DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

ipuhondru

ipuhondru (i-pu-hón-dru) sm, sf ipuhondrã (i-pu-hón-drã), ipuhondzrã (i-pu-hón-dzrã), ipuhondri/ipuhondre (i-pu-hón-dri) – om tsi s-plãndzi tut chirolu cã-l doari tsiva, cari pistipseashti cã ari unã i ma multi lãngori, minciunoasi i dealihea (ma cari yeatsãrlji nu pot s-lji li aflã)
{ro: ipohondru}
{fr: hypocondre}
{en: hypochondriac}
ex: tuti-l dor, cã easti ipuhondru

§ ipuhun-drii/ipuhundrie (i-pu-hun-drí-i) sf ipuhundrii (i-pu-hun-dríĭ) – catastasea tu cari s-aflã omlu tsi easti ipuhondru, cãndu-lj si pari cã easti lãndzit shi-l dor tuti, cãndu s-mindueashti mash la lãngorli tsi li ari sh-yeatsãrlji nu pot sã-lj li aflã
{ro: ipohondrie}
{fr: hypo-condrie}
{en: hypochondria}
ex: nu pot s-lj-u scot ipuhundria dit cap

§ ipuhundrilji/ipuhundrilje (i-pu-hun-drí-lji) sf ipu-hundrilj (i-pu-hun-dríljĭ) – (unã cu ipuhundrii)

§ ipuhundrios (i-pu-hun-dri-ósŭ) adg ipuhundrioasã (i-pu-hun-dri-ŭá-sã), ipuhundriosh (i-pu-hun-dri-óshĭ), ipuhundrioasi/ipuhundrioase (i-pu-hun-dri-ŭá-si) – tsi easti ipuhondru
{ro: ipohondrios}
{fr: hypocondriaque}
{en: hypochondrical}

§ ipuhundrisescu (i-pu-hun-dri-sés-cu) (mi) vb IV ipuhundrisii (i-pu-hun-dri-síĭ), ipuhundriseam (i-pu-hun-dri-seámŭ), ipuhundrisitã (i-pu-hun-dri-sí-tã), ipuhundrisiri/ipuhundrisire (i-pu-hun-dri-sí-ri) – mi fac ipuhondru
{ro: deveni ipohondru}
{fr: devenir hypohondre}
{en: become a hypochondriac}

§ ipuhundrisit (i-pu-hun-dri-sítŭ) adg ipuhundrisitã (i-pu-hun-dri-sí-tã), ipuhundrisits (i-pu-hun-dri-sítsĭ), ipuhundrisiti/ipuhundrisite (i-pu-hun-dri-sí-ti) – cari s-featsi ipuhondru
{ro: devenit ipohondru}
{fr: devenu hypohondre}

T.Cunia Dictsiunar-a-Limbljei-Armãneascã         ma multu/ptsãn