{ro: neacoperit}
{fr: decouvert}
{en: uncovered}

§ neacupiriri/neacupirire (nea-cu-pi-rí-ri) sf neacupiriri (nea-cu-pi-rírĭ) – atsea tsi fatsi un cãndu nu acoapirã (alasã dizvilit) tsiva; ninviliri, neascundeari, ningrupari
{ro: acţiunea de a nu acoperi; neacoperire}
{fr: action de ne pas couvrir, de decouvrir}
{en: action of not covering, of uncovering}

§ neacupirit2 (nea-cu-pi-rítŭ) adg neacupiritã (nea-cu-pi-rí-tã), neacupirits (nea-cu-pi-rítsĭ), neacupiriti/neacupitite (nea-cu-pi-rí-ti) – tsi easti dishcljis (shi nu-ascundi simtsãmintili dealihea tsi li ari tra si spunã altili minciunoasi); cari nu easti ipucrit
{ro: care nu este ipocrit}
{fr: qui n’est pas hypocrite}
{en: who is not an hypocrite}

§ acupirãturã (a-cu-pi-rã-tú-rã) sf acupirãturi (a-cu-pi-rã-túrĭ) – lucrul cu cari s-acoapirã tsiva; anvãliturã, anvãlitoari
{ro: acoperitură}
{fr: couverture}
{en: cover}

§ acupirãmintu (a-cu-pi-rã-mín-tu) sn acupirãminti/acupirãminte (a-cu-pi-rã-mín-ti) – lucrul cu cari s-acoapirã tsiva (om, casã, lucru, etc.); cuvertã, yeambulã, vilendzã, doagã, etc.; citii, cupirish
{ro: pătură, acoperământ; acoperiş}
{fr: couverture; toit; hausse}
{en: cover, blanket; roof}
ex: bagã acupirãmintili pristi sãmari; noi avem putsãni acupirãminti (vilendzã)

§ cupirish (cu-pi-ríshĭŭ) sf cupirishuri (cu-pi-rí-shĭurĭ) – partea di casã tsi u-acoapirã; citii, acupirãmintu
{ro: acoperiş}
{fr: toit}
{en: roof}

§ discoapir (dis-cŭá-pirŭ) (mi) vb IV discupirii (dis-cu-pi-ríĭ), discupiream (dis-cu-pi-reámŭ), discupiritã (dis-cu-pi-rí-tã), discupiriri/discupirire (dis-cu-pi-rí-ri) – dau di-unã parti acupirãmintul cu cari easti-acupirit (anvilit) un lucru sh-lu-aspun ashi cum easti dealihea; aflu un lucru tsi eara ascumtu sh-lu scot tu migdani, tra s-lu veadã tutã dunjaea; dizgrop, dizvãlescu, dizvilescu
{ro: dezveli, descoperi, divulga}
{fr: (se) dévoiler, (se) decouvrir, divulguer}
{en: discover, unwrap, disclose}
ex: ficiorlu s-discupiri (s-disvãli); u discupirit (u-aflat, u-aspusit) furlichea?; nu vru s-nji discoapirã (s-nj-aspunã) tsiva; mi discupirii (dizvãlii) cã nj-eara cãldurã; s-nu tsiva di s-discoapirã (di s-aspun cari suntu, tsi minduescu dealihea) un di-alantu

§ discupirit (dis-cu-pi-rítŭ) adg discupiritã (dis-cu-pi-rí-tã), discupirits (dis-cu-pi-rítsĭ), discupiriti/discupirite (dis-cu-pi-rí-ti) – tsi-lj s-ari scoasã acupirãmintul cu cari easti nvãlit (acupirit, anvãrtit) un lucru; dizvãlit, dizvilit, discupirit
{ro: dezvelit, descoperit, divulgat}
{fr: dévoilé, decouvert, divulgué}
{en: discovered, unwrapped, disclosed}

§ discupiriri/discupi-rire (dis-cu-pi-rí-ri) sf discupiriri (dis-cu-pi-rírĭ) – atsea tsi fatsi un cãndu discoapirã tsiva; dizgrupari, dizvãliri, dizviliri
{ro: acţi-unea de a dezveli, de a descoperi, de a divulga; dezvelire, desco-perire, divulgare}
{fr: action de (se) dévoiler, de (se) decouvrir, de divulguer}
{en: action of discovering, of unwraping, of disclosing}

{fr: cimetière}
{en: cemetery, graveyard}

§ ngrop (ngrópŭ) (mi) vb I ngrupai (ngru-páĭ), ngrupam (ngru-pámŭ), ngrupatã (ngru-pá-tã), ngrupa-ri/ngrupare (ngru-pá-ri) – ahundusescu un lucru tu tsiva (apã, loc, alti lucri, etc.) sh-lu-acoapir di tuti pãrtsãli; bag mortul tu-unã groapã sh-lu-anvãlescu cu loc; angrop, ãngrop, grop; murmintedz, ngrupuljedz, ngrupiljedz, acoapir, anvãlescu (fig:
1: ngrop = (i) ascundu tra s-nu s-mata veadã; (ii) (mi) duc iuva tra sã stau singur diparti di lumi; (iii) l-fac agãrshit un lucru (cã nu voi s-lu-aduc aminti, cã nj-easti arshini, etc.); (iv) intru tu (am ti fãtseari) multu lucru (borgi, etc.); expr:
2: mi ngroapã loclu (di-arshini) = mi-arushinedz multu; nj-easti multã-arshini; intru tu loc di-arshini (tra s-nu mi veadã vãrnu); nu pot s-nj-aspun fatsa tu lumi di-arshini;
3: lu ngrop cu dzãli = lj-fac bana multu-amarã, l-fac s-moarã cu cripãrli tsi lj-aduc, lu nvirinedz multu di multu)
{ro: îngropa, înmormânta}
{fr: enterrer}
{en: bury}
ex: tru apã stau niputridzãtã, duchescu tsi-i bunã shi urutã, escu dultsi shi amarã, ngrop (bag tu loc) tsi s-matsinã la moarã (angucitoari: limba); la turushti s-mi ngrupats (s-mi bãgats tu loc); mortul lu ngruparã; avea ngrupatã unã cãldãrushi cu flurii; tatãl lu ngrupã loclu
(expr: lj-fu multã-arshini) di niprucupsita di featã; s-ti ngroapã loclu
(expr: s-tsã hibã multã arshini)!; grairi, s-ti ngroapã loclu
(expr: grairi multu-arushnoasi); avea ngrupatã paradzlji la-arãdãtsina-a unui arburi; nicã nu lu-avea ngrupatã (bãgatã tu loc mortul); toamna si ngroapã (si nvilescu cu loc) ayinjli; ngrupã (fig: u featsi agãrshitã) ipotisea-atsea; si ngrupã tu borgi (fig: featsi multã borgi); mi ngrupai (mi-acupirii) di frãndzã; ts-u bãgash s-mi ngrochi cu dzãli?
(expr: sã-nj fats bana ahãntu amarã, di va-nj yinã s-mor?)

§ ngrupat (ngru-pátŭ) adg ngrupatã (ngru-pá-tã), ngrupats (ngru-pátsĭ), ngrupati/ngrupate (ngru-pá-ti) – tsi easti bãgat tu groapã sh-acupirit cu loc; tsi easti acupirit di tuti pãrtsãli; angrupat, ãngrupat, grupat; murmintat, ngrupuljat, ngrupiljat, acupirit, anvãlit
{ro: îngropat, înmormântat}
{fr: enterré}
{en: buried}
ex: mortul shi ngrupatlu (bãgatlu tu loc); easti di shasi mesh mortu shi ngrupat

§ ngrupari/ngrupare (ngru-pá-ri) sf ngrupãri (ngru-pắrĭ) – atsea tsi s-fatsi cãndu tsiva i cariva easti bãgat tu-unã groapã sh-acupirit cu loc; angrupari, ãngrupari, grupari; murmintari, ngrupuljari, ngrupiljari, acupiriri, anvãliri
{ro: acţiunea de a îngropa, de a înmormânta; îngropare, înmormăntare}
{fr: action d’enterrer; enterrement}
{en: action of burying; burial}
ex: la ngruparea-a lui

§ ningrupat (nin-gru-pátŭ) adg ningrupatã (nin-gru-pá-tã), ningrupats (nin-gru-pátsĭ), ningrupati/ningrupate (nin-gru-pá-ti) – tsi nu easti ngrupat; tsi nu easti bãgat tu groapã sh-acupirit cu loc; neangrupat
{ro: neîngropat, neînmormântat}
{fr: qui n’est pas enterré}
{en: unburied}
(expr: mortu sh-ningrupat = tsi easti multu lãndzit, slab shi etim s-moarã)
ex: gionj mortsã sh-ningrupats (tsi nu furã ninga ngrupats)

§ ningrupari/ningrupare (nin-gru-pá-ri) sf ningrupãri (nin-gru-pắrĭ) – atsea tsi s-fatsi cãndu tsiva i cariva nu easti ngrupat; neangrupari
{ro: acţiunea de a nu îngropa, de a nu înmormânta; neîngropare, neînmormântare}
{fr: action de ne pas enterrer}
{en: action of not burying}

§ ngrupãciuni/ngrupãciune (ngru-pã-cĭú-ni) sf ngrupãciunj (ngru-pã-cĭúnjĭ) – bãgarea-a unui tu-unã groapã sh-acupirirea-a lui cu loc; ngrupari, angrupari, ãngrupari, grupari; ngrupuljari, ngrupi-ljari, acupiriri, anvãliri
{ro: îngropăciune, înmormântare}
{fr: enterrement, inhumation, sépulture}
{en: burial, internment}
ex: tsãn is di ngrupãciuni (di ngrupari); nu njershu la ngrupãciuni (ngrupari); avu nã ngrupãciuni mushatã; featsi ahãti bunets, cã-lj si cãdea unã-ahtari ngrupãciuni

§ angrop (an-grópŭ) vb I angrupai (an-gru-páĭ), angrupam (an-gru-pámŭ), angrupatã (an-gru-pá-tã), angrupari/angrupare (an-gru-pá-ri) – (unã cu ngrop)
ex: adzã un an, lu-angruparã

§ angrupat (an-gru-pátŭ) adg angrupatã (an-gru-pá-tã), angrupats (an-gru-pátsĭ), angrupa-ti/angrupate (an-gru-pá-ti) – (unã cu ngrupat)

§ angrupari/an-grupare (an-gru-pá-ri) sf angrupãri (an-gru-pắrĭ) – (unã cu ngrupari)
ex: tu-angruparea-a ayinjlor; s-nu-angrupari ayinja, dzeadzirã

§ ãngrop (ãn-grópŭ) vb I ãngrupai (ãn-gru-páĭ), ãngrupam (ãn-gru-pámŭ), ãngrupatã (ãn-gru-pá-tã), ãngrupa-ri/ãngrupare (ãn-gru-pá-ri) – (unã cu ngrop)

§ ãngrupat (ãn-gru-pátŭ) adg ãngrupatã (ãn-gru-pá-tã), ãngrupats (ãn-gru-pátsĭ), ãngrupati/ãngrupate (ãn-gru-pá-ti) – (unã cu ngrupat)

§ ãngrupari/ãngrupare (ãn-gru-pá-ri) sf ãngrupãri (ãn-gru-pắrĭ) – (unã cu ngrupari)

§ angrupãciuni/angrupãciune (an-gru-pã-cĭú-ni) sf angrupãciunj (an-gru-pã-cĭúnjĭ) – (unã cu ngru-pãciuni)
ex: earam la ngrupãciunea (ngruparea) a aushlui

§ grop (grópŭ) vb I grupai (gru-páĭ), grupam (gru-pámŭ), grupatã (gru-pá-tã), grupari/grupare (gru-pá-ri) – (unã cu ngrop)
ex: s-grupãm a noastrã-anami

§ grupat (gru-pátŭ) adg grupatã (gru-pá-tã), grupats (gru-pátsĭ), grupati/grupate (gru-pá-ti) – (unã cu ngrupat)

§ grupari/grupare (gru-pá-ri) sf grupãri (gru-pắrĭ) – (unã cu ngrupari)

§ dizgrop (diz-grópŭ) vb I dizgrupai (diz-gru-páĭ), dizgrupam (diz-gru-pámŭ), dizgrupatã (diz-gru-pá-tã), dizgrupa-ri/dizgrupare (diz-gru-pá-ri) – scot un lucru dit loclu iu eara ngrupat; arãm (zgrãm) loclu tra sã scot tsiva; scot, sap, dizvãlescu, discoapir, arãm;
(expr: dizgrop (lucri, mortsã, tifteri veclji, etc.) = scot tu migdani lucri agãrshiti di multu, ascumti, nishtiuti, etc.)
{ro: dezgropa}
{fr: déterrer, exhumer; fouiller}
{en: unearth, exhume; dig, excavate}
ex: dizgrupãm (l-scoasim dit groapã) mortul; dizgruparã oasili-a mã-sai; vrei s-dizgrochi mortsãlj?
(expr: sã scots tu migdani, lucri agãrshiti di multu?); dizgrupã
(expr: scoasi, di-aclo iu u-avea bãgatã) unã muluyii; tsi dizgrochi tora tifteri veclji?
(expr: tsi scots tu migdani, lucri agãrshiti di multu?)

§ dizgrupat (diz-gru-pátŭ) adg dizgrupatã (diz-gru-pá-tã), dizgrupats (diz-gru-pátsĭ), dizgrupati/dizgrupate (diz-gru-pá-ti) – tsi easti scos dit groapã (loc); scos, sãpat, dizvãlit, discupirit, arãmat, etc.
{ro: dezgropat}
{fr: déterré, exhumé, fouillé}
{en: unearthed, exhumed; dug, excavated}

§ dizgrupari/dizgrupare (diz-gru-pá-ri) sf dizgrupãri (diz-gru-pắrĭ) – atsea tsi s-fatsi cãndu s-dizgroapã tsiva; scuteari, sãpari, dizvãliri, discupiriri, arãmari, etc.
{ro: acţiunea de a dezgropa; dezgropare}
{fr: action de déterrer, d’exhumer; de fouiller}
{en: action of unearthing, of exhuming; of digging, of excavating}

§ dizgrupãciuni/dizgru-pãciune (diz-gru-pã-cĭú-ni) sf dizgrupãciunj (diz-gru-pã-cĭúnjĭ) – scutearea-a unui lucru dit loclu (iu eara ngrupat)
{ro: dezgropăciune, dezgropare}
{fr: déterrement}
{en: excavation}
ex: sh-mini earam la dizgrupãciunea (dizgruparea) a lipsanlui

(expr: s-chearã) zborlu; nunlu u muri lafea
(expr: astãmãtsi lafea); a ta boatsi cã-nj mi moari
(expr: vatãmã); cã mushatlu-ts oclju moari
(expr: vatãmã) tiniri gionj dit shapti hoari; l-moari cãnticlu
(expr: l-cheari, l-cãntã lungu sh-chirut); l-durea mãseaua ahãt multu cã-l murea di dor
(expr: l-durea ahãt multu mãseaua cã nu shtea tsi s-facã di dor); mi murish
(expr: vãtãmash), bre, s-ti lja harlu; murii
(expr: mi lãhtãrsii multu) unã noapti ntreagã; vrea s-moarã di foami
(expr: vrea s-agiuneadzã multu); nu-nj dai niheamã apã, cã murii di seati? (cã crep, cã nj-easti multã seati?); moari sh-cheari trã tini
(expr: ti va multu); si shteari omlu cãndu va s-moarã, singur groapa va sh-u-adarã
(expr: ma sã shtii tsi ts-adutsi trãnintili, va ti ndredz dininti); muri nveasta, dusi cuscrilja; muri hinjlu (cumbarlu), dusi cumbãrilja

§ murit (mu-rítŭ) adg muritã (mu-rí-tã), murits (mu-rítsĭ), muriti/murite (mu-rí-ti) – cari sh-chiru bana, vãtãmat, uscat, vishtidzãt, etc.
{ro: mort; omorât; leşi-nat}
{fr: mort; tué; évanoui}
{en: dead; killed; fainted}

§ mortu1 (mór-tu) adg moartã (mŭár-tã), mortsã (mór-tsã), moarti/moarte (mŭár-ti) – (unã cu murit)

§ muriri/murire (mu-rí-ri) sf muriri (mu-rírĭ) – atsea tsi pati un cãndu omlu lji ncljidi ocljilj sh-moari icã easti vãtãmat
{ro: acţiunea de a muri, de a omorî, de a leşina; murire; omorâre; leşinare}
{fr: action de mourir (de tuer; de s’évanouir)}
{en: action of dying; of killing; of fainting}

§ nimortu (ni-mór-tu) adg nimoartã (ni-mŭár-tã), nimortsã (ni-mór-tsã), nimoarti/nimoarte (ni-mŭár-ti) – tsi nu easti mortu; tsi easti fãrã moarti; tsi nu moari vãrãoarã; nimuritor
{ro: viu; nemuritor}
{fr: vivant; immortel}
{en: alive; immortal}
ex: eshti nimortu (fãrã moarti)

§ nimuritor (ni-mu-ri-tórŭ) adg nimuritoari/nimuritoare (ni-mu-ri-tŭá-ri), nimuritori (ni-mu-ri-tórĭ), nimuritoari/nimuritoare (ni-mu-ri-tŭá-ri) – tsi easti fãrã moarti; tsi nu-ari moarti; nimortu
{ro: nemuritor}
{fr: immortel}
{en: immortal}
ex: nimuritoari (fãrã moarti, fãrã agãrshiri) lã armasi numa

§ nimuriri/nimurire (ni-mu-rí-ri) sf nimuriri (ni-mu-rírĭ) – atsea tsi s-fatsi cãndu cariva nu moari, cãndu easti fãrã moarti
{ro: nemurire}
{fr: immortalité}
{en: immortality}
ex: cari bea apã di la fãntãna di la muntsãlj tsi s-bãtea, amintã nimurirea

§ moarti/moarte (mŭár-ti) sf mortsã (mór-tsã) – catastasea (starea) tu cari s-aflã un tsi easti mortu;
(expr:
1: tsi nu-ari moarti; tsi nu cunoashti (shtii) moartea = tsi dãnãseashti multu, tutã eta, trã eta-a etilor;
2: s-aflã pri patlu di moarti = easti etim (tradzi) s-moarã;
3: treatsi moartea piningã mini = mi-aflu tu-un mari chindin, un chindin di moarti sh-nu shtiu ma s-pot s-ascap;
4: moarti bunã = moarti tsi yini di-unã lãngoari datã di Dumnidzã, nu yini cã-l vãtãmã cariva;
5: moarti di om = multu di multu;
6: fac moarti di om = vatãm, utsid;
7: tsarã di moarti = loc loat di pi mirminti; moarti di om;
8: somnu di moarti = somnu ahãndos;
9: nj-easti moarti = canda-nj yini s-mor, di urut tsi-nj yini;
10: grai di moarti; limbã di moarti = grailu tsi lu-alasã omlu nãinti di moarti tu cari-sh spuni vrearea (mirachea, dimãndarea) a lui dit soni;
11: easti moarti = (i) nu s-avdi tsiva dip; (ii) s-vatãmã lumi, s-fatsi moarti di om;
12: (aush, cã) lu-agãrshi moartea = easti multu di multu aush;
13: nu-ari moarti = s-dzãtsi tri un lucru tsi dãnãseashti multu;
14: moarti di cãni = s-dzãtsi tr-atsel tsi moari singur, apãrãtsit di tuts)
{ro: moarte}
{fr: mort, ruine, désastre}
{en: death}
ex: di tru soarti pãn tru moarti; s-vã plãngã dupã moarti; dadã nu-am shi n lumi escu, a cui voi bana-arãchescu (angucitoari: moartea); tu moartea a tatã-sui nu avea axitã un an; arucarã pri nãsã tsarã di moarti
(expr: vrurã s-u facã s-moarã); arcoari mari, moarti di om
(expr: eara ahãntã arcoari, di-l fãtsea omlu s-moarã); s-moarã di moarti bunã
(expr: di la Dumnidzã); tuts durnja, canda tu somnu di moarti
(expr: durnja multu-ahãndos, canda eara mortsã); l-alãsã cu grailu di moarti
(expr: lã dimãndã tu oara tsi eara s-moarã); cãndu-l ved dininti, nj-easti moarti
(expr: nj-yini zori, urut, canda-nj yini s-mor); moarti easti
(expr: easti isihii, tãtseari) nafoarã, nu s-avdi tsiva; easti moarti
(expr: s-fatsi moarti di om) tu emboriu; de cãndu bãneadzã sh-itsi lãngoari nu-adutsi moarti; di moarti vãrã nu-ascapã; moartea nu yini cãndu u cljenj
(expr: nu mori cãndu vrei); moartea yini sh-neacljimatã
(expr: moartea yini cãndu nu ti-ashteptsã); cãndu u caftsã moartea, fudzi, sh-cãndu nu mindueshti, yini; moartea ti-aflã sh-tu fundul a loclui
(expr: nu pots s-ascachi, s-ti-ascundzi di moarti); moartea sh-tu yilii ti-aflã; agãrsha-nj-lu moarte!; fãrã itii vãrã nu moari; moartea lã bagã cãpachi la tuti
(expr: tuti bitisescu cu moarea); moartea nu-aleadzi; omlu ari sh-banã sh-moarti; somnul i giumitati di moarti

§ mortu2 (mór-tu) sm, sf moartã (mŭár-tã), mortsã (mór-tsã), moarti/moarte (mŭár-ti) – un cari nu mata easti yiu; om tsi-ari moartã, etc.; (fig:
1: mortu = ca mortu, multu di multu; expr:
2: mortu di seati (foami, arcoari, fricã, etc.) = multu nsitat (multu-agiunat, ngljitsat di-arcoari, multu lãhtãrsit, etc.);
3: mortu ningrupat = aproapea mortu, namisa di banã shi moarti;
4: mortu sh-ningrupat mi feci = lãhtãrsii multu, aproapea cã murii di lãhtarã;
5: ca di pri mortu = canda lã muri cariva di-aproapea, dit fumealji, ca di jali, multu ndurirats;
6: soarili a mortsãlor = (i) ascãpitata-a soarilui [adutsem aminti cã laolu pistipseashti cã suflitli a mortsãlor s-duc tu loclu iu ascapitã soarili];
7: mortsãlj cu mortsãlj sh-yiilji cu yiilji = zbor tsi s-dzãtsi dupã moarti, la soea-a mortului, tra sã-sh bãneadzã bana trãninti cã mortul dusi, nu s-mata toarnã;
8: nu s-toarnã mortul di la groapã = lucrul tsi s-featsi, s-featsi, bitisi, nu-ari turnari)
{ro: mort}
{fr: mort, ruiné}
{en: dead man, ruined}
ex: trec tsintsi oaminj cu patru sufliti sh-cu-unã sutã di dzeadziti (angucitoari: mortul); lu scularã mortul di cu seara; ca mortu s-featsi di fricã tu fatsã; ma ghini moartã; mortsãlj imnã cu yiilji; tri mortsã (suflitlu-a atsilor tsi murirã); feata, curmatã-moartã, nu dzãsi nu (fig: curmatã multu di multu, ca moartã di-avursitã tsi eara); eara oaminjlji ca di pri mortu
(expr: multu ndurirats, ca di jali, ca di la mortu); li-alãsã mortsãli cu orixea; easti mortu ningrupat
(expr: easti aproapea mortu); lj-coapsi un somnu, di dzãtseai, cã-lj bãgarã tsarã di mortu
(expr: durnji multu-ahãndos, durnji ca un mortu)

§ amortului (a-mór-tu-luĭ) adv – tsi sã ngreacã multu; tsi caftã multu tra si s-facã un lucru; tsi va si s-facã fãr di altã
{ro: morţiş}
{fr: à tout prix}
{en: with tooth and nail}
ex: l-va amortului (ãl va multu, moari sh-cheari trã el; s-arcarã amortului (sã ngricarã) s-dãm Pirushana; mi bãgai amortului la (mi ngricai multu s-lu fac) aestu lucru

§ murtami/murtame (mur-tá-mi) sf fãrã pl – multimi di mortsã; lumea-a mortsãlor
{ro: cei morţi, lumea morţilor}
{fr: nombre des morts; l’ensemble des morts}
{en: number of dead; world of the dead}
ex: sh-murtamea (sh-mortsãlj, lumea-a mortsãlor) canda si scula

§ murtãciuni/murtãciune (mur-tã-cĭú-ni) sf murtãciunj (mur-tã-cĭúnjĭ) – truplu a omlui (i a pravdãljei) dupã tsi moari; murtutsinã, murtsinã, mãrshi, cufumã, cuhmã, lesh, leshi, psutimi; (fig: murtãciuni = un tsi easti moali shi nu para dishteptu)
{ro: cadavru, hoit}
{fr: cadavre; charogne}
{en: cadaver; decaying carcass}
ex: shed murtãciunjli (trupurli di mortsã, oaminj i prãvdzã) arucati n calea mari

§ murtutsinã (mur-tu-tsí-nã) sf murtutsinj (mur-tu-tsínjĭ) – (unã cu murtãciuni)
ex: nu eara vãrã murtutsinã, ma gioni shi dishteptu foc

§ murtsinã (mur-tsí-nã) sf murtsinj (mur-tsínjĭ) – (unã cu murtãciuni)
ex: nu tutã zulapea s-hrãneashti cu murtsinã (cuhmi); dizgljatsã-ti niheamã, nu hii murtsinã!

§ rizmor (riz-morŭ) vb IV rizmurii (riz-mu-ríĭ), rizmuream (riz-mu-reámŭ), rizmuritã (riz-mu-rí-tã) shi rizmoartã (rizmŭár-tã), rizmuriri/rizmurire (riz-mu-rí-ri) – mor diznou
{ro: muri din nou}
{fr: mourir de nouveau}
{en: die again}

§ rizmurit (riz-mu-rítŭ) adg rizmuritã (riz-mu-rí-tã), rizmurits (riz-mu-rítsĭ), rizmuri-ti/rizmurite (riz-mu-rí-ti) – tsi ari moartã diznou
{ro: mort din nou}
{fr: mort de nouveau}
{en: who died again}

§ rizmortu (riz-mór-tu) adg rizmoartã (riz-mŭár-tã), rizmortsã (riz-mór-tsã), rizmoar-ti/rizmoarte (riz-mŭár-ti) – (unã cu rizmurit)

§ rizmuriri/rizmurire (riz-mu-rí-ri) sf rizmuriri (riz-mu-rírĭ) – atsea tsi s-fatsi cãndu cariva moari diznou
{ro: acţiunea de a muri din nou}
{fr: action de mourir de nouveau}
{en: action of dying again}