pulbiri/pulbire (púl-bi-ri) sf pulbiri (púl-birĭ) – adunãturã di cumãts multu minuti sh-lishoari ca fãrina (ishiti dit sãrmarea i zminutarea a unei lugurii durã, vãrtoasã, ca tsara i loclu, bunãoarã); pulviri, spulbir, curnjahto, puh, puho;
(expr: ti fac pulbiri = ti fac cumãts ca pulbirea, di nu va s-armãnã tsiva di tini; ti afãnsescu, ti vatãm)
{ro: pulbere, praf}
{fr: poussière}
{en: dust}
ex: mi umplui di pulbiri; imnã prit pulbiri; nã pulbiri eara yitria; pulbirea ca nor si scoalã; cara lu-agudi, pulbiri s-featsi
(expr: l-vãtãmã); pulbiri shi sari
(expr: s-nã vatãmã) prindi s-nã facã doilji, cara s-ti-aflã aoatsi
§ pulviri/pulvire (púl-vi-ri) sf pulviri (púl-virĭ) – (unã cu pulbiri)
§ pulbirami/pulbirame (pul-bi-rá-mi) sf fãrã pl – multimi di pulbiri; loc cu multã pulbiri
{ro: prăfărie}
{fr: grande quantité de poussière}
{en: dustiness; large quantity of dust}
§ spulbir1 (spúl-birŭ) sf spulbiri/spulbire (spúl-bi-ri) – (unã cu pulbiri)
ex: muntsã di neauã mplinj, cu spulbir shi nioari
§ mpulbir (mpúl-birŭ) (mi) vb I mpulbirai (mpul-bi-ráĭ), mpulbiram (mpul-bi-rámŭ), mpulbiratã (mpul-bi-rá-tã), mpulbirari/mpulbirare (mpul-bi-rá-ri) – umplu (lu-acoapir) cu/di pulbiri; l-fac pulbiri
{ro: umple (acoperi) de praf}
{fr: remplir (couvrir) de la poussière}
{en: fill (cover) with dust}
ex: di vimtu nji si mpulbirarã (nji si umplurã di pulbiri) tuti lucrili din casã
§ mpulbirat (mpul-bi-rátŭ) adg mpulbiratã (mpul-bi-rá-tã), mpul-birats (mpul-bi-rátsĭ), mpulbirati/mpulbirate (mpul-bi-rá-ti) – tsi easti umplut (acupirit) di pulbiri
{ro: umplut (acoperit) de praf}
{fr: rempli (couvert) de la poussière}
{en: covered by dust, filled with dust}
§ mpulbirari/mpulbirare (mpul-bi-rá-ri) sf mpul-birãri (mpul-bi-rắrĭ) – atsea tsi s-fatsi cãndu un lucru easti mpulbirat
{ro: acţiunea de a se umple (acoperi) de praf}
{fr: action de (se) remplir (couvrir) de la poussière}
{en: action of becoming covered by dust}
§ spulbir2 (spúl-birŭ) (mi) vb I spulbirai (spul-bi-ráĭ), spulbiram (spul-bi-rámŭ), spulbiratã (spul-bi-rá-tã), spulbirari/spulbirare (spul-bi-rá-ri) – fac pulbirea si s-arãspãndeascã diparti di loclu iu s-aflã; acoapir cu pulbiri; cur di pulbiri; ashtergu pulbirea di pi lucri; ascutur casa (vilendza, stranjlu, etc. di pulbiri); lu-adar un lucru si s-facã pulbiri; pulbir, aspulbir;
(expr: ti spulbir = ti fac afan, ti fac cumãts, ti fac s-ti cheri)
{ro: acoperi de pulbere; curăţa pulberea; transforma în pulbere; spulbera}
{fr: couvrir de la poussière; nettoyer la poussière; réduire en poussière}
{en: cover by dust, dust, reduce to dust}
ex: spulbirã (curã di pulbiri, li scuturã) stranjili; vimtul spulbirã neaua (u curã, u-arãspãndi); si spulbira cãndu mi videa
(expr: fudzea, s-fãtsea afanj); ndridzea prin casã, spulbira, cura, di fãtsea s-ti ciuduseshti; nj-u spulbirã tutã avearea
(expr: nj-u-asparsi, nj-u featsi afanã)
§ spulbirat (spul-bi-rátŭ) adg spulbiratã (spul-bi-rá-tã), spulbirats (spul-bi-rátsĭ), spulbira-ti/spulbirate (spul-bi-rá-ti) – tsi easti-acupirit di pulbiri; tsi easti curat (ashtersu, ascuturat) di pulbiri; (pulbirea) tsi easti purtatã di vimtu; pulbirat, aspulbirat
{ro: acoperit de pulbere; curăţat de pulbere; transformat în pulbere; spulberat}
{fr: couvert de poussière; nettoyé de poussière; réduit en poussière; porté par le vent}
{en: covered by dust; dusted, reduced to dust}
ex: loc spulbirat (curat di pulbiri)
§ spulbirari/spulbirare (spul-bi-rá-ri) sf spulbirãri (spul-bi-rắrĭ) – atsea tsi s-fatsi cãndu tsiva si spulbirã; pulbirari, aspulbirari
{ro: acţiunea de a acoperi de pulbere; de a curăţa pulberea; de a transforma în pulbere; de a spulbera}
{fr: action de couvrir de la poussière; de nettoyer la poussière; de réduire en poussière}
{en: action of covering by dust, of dusting, of reducing to dust}
§ pulbir (púl-birŭ) (mi) vb I pulbirai (pul-bi-ráĭ), pulbiram (pul-bi-rámŭ), pulbiratã (pul-bi-rá-tã), pulbirari/pulbirare (pul-bi-rá-ri) – (unã cu spulbir2)
ex: lo cãrbunj eftinj ma eara pulbirats (faptsã pulbiri)
§ pulbirat (pul-bi-rátŭ) adg pulbiratã (pul-bi-rá-tã), pulbirats (pul-bi-rátsĭ), pulbirati/pulbirate (pul-bi-rá-ti) – (unã cu spulbirat)
§ pulbira-ri/pulbirare (pul-bi-rá-ri) sf pulbirãri (pul-bi-rắrĭ) – (unã cu spulbirari)
§ aspulbir (as-púl-birŭ) (mi) vb I aspulbirai (as-pul-bi-ráĭ), aspulbiram (as-pul-bi-rámŭ), aspulbiratã (as-pul-bi-rá-tã), aspulbirari/aspulbirare (as-pul-bi-rá-ri) – (unã cu spulbir2)
ex: u-aspulbirã (u-acoapirã cu pulbiri, u spulbirã) tutã lumea; unã eapã durdurã, cari da di sã scuturã, lumea tutã-aspulbirã (angucitoari: sita)
§ aspulbirat (as-pul-bi-rátŭ) adg aspulbiratã (as-pul-bi-rá-tã), aspulbirats (as-pul-bi-rátsĭ), aspulbirati/as-pulbirate (as-pul-bi-rá-ti) – (unã cu spulbirat)
§ aspulbira-ri/aspulbirare (as-pul-bi-rá-ri) sf aspulbirãri (as-pul-bi-rắrĭ) – (unã cu spulbirari)
