nvescu1 (nvés-cu) (mi) vb III shi II nviscui (nvis-cúĭ), nvish-team (nvish-teámŭ), nviscutã (nvis-cú-tã), nveashti-ri/nveashtire (nveásh-ti-ri) shi nvishteari/nvishteare (nvish-teá-ri) –
1: nj-bag stranjili pri mini; mi-alãxescu tu alti stranji;
2: acumpãr lucri di cari am ananghi trã mini (casã, ducheani, lucru, etc.); bag paradz tu-unã prãmãtii; vescu, anvescu, ãnvescu;
(expr:
1: nvescu = bag (mi nvescu cu) stranji curati, nali, mushati; mi stulsescu; bãtãljusescu; etc.;
2: nvescu lãili = bag stranji lãi, di jali; intru tu jali;
3: nvescu locuri = acoapir locuri)
{ro: (se) îmbrăca, cumpăra, procura, învesti}
{fr: vêtir, faire des emplettes, acheter, investir}
{en: dress, clothes, procure, invest}
ex: lu nviscui (lj-bãgai stranji, lu-alãxii) ghini; lã vinji la ureaclji hãbarea-a amirãlui sã nveascã lãili; deadi Dumnidzã sh-ari moasha di-iu s-mãcã shi sã nveascã; s-vã nveashtits (s-v-alãxits) tu stranji muljireshti; nu mi nviscui ninga; sã nviscu cu stranji arupti; niorlji nvescu dzenuri
(expr: acoapirã dzenuri); s-nã nvishtem (s-fãtsem pãzari trã, s-acumprãm) prãmãtii; namisa di pãnãyir iu nvishtea (iu-acumpãra) prãmãtii; tsi prãmãtii nviscu? lji nviscu paradzlji? (tu tsi prãmãtii lj-bãgã pãradzlji?); va sã nvishtem (va bãgãm paradz tu) tutunuri; frãmtea albã tra s-lj-u nvescu
(expr: s-lj-u stulsescu); datã la bãtãnji si nveascã
(expr: si bãtãljuseascã); nviscu duganea cu multã pãrmãtii
§ nviscut (nvis-cútŭ) adg nviscutã (nvis-cú-tã), nviscuts (nvis-cútsĭ), nviscuti/nviscute (nvis-cú-ti) – tsi ari bãgatã stranji pri el; tsi s-ari alãxitã; tsi easti alãxit tu stranji mushati; tsi (ari faptã pãzari shi) ari acumpratã prãmãtii; viscut, anviscut, ãnviscut
{ro: (bine) îmbrăcat, cumpărat, procurat, învestit}
{fr: (bien) vêtu, qui a fait des emplettes, acheté}
{en: clothed, (well) dressed, procured, invested}
ex: truplu sh-caplu nj-u tut una, pri-un cicior stau tutdiuna, cãmesh am ninumirati, sh-li portu nviscuti toati (angucitoari: cuceanlu); un aush cu patrudzãts di cãmesh nviscut (angucitoari: cuceanlu); si nveatsã dispuljat shi lj-easti-arshini nviscut; totna nviscut
(expr: nviscut ghini) s-ti ved; nviscutã ca (alãxitã tu stranji di) muljari; vidzu tu irnjii nã featã nviscutã tu stranji di-amiradz; lu poartã ghini sh-curat nviscut; soarili easti n prãndzu shi nãs nicã nu easti nviscut; casa lj-easti nviscutã
§ nveashtiri/nveashtire (nveásh-ti-ri) sf nveashtiri (nveásh-tirĭ) – atsea tsi s-fatsi cãndu cariva (si) nveashti; nvishteari; veashtiri, anveashtiri, ãnveashtiri; vishteari, anvishteari, ãnvishteari
{ro: acţiunea de a (se) îmbrăca, de a cumpăra, de a procura, de a învesti; îmbrăcare, cumpărare, procurare, învestire}
{fr: action de (s’)habiller, de faire des emplettes, d’acheter}
{en: action of dressing, of clothing, of procuring, of investing}
§ nvishteari/nvishteare (nvish-teá-ri) sf nvishteri (nvish-té-ri) – (unã cu nveashtiri)
§ ninviscut (nin-vis-cútŭ) adg ninviscutã (nin-vis-cú-tã), ninviscuts (nin-vis-cútsĭ), ninviscuti/ninviscute (nin-vis-cú-ti) – tsi nu s-ari nviscutã; tsi nu-ari bãgatã stranji pri el; tsi nu s-ari alãxitã; tsi nu easti alãxit tu stranji mushati
{ro: care nu este bine îmbrăcat; neîmbrăcat}
{fr: qui n’est pas (bien) vêtu}
{en: who is not (well) dressed; undressed}
§ ninveashtiri/ninveashtire (nin-veásh-ti-ri) sf ninveashtiri (nin-veásh-tirĭ) – atsea tsi s-fatsi cãndu cariva nu (si) nveashti; ninvishteari
{ro: acţiunea de a nu (se) îmbrăca}
{fr: action de ne pas (s’)habiller}
{en: action of not getting dressed}
§ ninvishteari/ninvishteare (nin-vish-teá-ri) sf ninvishteri (nin-vish-té-ri) – (unã cu nveashtiri)
§ nviscãmindu (nvis-cã-mín-du) sn nviscãmindi/nviscãminde (nvis-cã-mín-di) shi nviscãminduri (nvis-cã-mín-durĭ) – numã tsi s-da trã itsi stranj cu cari si nveashti omlu; stranj, alãxãmintu, nviscumindu, nvishmintu, ãnvescãminti, veshtimintu, viscãmindu, vistãmintu, vishtimintu; (fig: nviscãmindu = acupirã-mindu)
{ro: îmbrăcăminte, veşmânt}
{fr: vêtement, costume}
{en: garment, clothing}
ex: nu-am trã nviscãmindu
§ nviscumindu (nvis-cu-mín-du) sn nviscumindi/nviscuminde (nvis-cu-mín-di) shi nviscuminduri (nvis-cu-mín-durĭ) – (unã cu nviscãmindu)
ex: Mai cu doarã sh-cu mushatlu-ts nviscumindu (alãxãmintu, stranj)
§ nvishmintu (nvish-mín-tu) sn nvishminti/nvishminte (nvish-mín-ti) shi nvishminturi (nvish-mín-turĭ) – (unã cu nvis-cãmindu)
ex: sã nviscu gionili tu nvishmintul (alãxãmintul, stranjli) cu loclu cu lãludz
§ vescu1 (vés-cu) (mi) vb III shi II viscui (vis-cúĭ), vishteam (vish-teámŭ), viscutã (vis-cú-tã), veashtiri/veashtire (veásh-ti-ri) shi vishteari/vishteare (vish-teá-ri) – (unã cu nvescu1)
ex: cu stranji noauã s-viscu
§ viscut (vis-cútŭ) adg viscutã (vis-cú-tã), viscuts (vis-cútsĭ), viscuti/viscute (vis-cú-ti) – (unã cu nviscut)
ex: viscut tu stranji vecichi
§ veashtiri/veashtire (veásh-ti-ri) sf veashtiri (veásh-tirĭ) – (unã cu nveashtiri)
§ vishtea-ri/vishteare (vish-teá-ri) sf vishteri (vish-té-ri) – (unã cu nveashtiri)
§ veshtimintu (vesh-ti-mín-tu) sn veshtiminturi (vesh-ti-mín-turĭ) – (unã cu nviscãmindu)
§ viscãmindu (vis-cã-mín-du) sn viscãmindi/viscãminde (vis-cã-mín-di) – (unã cu nviscãmindu)
§ vistãmintu (vis-tã-mín-tu) sn vistãmin-ti/vistãminte (vis-tã-mín-ti) – (unã cu nviscãmindu)
ex: lã adrã shi vistãminti
§ vishtimintu (vish-ti-mín-tu) sn vishtiminti/vishtiminte (vish-ti-mín-ti) – (unã cu nviscãmindu)
§ ãnvescu (ãn-vés-cu) (mi) vb III shi II ãnviscui (ãn-vis-cúĭ), ãnvishteam (ãn-vish-teámŭ), ãnviscutã (ãn-vis-cú-tã), ãnveashtiri/ãnveashtire (ãn-veásh-ti-ri) shi ãnvishtea-ri/ãnvishteare (ãn-vish-teá-ri) – (unã cu nvescu1)
ex: ãsh ãnvishtea (sh-acumpãra) pãrmãtii
§ ãnviscut (ãn-vis-cútŭ) adg ãnviscutã (ãn-vis-cú-tã), ãnviscuts (ãn-vis-cútsĭ), ãnviscuti/ãnviscute (ãn-vis-cú-ti) – (unã cu nvis-cut)
§ ãnveashtiri/ãnveashtire (ãn-veásh-ti-ri) sf ãnveashtiri (ãn-veásh-tirĭ) – (unã cu nveashtiri)
§ ãnvishteari/ãnvishteare (ãn-vish-teá-ri) sf ãnvishteri (ãn-vish-té-ri) – (unã cu nveashtiri)
§ ãnvescãminti/ãn-vescãminte (ãn-ves-cã-mín-ti) sf fãrã pl (unã cu nvis-cãmindu)
§ anvescu (an-vés-cu) (mi) vb III shi II anviscui (an-vis-cúĭ), anvishteam (an-vish-teámŭ), anviscutã (an-vis-cú-tã), anveashtiri/anveashtire (an-veásh-ti-ri) shi an-vishteari/anvishteare (an-vish-teá-ri) – (unã cu nvescu1)
§ anviscut (an-vis-cútŭ) adg anviscutã (an-vis-cú-tã), anviscuts (an-vis-cútsĭ), anviscuti/anviscute (an-vis-cú-ti) – (unã cu nviscut)
ex: cãljuri anviscuti mash cu flori; s-toarnã tuts anviscuts cu stranji noauã
§ anveashti-ri/anveashtire (an-veásh-ti-ri) sf anveashtiri (an-veásh-tirĭ) – (unã cu nveashtiri)
§ anvishteari/anvishteare (an-vish-teá-ri) sf anvishteri (an-vish-té-ri) – (unã cu nveashti-ri)
§ dizvescu (diz-vés-cu) (mi) vb III shi II dizviscui (diz-vis-cúĭ), dizvishteam (diz-vish-teámŭ), dizviscutã (diz-vis-cú-tã), dizveashtiri/dizveashtire (diz-veásh-ti-ri) shi dizvishteari/dizvishteare (diz-vish-teá-ri) – scot stranjili di pi cariva; scot atseali tsi acoapirã tsiva i cariva; dizlãxescu, gulishinedz, dispolj
{ro: (se) dezbrăca, (se) despuia}
{fr: (se) dévêtir, (se) déshabiller}
{en: undress, strip}
ex: seara cãndu s-dizvishtea (shi scutea stranjili); mi dizviscui di (nj-scosh) tuti stranjili tsi-nj deadish; dizveashti-ts (scoati-ts) bunda; u vidzu gulishanã, cãndu s-dizvishtea s-doarmã; s-dizviscu, li deadi stranjili a lui sh-nãs sã nviscu cu pãrtãljli a draclui; cãndu vinji acasã shi s-dizviscu, cãdzu scãrpa shi muscuvulsi udãlu tut
§ dizviscut (diz-vis-cútŭ) adg dizviscutã (diz-vis-cú-tã), dizviscuts (diz-vis-cútsĭ), dizviscuti/dizviscute (diz-vis-cú-ti) – tsi s-ari dispuljatã di stranji; tsi nu-ari stranji pri el; dizlãxit, gulishinat, dispuljat; gol, gulishan, goalish
{ro: dezbrăcat, despuiat}
{fr: dévêtu, déshabillé}
{en: undressed, stripped}
ex: cari dizviscuts (fãrã stranji), cari discultsã; eara dizviscut (gulishan), cãndu intrã la noi
§ dizveashtiri/dizveashtire (diz-veásh-ti-ri) sf dizveashtiri (diz-veásh-tirĭ) – atsea tsi s-fatsi cãndu cariva i tsiva s-dizveashti; dizlãxiri, gulishinari, dispuljari
{ro: acţiunea de a (se) dezbrăca, de a (se) despuia}
{fr: (se) action de dévêtir, de (se) déshabiller}
{en: action of undressing, of stripping}
§ dizvishteari/dizvishteare (diz-vish-teá-ri) sf dizvishteri (diz-vish-té-ri) – (unã cu dizveashtiri)
