burŭ) vb I scljimburai (scljim-bu-ráĭ), scljimburam (scljim-bu-rámŭ), scljimburatã (scljim-bu-rá-tã), scljimburari/scljimburare (scljim-bu-rá-ri) – (unã cu shcljimuredz)

§ scljimburat (scljim-bu-rátŭ) adg scljimburatã (scljim-bu-rá-tã), scljimburats (scljim-bu-rátsĭ), scljimburati/scljimburate (scljim-bu-rá-ti) – (unã cu shcljimurat2)

§ scljimburari/scljimburare (scljim-bu-rá-ri) sf scljimburãri (scljim-bu-rắrĭ) – (unã cu shcljimurari)

§ schimur2 (schí-murŭ) vb I schimurai (schi-mu-ráĭ), schimuram (schi-mu-rámŭ), schimuratã (schi-mu-rá-tã), schimurari/schi-murare (schi-mu-rá-ri) – (unã cu shcljimuredz)
ex: schimurã tutã noaptea, nu shtiu tsi-avu

§ schimurat (schi-mu-rátŭ) adg schimuratã (schi-mu-rá-tã), schimurats (schi-mu-rátsĭ), schimura-ti/schimurate (schi-mu-rá-ti) – (unã cu shcljimurat2)

§ schimurari/schimurare (schi-mu-rá-ri) sf schimurãri (schi-mu-rắrĭ) – (unã cu shcljimurari)
ex: nu voi s-lji avdu schi-murarea

§ scljimur2 (scljí-mur) vb I scljimurai (sclji-mu-ráĭ), scljimuram (sclji-mu-rámŭ), scljimuratã (sclji-mu-rá-tã), sclji-murari/scljimurare (sclji-mu-rá-ri) – (unã cu shcljimuredz)

§ scljimurat (sclji-mu-rátŭ) adg scljimuratã (sclji-mu-rá-tã), scljimurats (sclji-mu-rátsĭ), scljimurati/scljimurate (sclji-mu-rá-ti) – (unã cu shcljimurat)

§ scljimurari/scljimurare (sclji-mu-rá-ri) sf scljimurãri (sclji-mu-rắrĭ) – (unã cu shcljimurari)

T.Cunia Dictsiunar-a-Limbãljei-Armãneascã ma multu/ptsãn

suschir1

suschir1 (sus-chírŭ shi sús-chir) sn suschiri/suschire (sus-chí-ri shi sús-chi-ri) – anasa (greauã, cu lavã, ahãndoasã sh-niheamã ca lungã, multi ori cu plãnguti shi shcljimurãri) tsi u scoati omlu tsi aducheashti tu suflit un dor multu greu, unã dureari, nvirinari, cripari, etc.; uhtat, uftat, scãtsadzã;
(expr: suschir dit hicati = suschir ahãndos)
{ro: oftat}
{fr: soupir}
{en: sigh}
ex: mash suschir (uhtat) di muljeri; suschirlu (uhtatlu) ali mani; bãnash fãrã suschiri (uhtati, uhtãri); suschirili (uhtaturli) a meali va li avdã Dumnidzã; sã sculã cu mari suschir; scoasi un suschir amirãlu

§ suschirat1 (sus-chi-rátŭ) sn suschirati/suschirate (sus-chi-rá-ti) – (unã cu suschir1)
ex: va-nj ti duts cu sãnãtati, va-nj armãn pi suschirati (suschiri, uhtati)

§ suschiros (sus-chi-rósŭ) adg suschiroasã (sus-chi-rŭá-sã), suschirosh (sus-chi-róshĭ), suschi-roasi/suschiroase (sus-chi-rŭá-si) – cari uhteadzã multu, dipriunã; (fig: suschiros = tsi sh-u-adutsi cu unã boatsi tsi suschirã; adiljos, dolj, duljos, lãcrimos, duriros)
{ro: suspinător}
{fr: plaintif}
{en: who sighes often}
ex: cu-a ljei boatsi suschiroasã (tsi suschirã); s-ascultu njerla suschiroasã (fig: tsi pari cã suschirã dipriunã); shi valea-nj turnã grailu cu scljimuri, suschiros (fig: adiljos); cu vreari suschiroasã (mplinã di suschiri)

§ suschir2 (sus-chírŭ) vb I suschirai (sus-chi-ráĭ), suschiram (sus-chi-rámŭ), suschiratã (sus-chi-rá-tã), suschirari/suschirare (sus-chi-rá-ri) – scot dit cheptu unã anasã greauã, cu lavã, ahãndoasã sh-niheamã ca lungã, multi ori cu plãnguti shi shcljimurãri, di itia cã aduchescu tu suflit un dor greu, unã dureari, nvirinari, cripari, etc.; suschin, uftedz, uhtedz, nuchescu, scãltiz, scãltsedz;
(expr:
1: lu suschir = l-fac sã suschirã;
2: suschir dit hicati = suschir greu, ahãndos)
{ro: suspina}
{fr: soupirer}
{en: sigh}
ex: moi, curbane! trandafir, bana-nj tutã va-nj suschir (uhtedz); strigã suschirãnd, o, lai, dadã!; suschirã puljlji, suschirã; suschir ti tini; suschira sh-plãndzea, cã ti curma njilã mari; plãndzi, mãrata, shi suschirã (uhteadzã); aoa plãndzea, aoa suschira, cã taha nu u va bãrbat-su; cãtu-l simnarã tu tifteri shi suschirã grãmãticlu nãoarã; tuts gionjlji-l zilipsea shi tuti featili li suschira

T.Cunia Dictsiunar-a-Limbãljei-Armãneascã ma multu/ptsãn