DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

budãlã

budãlã (bu-dã-lắ) adg budãloanji/budãloanje (bu-dã-lŭá-nji), budãladz (bu-dã-ládzĭ) budãloanji/budãloanje (bu-dã-lŭá-nji) – (om) tsi nu para sh-easti dishteptu; (om) tsi easti prostu, glar, hazo, hut, tivichel, etc.
{ro: prostănac}
{fr: imbécile, stupide}
{en: imbecile, stupid}
ex: scoalã, budãlã, s-ai puteari mari; coada-a budãloanjiljei di ursã

§ budãlãc (bu-dã-lắcŭ) adg budãlãcã (bu-dã-lắ-cã), budãlãts (bu-dã-lắtsĭ), budãlãtsi/budãlãtse (bu-dã-lắ-tsi) – (unã cu budãlã)
ex: cari easti mintimenlu sh-cari easti budã-lãclu (prostul, glarlu)?

T.Cunia Dictsiunar-a-Limbljei-Armãneascã        

hut

hut (hútŭ) sm, sf, adg hutã (hú-tã), huts (hútsĭ), huti/hute (hú-ti) – om lipsit di minti shi fãrã giudicatã (tu zbor i tu fapti); tsi nu para aducheashti ghini tsi-lj si dzãtsi; ahmac, anoit, cshura, ciulja, chirut, dabolja, divanã, glar, hazo, hazuscu, hljara, hasca, hahã, hai-hui, haihum, leangã, lefcã, lishor, shahulcu, tabolja, ta-o-to, ljoco, shapshal, shabsha, shamandur, tivichel, temblã, turlu, uzun
{ro: prostănac}
{fr: sot, bête, badaud, nigaud, imbécile}
{en: stupid, fool}
ex: arãmasi ca hut (glar, cistisit); nu suntu huts (glari) puljlji?; sutili mãritã hutili (featili hljari sh-uruti); nu-l cãrtea, cã easti hut (hazo); tuts din casã suntu huts (glari), vãrnu nu-i ti cãtãndii

§ hutsami/hutsame (hu-tsá-mi) sf hutsãnj (hu-tsắnjĭ) – lipsã di minti sh-di giudicatã; zbor i faptu cari aspuni starea tu cari s-aflã un om lipsit di minti sh-di giudicatã; glãrimi, glãreatsã, glãrilji, glarumarã, hazumarã, ahmãclichi, anoisii, chirturã
{ro: prostie}
{fr: bêtise, sottise, stupidité}
{en: stupidity, foolishness}
ex: multi hutsãnj (glãrinj, hazumãri) fatsi; cari hutsami (glãrimi) u plãteashti tora cu bana; feci hutsamea-aestã, ma s-mi ljertsã; shedz s-ascultsã hutsãnjli-a lui

§ hutsãlji/hutsãlje (hu-tsắ-lji) sf hutsãlj (hu-tsắljĭ) – (unã cu hutsami)
ex: hutsãlja (glãrimea) a muljariljei a lui si shtii

§ hutsãscu1 (hu-tsắs-cu) vb IV hutsãi (hu-tsắĭ), hutsam (hu-tsámŭ), hutsãtã (hu-tsắ-tã), hutsãri/hutsãre (hu-tsắ-rĭ) – ãnj cher putearea di bunã minduiri sh-giudicatã; glãrescu, hãzusescu, lishuredz
{ro: se prosti}
{fr: devenir stupide}
{en: becoming stupid}
ex: s-hutsã (glãri) di harauã

§ hutsãt (hu-tsắtŭ) adg hutsãtã (hu-tsắ-tã), hutsãts (hu-tsắtsĭ), hutsãti/hutsãte (hu-tsắ-ti) – cari sh-chiru putearea di bunã minduiri; cari fu glãrit di cariva; cari s-adrã hut, cari glãri; glãrit, hãzusit, lishurat
{ro: prostit}
{fr: devenu stupide}

T.Cunia Dictsiunar-a-Limbljei-Armãneascã         ma multu/ptsãn

ljoco

ljoco (ljĭó-co) invar – om lipsit di minti shi fãrã giudicatã (tu zbor i tu fapti); tsi nu para aducheashti ghini tsi-lj si dzãtsi; ljocã, ta-o-to, tivichel, glar, hazo, temblã, hut, hljara, hasca, shapshal, shabsha, shamandur, ahmac, anoit, cshura, ciulja, chirut, dabolja, tabolja, divanã, hazuscu, hahã, hai-hui, haihum, leangã, lefcã, lishor, shahulcu, turlu, uzun
{ro: prost, imbecile}
{fr: badaud, sot, niais, nigaud}
{en: stupid, fool}

§ ljocã (ljĭó-cã) invar – (unã cu ljoco)

T.Cunia Dictsiunar-a-Limbljei-Armãneascã        

mbeci

mbeci (mbécĭŭ) (mi) vb IV mbicii (mbi-cíĭ), mbiceam (mbi-cĭámŭ), mbicitã (mbi-cí-tã), mbiciri/mbicire (mbi-cí-ri) – nj-cher anasa (mi nec) cãndu beau tsiva tsi treatsi di-alantã parti a gurmadzlui
{ro: înghiţi greşit, se îneca bând}
{fr: s’étouffer en buvant un coup}
{en: choke, swallow the wrong way a liquid}
ex: lj-ded unã chicã di-apã shi si mbici (s-nicã); nu arãchea apa cã ti mbeci (ti nets)

§ mbicit (mbi-cítŭ) adg mbicitã (mbi-cí-tã), mbicits (mbi-cítsĭ), mbiciti/mbicite (mbi-cí-ti) – tsi s-nicã cãndu biu tsiva tsi tricu di-alantã parti
{ro: înecat bând}
{fr: étouffé en buvant un coup}
{en: choked, who has swallowed the wrong way a liquid}

§ mbiciri/mbicire (mbi-cí-ri) sf mbiciri (mbi-círĭ) – atsea tsi s-fatsi cãndu cariva sh-cheari anasa (s-neacã) cãndu bea tsiva tsi treatsi di-alantã parti
{ro: acţiunea de a înghiţi greşit, de a se îneca bând}
{fr: action de s’étouffer en buvant un coup}
{en: action of choking, of swallowing the wrong way a liquid}

T.Cunia Dictsiunar-a-Limbljei-Armãneascã        

mighetã

mighetã (mi-ghĭé-tã) sm migheteanj (mi-ghĭé-teanjĭ) – om glar shi lipsit di giudicatã; glar, ahmac, anoit, cshura, ciulja, dabolja, tabolja, divanã, hazo, hazuscu, hut, hljara, hasca, hai-hui, haihum, lishor, shahulcu, ta-o-to, tivichel, temblã, turlu, uzun
{ro: imbecil, prostănac, găgăuţă}
{fr: niais, imbécile, nigaud}
{en: imbecile, stupid, fool}

T.Cunia Dictsiunar-a-Limbljei-Armãneascã