DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

alantu

alantu (a-lán-tu) pr alantã (a-lán-tã), alantsã (a-lán-tsã), alan-ti/alante (a-lán-ti) – atsel tsi easti ma dipãrtat (di un tsi easti ma aproapea); andoilu, lantu
(expr:
1: alantã mãni = mãnea tsi yini dupã mãni; paimãni;
2: lumea-alantã = lumea (din tser) a mortsã-lor, dit paradis sh-dit colasi;
3: mi duc (trag) tu lumea-alantã = lji ncljid ocljilj, mor;
4: escu pi lumea-alantã = (i) am moartã; (ii) dormu ahãndos; (iii) nu nj-escu tu ori;
5: ca dit lumea alantã = lucru urut, ãnhiurãtor;
6: s-u-aspunj shi n lumea-alantã = zbor tsi s-dzãtsi cãndu cariva l-fuvirseashti pi-un altu cã va-lj facã tsiva tsi va u-aducã aminti tutã bana-lj;
7: cãndu va s-yinã vãrnu dit lumea alantã = vãrãoarã; cã nu-ari om tsi vinji dit lumea-alantã;
8: l-tornu loclu di-alantã parti = mutrescu tut loclu, tu tuti pãrtsãli, tra s-caftu tsiva;
9: lja pri un, dã pri-alantu = cum easti un, easti sh-alantu; doilji, sh-un sh-alantu, suntu unã soi)
{ro: celălalt}
{fr: l’autre}
{en: the other}
ex: di alantã (di-atsea ma dipartea) parti; lja pri un, da pi alantu (andoilu); cum a ayilor alãntor; cu tutã turnarea di-alantã parti
(expr: cu tutã mutrirea bunã) tsi-lj featsi a loclui; loclu di-alantã parti l-turnã
(expr: mutri pristi tut)

§ lantu (lán-tu) pr lantã (lán-tã), lantsã (lán-tsã), lanti/lante (lán-ti) – (unã cu alantu)

T.Cunia Dictsiunar-a-Limbljei-Armãneascã        

mãni1/mãne

mãni1/mãne (mắ-ni) adv (shi sf invar) – dzua tsi yini dupã dzua di azã;
(expr:
1: alantã mãni = dzua (mãnea) tsi yini dupã mãni; paimãni;
2: dzua di mãni = trãnintili)
{ro: mâine}
{fr: demain}
{en: tomorrow}
ex: mãni n hoarã va s-agiungã; tricu aeri, va treacã sh-mãni; mãni va yin s-ti ved; toarnã-ti alantã mãni
(expr: paimãni); cama ghini az un ou, dicãt mãni un bou; azi tsi ari, mãcã sh-bea, sh-mãni sh-freacã pãntica; lucrul di seara (di azi), s-nu lu-alash trã mãni; azi gioacã la mini ursa, mãni la tini; dzua di mãni (trãnintili), vãrã nu u cunoashti

§ pãimãni (pãĭ-mắ-ni) adv – dzua tsi yini dupã dzua di mãni; paimãni; alantã mãni
{ro: poimâine}
{fr: après-demain}
{en: day after tomorrow}
ex: va mi duc pãimãni

§ paimãni (paĭ-mắ-ni) adv – (unã cu pãimãni)

§ ndo-pãimãni (ndo-pãĭ-mắ-ni) adv – dzua tsi yini dupã dzua di pãimãni; dupã dauã dzãli; ndo-paimãni
{ro: răspoimâine}
{fr: le jour de l’après-demain}
{en: day after the-day-after-tomorrow}

§ ndo-paimãni (ndo-paĭ-mắ-ni) adv – (unã cu ndo-pãimãni)

T.Cunia Dictsiunar-a-Limbljei-Armãneascã