DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

linti/linte

linti/linte (lín-ti) sf fãrã pl – plantã dit fumealja-a fisuljlui, cu frãndzã piroasi (fapti di frãndzã ma njits) sh-lilici ca albi-njirli, tsi da pãstãlj tsi ncljid nuntru simintsã stronghili shi plãcitoasi (ma njits di gãrnutsãli di fisulj), tsi suntu multu buni tu mãcari, uscati sh-hearti; simintsãli uscati di-aestã plantã; mãcarea faptã di gãrnutsãli hearti di-aestã plantã; pãpudã;
(expr:
1: linti hirburii = linti tsi hearbi agonja;
2: vindu linti = mi-alavdu)
{ro: linte}
{fr: lentille}
{en: lentils}
ex: bãgai pi foc nã oalã cu linti; nji s-aurã shi cu lintea shi cu fisuljlu; nu vindu nitsi linti
(expr: nitsi nu s-alavdã), nitsi curcubeti di Kirasuva; a ma marilui, linti s-nu vindzã
(expr: s-nu ti-alavdzã)

T.Cunia Dictsiunar-a-Limbljei-Armãneascã        

pãpudã

pãpudã (pã-pú-dã) sf pãpudi/pãpude (pã-pú-di) – plantã dit fumealja-a fisuljlui, cu frãndzã piroasi (fapti di frãndzã ma njits) sh-lilici ca albi-njirli, tsi da pãstãlj tsi ncljid nuntru simintsã stronghili shi plãcitoasi (ma njits di gãrnutsãli di fisulj), tsi suntu multu buni tu mãcari, uscati sh-hearti; simintsãli uscati di-aestã plantã; mãcarea faptã di gãrnutsãli hearti di-aestã plantã; linti
{ro: linte}
{fr: lentille}
{en: lentils}

T.Cunia Dictsiunar-a-Limbljei-Armãneascã