Dictsiunar

pisti1/piste

pisti1/piste (pís-ti) sf fãrã pl – ncreadirea tsi u ari cariva cã easti un Dumnidzã tu lumi cari featsi nomurli tsi el prindi s-li-ascultã; ncreadirea tsi u ari cariva cã un lucru easti dealihea; trischii, nom, dinã, fedi, vireauã, imani, besã
(expr: pistea-a mã-sai = angiurãturã urutã di pisti)
{ro: credinţă, religie}
{fr: foi, croyance, religion}
{en: faith, religion}
ex: am mari pisti (ncreadiri, besã) pi zborlu-a tãu; pistea-a noastrã easti-atsea crishtinã; eara crishtinã di pisti; tuts tri pisti murim noi; a dushmanlui pisti nu-lj dã (nu-lj fã ncreadiri)

§ embistosini (em-bis-to-sí-ni) sf embistosinj (em-bis-to-sínjĭ) – ncreadirea tsi u ari omlu cã un lucru easti dealihea; pistipsirea tsi lj-u fats a unui cã va facã ashi cum dzãtsi; cãndãrsirea cã nu va ti pruda la dushman; ncreadiri, besã, pisti, mbithar
{ro: încredere}
{fr: confiance}
{en: trust}

§ mbitar (mbi-thárŭ) sn pl(?) – pistipsirea tsi lj-u fats a unui cã va facã ashi cum dzãtsi; cãndãrsirea cã nu va ti pruda la dushman; ncreadirea tsi u ari omlu cã un lucru easti dealihea; ncreadiri, besã, pisti, embistosini
{ro: încredere, curaj}
{fr: confiance, courage}
{en: trust, courage}
ex: cãt mbitar (cãtã ncreadiri) aveam trã cama ghini, ahãt mi-aflai pri mari-arãu

§ pistimen (pis-ti-ménŭ) sm, sf, adg pistimenã (pis-ti-mé-nã), pistimenj (pis-ti-ménjĭ), pistime-ni/pistimene (pis-ti-mé-ni) – omlu tsi ari unã pisti; om tsi pistipseashti tu Dumnidzãlu-a lui; om a curi ãlj fats besã sh-pots s-lji zburãshti fãrã s-tsã hibã fricã cã va ti pruda la altsã; om tu cari ai ncreadirea cã va facã tsi va-lj dzãts; om di besã; embistimen, mpistimen, mbistimen, besalã, amaneci, pisto
{ro: credincios, confidant}
{fr: croyant, homme de confiance, confidant}
{en: faithful, trusty man, confidant}
ex: pistimenjlj (besaladzlji) a tãi fãrtats; avea la ahciani nã pistimenã (muljari di ncreadiri) cari avea tuti zaireili pi mãna-a ljei

§ pisto (pis-tó) sm adg pistadz (pis-tádzĭ) – (unã cu pistimen)
ex: a cama pistadzlor (pistimenjlor) sots

§ embistimen (em-bis-ti-ménŭ) sm, sf, adg embistimenã (em-bis-ti-mé-nã), embistimenj (em-bis-ti-ménjĭ), embistimeni/embistimene (em-bis-ti-mé-ni) – (unã cu pistimen)
ex: embistimen cãtrã mini; pi el lu-avea embistimen (om di ncreadiri, di besã) pisti tutã tutiputa-a lui

§ mpistimen (mpis-ti-ménŭ) sm, sf, adg mpistimenã (mpis-ti-mé-nã), mpistimenj (mpis-ti-ménjĭ), mpistimeni/mpistimene (mpis-ti-mé-ni) – (unã cu pistimen)

§ mbistimen (mbis-ti-ménŭ) sm, sf, adg mbistimenã (mbis-ti-mé-nã), mbistimenj (mbis-ti-ménjĭ), mbistime-ni/mbistimene (mbis-ti-mé-ni) – (unã cu pistimen)
ex: om mbistimen (besalã, di besã)

§ pistipsescu (pis-tip-sés-cu) vb IV pistipsii (pis-tip-síĭ), pistipseam (pis-tip-seámŭ), pistipsitã (pis-tip-sí-tã), pistipsiri/pistipsire (pis-tip-sí-ri) – am pistea cã tu lumi easti un Dumnidzã tsi nã featsi sh-cari alãsã nomuri pri loc tsi lip-seashti s-li ascultãm; nj-u am cã un lucru easti dealihea; lugursescu (nj-si pari, hiu di pãrearea) cã lucrili suntu-alithea ashi cum dzãtsem; am tutã ncreadirea tu tsiva i pri cariva; pistupsescu, pistusescu, cred, ncred, ãncred
{ro: crede}
{fr: croire, prêter foi}
{en: believe}
ex: ti tuti tsi-nj dzãts, ti pistipsescu; s-nu pistipsiri, misurã tini diznou; nu pistipseashti cã va yinã astã searã; si sprigiura, ma nu vrea s-u pistipseascã

§ pistipsit (pis-tip-sítŭ) adg pistipsitã (pis-tip-sí-tã), pistipsits (pis-tip-sítsĭ), pistipsi-ti/pistipsite (pis-tip-sí-ti) – (lucru) tsi easti lugursit di cariva cã dealihea easti (s-featsi, s-dzãsi, etc.); pistupsit, pistusit, cridzut, ncridzut, ãncridzut
{ro: crezut}
{fr: cru}
{en: believed}

§ pistipsi-ri/pistipsire (pis-tip-sí-ri) sf pistipsiri (pis-tip-sírĭ) – atsea tsi s-fatsi cãndu cariva pistipseashti
{ro: acţiunea de a crede}
{fr: action de croire, de prêter foi}
{en: action of believing}
ex: nu-i minciunã trã pistipsiri

§ pistupsescu (pis-tup-sés-cu) vb IV pistupsii (pis-tup-síĭ), pistupseam (pis-tup-seámŭ), pistupsitã (pis-tup-sí-tã), pistupsiri/pistupsire (pis-tup-sí-ri) – (unã cu pistipsescu)
ex: nividzutã, s-nu pistupseshti

§ pistupsit (pis-tup-sítŭ) adg pistupsitã (pis-tup-sí-tã), pistupsits (pis-tup-sítsĭ), pistupsiti/pistupsite (pis-tup-sí-ti) – (unã cu pistipsit)

§ pistupsiri/pistupsire (pis-tup-sí-ri) sf pistupsiri (pis-tup-sírĭ) – (unã cu pistipsiri)

§ pistusescu (pis-tu-sés-cu) vb IV pistusii (pis-tu-síĭ), pistuseam (pis-tu-seámŭ), pistusitã (pis-tu-sí-tã), pistusiri/pistusire (pis-tu-sí-ri) – (unã cu pistipsescu)

§ pistusit (pis-tu-sítŭ) adg pistusitã (pis-tu-sí-tã), pistusits (pis-tu-sítsĭ), pistusiti/pistusite (pis-tu-sí-ti) – (unã cu pistipsit)

§ pistusi-ri/pistusire (pis-tu-sí-ri) sf pistusiri (pis-tu-sírĭ) – (unã cu pistipsiri)

T.Cunia Dictsiunar-a-Limbãljei-Armãneascã ma multu/ptsãn