gardu (gár-du) sn garduri (gár-durĭ) – adãrãmintu (di scãnduri, di stizmã, di metal, etc.) sculat di-un nicuchir deavãrliga di-un loc (avlii, grãdinã, etc.) tra s-nu-alasã prãvdzãli i oaminjlji s-intrã i s-easã di-aclo fãrã izini; ngãrditurã, ploc, tãracã
(expr: am gardu s-ansar = am unã cheadicã, ambodyiu tra s-trec)
{ro: gard}
{fr: clôture. haie}
{en: fence}
ex: feci la-ayinji un gardu di schinj, acasã di tãrãts; aflãm mãrata-nã featã tu culupani aspindzuratã di gardu; u lo di un cicior s-u-arucã pristi gardu, n vali; cara s-tritsea di gardu eara ascãpatã; gardul ari oclji, murlu ari ureclji; s-trapsi pãnã ningã gardu; di unã njilji pulj pri gardu, cama ghini un tru mãnã; lu-arsãri gardul (tricu pristi gardu; icã expr: tricu pristi cheadicã, ambodyiu); nica un gardu avea s-antrisarã;
(expr: avea ninga unã cheadicã s-treacã)
§ ngãrdescu (ngãr-dés-cu) vb IV ngãrdii (ngãr-díĭ), ngãrdeam (ngãr-deámŭ), ngãrditã (ngãr-dí-tã), ngãrdiri/ngãrdire (ngãr-dí-ri) – analtsu un gardu (di scãnduri, di stizmã, di metal, etc.) deavãrliga di-un loc (avlii, grãdinã, etc.) tra s-nu-alas prãvdzã i oaminj s-intrã i s-easã fãrã izini; ncljid cu-un gardu un loc; ntãrac
{ro: îngrădi}
{fr: clôturer, enclore}
{en: fence in; enclose}
ex: ngãrdeam grãdina; ngãrdii un loc trã grãdinã
§ ngãrdit (ngãr-dítŭ) adg ngãrditã (ngãr-dí-tã), ngãrdits (ngãr-dítsĭ), ngãrditi/ngãrdite (ngãr-dí-ti) – (loc, gãrdinã, ubor, etc.) tsi easti ncljis cu-un gardu; ntãrãcat
{ro: îngrădit}
{fr: clôturé, enclos}
{en: fenced in; enclosed}
§ ngãrdiri/ngãrdire (ngãr-dí-ri) sf ngãrdiri (ngãr-dírĭ) – atsea tsi s-fatsi cãndu si ngãrdeashti un loc; ntãrãcari
{ro: acţiunea de a îngrădi; îngrădire}
{fr: action de clôturer, d’enclore; enclos}
{en: action of fencing in; of enclosing; enclosure}
§ ngãrditurã (ngãr-di-tú-rã) sf ngãrdituri (ngãr-di-túrĭ) – gardul cu cari si ncljidi un loc (ubor, gãrdinã, etc.); ngãrdiri; gardu, tãracã
{ro: îngrăditură}
{fr: clôture, palissade}
{en: fence, stockade}
§ ngãrdedz (ngãr-dédzŭ) vb I ngãrdai (ngãr-dáĭ), ngãrdam (ngãr-dámŭ), ngãrdatã (ngãr-dá-tã), ngãrdari/ngãrdare (ngãr-dá-ri) – (unã cu ngãrdescu)
§ ngãrdat (ngãr-dátŭ) adg ngãrdatã (ngãr-dá-tã), ngãrdats (ngãr-dátsĭ), ngãrdati/ngãrdate (ngãr-dá-ti) – (unã cu ngãrdit)
§ ngãrdari/ngãrdare (ngãr-dá-ri) sf ngãrdãri (ngãr-dắrĭ) – (unã cu ngãrdiri)
§ dizgãrdescu (diz-gãr-dés-cu) vb IV dizgãrdii (diz-gãr-díĭ), dizgãrdeam (diz-gãr-deámŭ), dizgãrditã (diz-gãr-dí-tã), dizgãrdiri/dizgãrdire (diz-gãr-dí-ri) – dau di padi (aspargu) un gardu (di scãnduri, di stizmã, di metal, etc.) tsi easti anãltsat deavãrliga-a unui loc (avlii, grãdinã, etc.); distãrac
(expr:
1: mi dizgãrdescu = hiu un om (mi fac) abrashcu, arsiz, nearushinat, cãndu zburãscu cu cariva;
2: am gura dizgãrditã = (i) nu pot sã-nj tsãn gura ncljisã, zburãscu multu, nu-nj tatsi dip gura; nu pot s-tsãn misticadz, etc.; (ii) hiu abrashcu (arsiz, fãrã arshini) cãndu zburãscu cu cariva)
{ro: dezgrădi}
{fr: déclore, enlever la clôture}
{en: unfence; remove a fence}
ex: aestu om s-dizgãrdi
(expr: s-featsi nearushinat tu zbor); omlu linivos, lji s-ari dizgãrditã shi casa shi ayinja, sh-nu caftã s-lji ngãrdeascã
§ dizgardu (diz-gár-du) vb IV dizgãrdii (diz-gãr-díĭ), dizgãrdeam (diz-gãr-deámŭ), dizgãrditã (diz-gãr-dí-tã), dizgãrdiri/dizgãrdire (diz-gãr-dí-ri) – (unã cu dizgãrdescu)
§ dizgãrdit (diz-gãr-dítŭ) adg dizgãrditã (diz-gãr-dí-tã), dizgãrdits (diz-gãr-dítsĭ), dizgãrditi/dizgãrdite (diz-gãr-dí-ti) – (loc, gãrdinã, ubor, etc.) tsi-lj s-ari datã di padi gardul; tsi nu-ari gardu; distãrãcat
{ro: dezgrădit}
{fr: déclos, sans clôture}
{en: unfenced; with fence removed}
ex: grãdinjli armasirã dizgrãditi; nu-lj dzã tsiva cã gura u-ari dizgãrditã expr: (nu poati s-tsãnã gura ncljisã, zburashti multi, nu-ari dip arshini)
§ dizgãrdiri/dizgãrdire (diz-gãr-dí-ri) sf dizgãrdiri (diz-gãr-dírĭ) – atsea tsi s-fatsi cãndu si dizgãrdeashti un loc; distãrãcari
{ro: acţiunea de a dezgrădi; dezgrădire}
{fr: action de déclore, d’enlever la clôture}
{en: action of unfencing; of removing a fence}
ex: agiumsi la oara-a dizgãrdiriljei
§ dizgrãdescu (diz-grã-dés-cu) vb IV dizgrãdii (diz-grã-díĭ), diz-grãdeam (diz-grã-deámŭ), dizgrãditã (diz-grã-dí-tã), dizgrãdi-ri/dizgrãdire (diz-grã-dí-ri) – (unã cu dizgãrdescu)
ex: grãdina nã u dizgrãdirã
§ dizgrãdit (diz-grã-dítŭ) adg dizgrãditã (diz-grã-dí-tã), dizgrãdits (diz-grã-dítsĭ), dizgrãditi/dizgrãdite (diz-grã-dí-ti) – (unã cu dizgãrdit)
§ dizgrãdiri/dizgrãdire (diz-grã-dí-ri) sf dizgrãdiri (diz-grã-dírĭ) – (unã cu dizgãrdiri)
