DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

mushaver

mushaver (mu-shĭa-vérŭ) sm, sf mushaverã (mu-shĭa-vé-rã), mushaveri (mu-shĭa-vérĭ), mushaveri/mushavere (mu-shĭa-vé-ri) – unã muljari (icã bãrbat) tsi s-bagã tu-ashtirnut cu vrutlu-lj (icã cu vruta-lj) fãrã s-hibã ncurunats; agãpitcoanji (sf mash); morozã (sf mash); murozã (sf mash); earan, yearan, aran
{ro: amant, ibovnic}
{fr: amant, maîtresse (féminin seulement)}
{en: lover, mistress (feminine only)}
ex: alasã-ts feata sh-mushavera (agãpitcoanja)

§ murozã (mu-ró-zã) sf murozi/muroze (mu-ró-zi) – (unã cu mushaverã)
ex: shtiu cã ari unã murozã (agãpitcoanji)

§ morozã (mo-ró-zã) sf morozi/moroze (mo-ró-zi) – (unã cu mushaverã)

T.Cunia Dictsiunar-a-Limbljei-Armãneascã        

mushavirei/mushaviree

mushavirei/mushaviree (mu-shĭa-vi-ré-i) sf mushavirei (mu-shĭa-vi-réĭ) – adunari di oaminjlji (di-aradã ma mãrlji, aushlji sh-ma mintimenjlji) dit unã hoarã (cãsãbã, nai) a curi lucru easti s-u nicuchirseascã, sã zburascã, sã-sh caftã mintea un cu-alantu shi s-lja apofasi trã tuti anãnghiurli shi ihtizãili tsi li ari hoara
{ro: consiliu}
{fr: conseil}
{en: council}
ex: fac mushavirei (unã adunari)

§ mushãferi/mushãfere (mu-shã-fé-ri) sf mushãferi (mu-shã-férĭ) – adunari tsi u fac oaminjlji dit unã mushavirei tra si sh-caftã mintea un cu-alantu shi s-lja apofasi trã vãrã ananghi maxutarcã tsi u ari hoara
{ro: consfătuire}
{fr: consultation}
{en: consultation}
ex: sh-featsirã unãoarã mushãferi

§ mushafe-ri/mushafere (mu-shĭa-fé-ri) sf mushaferi (mu-shĭa-férĭ) – (unã cu mushãferi)

§ mushãveri/mushãvere (mu-shã-vé-ri) sf mushãveri (mu-shã-vérĭ) – (unã cu mushãferi)

T.Cunia Dictsiunar-a-Limbljei-Armãneascã