DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

ghiuzdani/ghiuzdane

ghiuzdani/ghiuzdane (ghĭuz-dá-ni) sf ghiuzdãnj (ghĭuz-dắnjĭ) – hãlati di cheali (pãndzã, plasticã) njicã, ca unã soi di pungã, tsi omlu u poartã cu el tra si sh-tsãnã paradzlji (cãrtsã, tutumi, etc.); unã soi di tastru di cheali (plasticã, pãndzã) tsi njitslji-l poartã cu elj la sculii icã oaminjlji mãri la lucrul a lor (tra si sh-tsãnã cãrtsãli di cari au ananghi); tashcã, purtufoli, pirtufoli, portafel
{ro: ghiozdan, portofel}
{fr: serviette (pour porter des livres), sacoche, portefeuille}
{en: briefcase, satchel, wallet}

T.Cunia Dictsiunar-a-Limbljei-Armãneascã        

purtufoli/purtufole

purtufoli/purtufole (pur-tu-fó-li) sf purtufolj (pur-tu-fóljĭ) – hãlati di cheali (plasticã) njicã, ca unã soi di pungã, tsi omlu u poartã cu el tra si sh-tsãnã paradzlji (cãrtsãli); pirtufoli, portafel, ghiuzdani
{ro: portofel}
{fr: portefeuille}
{en: wallet}

§ pirtufo-li/pirtufole (pir-tu-fó-li) sf pirtufolj (pir-tu-fóljĭ) – (unã cu purtufoli)

§ portafel (por-ta-félŭ) sn portafeli/portafele (pr-ta-fé-li) – (unã cu purtufoli)
ex: scoasi portafelu shi-lj deadi dzatsi paradz

§ priftaci (prif-tácĭŭ) sn priftaci/priftace (prif-tá-ci) – unã soi di purtufoli ma njicã
{ro: portofel mic}
{fr: petite portefeuille}
{en: small wallet}

T.Cunia Dictsiunar-a-Limbljei-Armãneascã        

tashcã

tashcã (tásh-cã) sf tãshti (tắsh-ti) – unã soi di tastru di cheali (plasticã, pãndzã) tsi njitslji-l poartã cu elj la sculii icã oaminjlji mãri la lucrul a lor (tra si sh-tsãnã cãrtsãli di cari au ananghi); hãlati di cheali (pãndzã, plasticã) njicã, ca unã soi di pungã, tsi omlu u poartã cu el tra si sh-tsãnã paradzlji (cãrtsã, tutumi, etc.); ghiuzdani, purtufoli, pirtufoli, portafel, tastru, trastu, trastir, trashtu, etc.
{ro: ghiozdan, portofel}
{fr: serviette (pour porter des livres), sacoche, portefeuille}
{en: briefcase, satchel, wallet}
ex: sh-lo cãrtsãli tu tashcã shi s-dusi la sculii

T.Cunia Dictsiunar-a-Limbljei-Armãneascã