guvã (gú-vã) sf guvi/guve (gú-vi) – dishcljidzãturã njicã dit un lucru (stizmã, stranj aruptu, acoalã, etc.) tsi-alasã s-treacã lucri ma njits, dit unã parti tu-alantã; gavrã, crubã, horhor, fiju (fig:
1: guvã = groapã, mirmintu; expr:
2: bãnedz ca tu-unã guvã = bãnedz nguvat, singur, diparti di lumi, nu mi-ameastic tu lumi, etc.;
3: acats guva; intru tu guvã (di sharpi); mi-ascundu tu 400 di guvi; etc. = mi-ascundu tra s-nu poatã s-mi aflã vãrnu, fug cãtã iu pot;
4: adar guvã tu-apã = nu-adar tsiva, nu pot s-adar tsiva; nu-adar tsiva ta s-ahãrzeascã; geaba caftu s-fac tsiva;
5: adar guvã tu pitã = adar nã mari glãrimi, aspargu un lucru bun, fac znjii, u fac s-chearã lumea)
{ro: gaură}
{fr: trou}
{en: hole}
ex: nã cuciubã cu shapti guvi (angucitoari: caplu-a omlui); astupã guva; sharpili intrã tu guvã; tu pishtireauã easti unã guvã mari; aclu ari guvã njicã; dipuni-ti tru guva-a aishtui arburi; cum inshirã, shoaritslji acãtsarã guvili
(expr: fudzirã s-ascundã, catiun cãtã iu-lj videa ocljilj); Dima lu-avea tu guvã (fig: tu groapã, tu mirmintu); adrã guva tu-apã
(expr: nu putu s-facã tsiva); s-featsi guva tu pitã (s-featsi mari chiameti); cara s-moarã nãs va si s-facã guva tu pitã
(expr: va s-facã znjii mari, va chearã lumea)
§ gavrã (gá-vrã) sf gavri/gavre (gá-vri) shi gãvri/gãvre (gắ-vri) – (unã cu guvã)
ex: intru tu gavrã di sharpi
(expr: intru tu guvã di sharpi, mi-ascundu, fug)
§ guvicã (gu-ví-cã) sf guvitsi/guvitse (gu-ví-tsi) – guvã njicã; guvici, guvãlici
{ro: găurice}
{fr: petit trou}
{en: little hole}
§ guvici/guvice (gu-ví-ci) sf guvici/guvice (gu-ví-ci) – (unã cu guvicã)
ex: avea doauã guvici, di-iu omlu putea s-veadã; puljlji di la Dumnidzã s-gãljinarã tu tsir shi astuparã tuti guvicili
§ guvãlici/guvãlice (gu-vã-lí-ci) sf guvãlici/guvãlice (gu-vã-lí-ci) – guvã njicã; guvicea di la curlu-a omlui; guvãleaci
{ro: găurice, anus}
{fr: orifice extérieur du rectum, anus}
{en: anus}
§ guvãleaci/guvãleace (gu-vã-leá-ci) sf guvãleci (gu-vã-lécĭ) – (unã cu guvãlici)
§ guvunos (gu-vu-nósŭ) adg guvunoasã (gu-vu-nŭá-sã), guvunosh (gu-vu-nóshĭ), guvunoasi/guvunoase (gu-vu-nŭá-si) –
1: (lucru, cheatrã, tiniche arudzinit, etc.) tsi easti mplin di guvi (prit cari treatsi apa, vimtul, etc.);
2: tsi easti cu fatsa sufrusitã (jubãrjitã); tsi ari dãmtsi (urmi, seamni, sufri) pri fatsã; gãvunos; gãgãnjos, gãgãnjar
{ro: poros; zbărcit (la faţă)}
{fr: poreux; ridé}
{en: porous; wrinkled}
§ gãvunos (gã-vu-nósŭ) adg gãvunoasã (gã-vu-nŭá-sã), gãvunosh (gã-vu-nóshĭ), gãvunoa-si/gãvunoase (gã-vu-nŭá-si) – (unã cu guvunos)
§ gãunos (gã-u-nósŭ) adg gãunoasã (gã-u-nŭá-sã), gãunosh (gã-u-nóshĭ), gãunoasi/gãunoase (gã-u-nŭá-si) – (unã cu guvunos)
ex: arburli easti gãunos (cu cufalã); alunã gãunoasã (seacã, uscatã)
§ nguvedz (ngu-védzŭ) (mi) vb I nguvai (ngu-váĭ), nguvam (ngu-vámŭ), nguvatã (ngu-vá-tã), nguvari/nguvare (ngu-vá-ri) – intru (bãnedz, stau, bag pri cariva) tu-unã guvã; stau ncljis tu udã; bãnedz ahoryea di lumi ca tu-unã guvã
{ro: trăi (ca) într-o gaură; izola, trăi izolat}
{fr: rester (mettre) dans un trou; s’isoler, vivre retiré, vivre isolé}
{en: hole up, stay (put someone) into a hole; isolate, live in isolation}
ex: si nguvã (intrã tu guvã, sta singur)
§ nguvat (ngu-vátŭ) adg nguvatã (ngu-vá-tã), nguvats (ngu-vátsĭ), nguvati/nguvate (ngu-vá-ti) – cari intrã (bãneadzã, sta, bagã pri cariva) tu-unã guvã; tsi sta ncljis tu udã; cari bãneadzã ahoryea di lumi
{ro: care stă în gaură; retras ca în gaură; izolat}
{fr: qui est dans un trou; qui vit isolé, retiré}
{en: holed up, isolated, who lives in isolation}
ex: tut ncljisi shi nguvati bãneadzã
(expr: diparti, ahoryea di lumi); vãts nguvati
(expr: tsi suntu tsãnuti s-bãneadzã singuri)
§ nguvari/nguvare (ngu-vá-ri) sf nguvãri (ngu-vắrĭ) – atsea tsi s-fatsi cãndu cariva si nguveadzã
{ro: acţiunea de a trăi (ca) într-o gaură; de a (se) izola, de a trăi izolat; izolare}
{fr: action de rester (mettre) dans un trou; de s’isoler, de vivre retiré, de vivre isolé}
{en: action of holing up, of staying (of putting someone) into a hole; of isolating, of living in isolation}
T.Cunia Dictsiunar-a-Limbãljei-Armãneascã ma multu/ptsãn