DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

arac

arac (a-rácŭ) sm arats (a-rátsĭ) – prici di apã dultsi (tsi nu easti pescu), tsi ari un trup moali anvãlit di unã cãpachi corcanã, cari s-fatsi aroshi cãndu easti hertu, cu-unã pãnticã ca unã aradã di neali, cu ma multi preclji di cicioari (cu cari imnã di-arada anapuda, cãtrã nãpoi) di cari, prota preaclji easti ca un cljashti; rac, cãrãvidã, hãrhidã, cãvur, cavur, cavru
{ro: rac}
{fr: écrevisse}
{en: (fresh water) crayfish}
ex: araclu (cãrãvida), broasca shi mreana; am mari ahti s-mãc nã dzuã arats; njardzi anapuda ca aratslji

§ rac (rácŭ) sm rats (rátsĭ) – (unã cu arac)
ex: a curi nu lj-u bunã s-gustã un rac (cavru)?

T.Cunia Dictsiunar-a-Limbljei-Armãneascã        

bãrbuni/bãrbune

bãrbuni/bãrbune (bãr-bú-ni) sm bãrbunj (bãr-búnjĭ) – pescu mari di-arãu (cari poati s-agiungã pãnã la 4-5 Kg) tsi sh-u-adutsi niheamã cu craplu, cu truplu lungu, cu asprilj di-unã hromã ca galbinã-veardi-murnã pi pãltãri shi alghi pri pãnticã; mreanã, mu-renã
{ro: mreană}
{fr: barbeau (poisson)}
{en: barbel}

T.Cunia Dictsiunar-a-Limbljei-Armãneascã        

mreanã

mreanã (mreá-nã) sf mreani/mreane (mreá-ni) – pescu mari di-arãu (cari poati s-agiungã pãnã la 4-5 Kg) tsi sh-u-adutsi niheamã cu craplu, cu truplu lungu, cu asprilj di-unã hromã ca galbinã-veardi-cinushi pi pãltãri shi alghi pri pãnticã; breanã murenã, bãrbuni
{ro: mreană}
{fr: barbeau (poisson)}
{en: barbel}
ex: cãndu tritsea ca mreani; mreana nu-i cãftatã la noi

§ breanã (breá-nã) sf breani/breane (breá-ni) – (unã cu mreanã)
ex: acãtsai unã breanã

§ murenã (mu-rénã) sf mureni/murene (mu-ré-ni) – (unã cu mreanã)

§ marenã (ma-rénã) sf mareni/marene (ma-ré-ni) – (unã cu mreanã)

T.Cunia Dictsiunar-a-Limbljei-Armãneascã