|
|
piramidã
piramidã (pi-ra-mí-dã) sf piramidi/piramide (pi-ra-mí-di) –
1: adãrãmintu mari sh-multu analtu dit vecljul Eghiptu (iu si ngrupa mortsãlj), cu stizmili tsi au mãrdzinjli lãrdzi nghios shi chipitli adunati nsus tu-un cãrciliu sumigos;
2: (curuna-a unui arburi) tsi sh-u-adutsi cu-aestu adãrãmintu
{ro: piramidă}
{fr: pyramide}
{en: pyramid}
§ piramidal (pi-ra-mi-dálŭ) adg piramidalã (pi-ra-mi-dá-lã), piramidalj (pi-ra-mi-dáljĭ), piramidali/piramidale (pi-ra-mi-dá-li) – tsi sh-u-adutsi cu-unã piramidã; tsi ari s-facã cu piramida
{ro: piramidal}
{fr: pyramidal}
{en: pyramidal}
yiptu
yiptu (yíp-tu) sn yipturi (yíp-turĭ) – zbor cu cari s-cunoashti un, i ma multi deadun, sicara, grãnlu, ordzul, uvedzlu, etc.; grãnar, yinimati, grãni
{ro: cereală}
{fr: céréale}
{en: cereal}
ex: cãt ari yiptul?; ambãrli suntu mplini di yipturi (yinimati, grãni); yiptul easti criscut ghini; yipturli nu s-featsirã; am nã ambari cu grãn, gongali, melj, ordzu shi di tuti yipturli; pãnã di-adoarã yipturli eara curati shi aleapti dupã simintsã; iu s-fatsi yiptu cama multu; an di an, mãca tuti yipturli cãti s-fãtsea; yiptul estan va s-hibã scumpu cã nu s-ari faptã
§ ghiptu (ghíp-tu) sn ghipturi (ghíp-turĭ) – (unã cu yiptu)
ex: ghiptul nu s-featsi estan; nj-adusi un usmac di ghiptu (grãn)