|
|
cãtush
cãtush (cã-túshĭŭ) sm, sf cãtushi/cãrtushe (cã-tú-shi) shi cãtushã (cã-tú-shã), cãtush (cã-túshĭ), cãtushi/cãrtushe (cã-tú-shi) shi cãtush (cã-túshĭ) – prici imirã (ma njicã di cãni) tsãnutã priningã casã tra s-acatsã shoarits; pisã, pãsã, matsã, macearoc, macioc, mãroi; (fig:
1: cãtushi = ipucrit, tirtipci; expr:
2: ca cãnili cu cãtusha s-duc (s-vor) = sã ncaci tut chirolu, nu pot s-bãneadzã ghini deadun;
3: canda mi supsirã cãtushili = hiu multu-agiun;
4: ari noauã sufliti ca cãtusha, vulpea sh-muljarea = easti greu s-lu fats s-moarã)
{ro: pisică}
{fr: chat, chatte}
{en: cat}
ex: muljarea sh-cãtusha au cãti noauã sufliti; cãtusha mãcã shoarits; cãni, cãtushi shi sharpi; cãtusha sh-la fatsa: semnu cã va da ploai; amiroanja tãtsea ca unã cãtushi; aveam nã cãtushã albã; cãtushlu nã fudzi din casã; acatsã s-njaurã ca nã cãtushi; tãtsea ca nã cãtushi, shi zbor nu scutea din gurã; cãndu cãtusha nu-i acasã, shoaritslji gioacã pri measã; vrei, cãtushe, pescu?; cãtusha cu chipru, nu acatsã shoarits; cari cãtushi nu-l va pescul?; cãtusha, ma nu-agiundzi pescul, ascuchi; s-giurã cãtusha s-nu mãcã shoarits; cãtusha, ma nu-agiundzi pescul, dzãtsi cã-i amputsãt; si shtea tsi cãtushi (fig: ipucrit, tirtipci) easti el; moarti him di foami, canda nã supsirã cãtushili!
matsã
matsã (má-tsã) sf matsã (má-tsã) – prici imirã (ma njicã di cãni) tsãnutã priningã casã tra s-acatsã shoarits; cãtushi, macearoc, macioc, mãroi, pisã, pãsã
{ro: pisică}
{fr: chat}
{en: cat}
§ macearoc (ma-cĭa-rócŭ) sm macearots (ma-cĭa-rótsĭ) – mascurlu di la unã prici imirã (matsa) tsãnutã priningã casã tra s-acatsã shoarits; cãtush, macioc, mãcioc, mãroi
{ro: pisoi, motan}
{fr: matou, chat mâle}
{en: tom-cat}
ex: avea un macearoc mari, galbin; aviglja ca un macearoc
§ macioc (ma-cĭócŭ) sm maciots (ma-cĭótsĭ) – (unã cu macearoc)
§ mãcioc (mã-cĭócŭ) sm mãciots (mã-cĭótsĭ) – (unã cu macearoc)
ex: ari un mãcioc sh-unã cãtushi
§ mãroi (mã-róĭŭ) sm mãroi (mã-róĭ) – (unã cu macearoc)
ex: di cãndu avem mãroilu s-afãnisirã shoaritslji
pisã1
pisã1 (pí-sã) sf pisi/pise (pí-si) – prici imirã (cãtushi) tsãnutã priningã casã tra s-acatsã shoarits; pãsã, cãtush, matsã, macearoc, macioc, mãroi
{ro: pisică}
{fr: chat, chatte}
{en: cat}
§ pãsã (pắ-sã) sf pãsi/pãse (pắ-si) – (unã cu pisã1)
§ pis! (pís) inter – zbor cu cari s-greashti-ali cãtushi tra s-yinã cãtrã noi
{ro: cuvânt cu care se cheamă pisica}
{fr: parole par laquelle on appelle le chat}
{en: word by which one calls the cat}