DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

cãcãredz3

cãcãredz3 (cã-cã-rédzŭ) sm cãcãredz (cã-cã-rédzĭ) shi sn cãcã-readzã (cã-cã-reá-dzã) – merdu (pãngãnãtati, spreamit, cãcat) di caprã, oai, etc.; baligã
{ro: căcărează (de oaie, capră, etc.)}
{fr: crotte (de chèvres, de brebis, etc.)}
{en: dung, droppings (of goats, sheep, etc.)}
ex: padea eara mplinã di cãcãredz di oai; meturã cãcãreadzãli aesti

§ cãcãradzã (cã-cã-rá-dzã) sf cãcãrãdz (cã-cã-rắdz) – (unã cu cãcãredz3)
ex: armãnlu shi arhundu s-hibã, tut cãcãradzã di oai va s-anjurdzeascã

§ gãgãratsã (gã-gã-rá-tsã) sf gãrãts (gã-gã-rắtsĭ) – (unã cu cãcãredz3)

§ gãgãreatsã (gã-gã-reá-tsã) sf gãgãrets (gã-gã-rétsĭ) – (unã cu cãcãredz3)

T.Cunia Dictsiunar-a-Limbljei-Armãneascã        

gãrãescu

gãrãescu (gã-rã-ĭés-cu) vb IV gãrãii (gã-rã-íĭ), gãrãeam (gã-rã-ĭámŭ), gãrãitã (gã-rã-í-tã), gãrãiri/gãrãire (gã-rã-í-ri) – (puljlji) tsiurã (tsiripeadzã, chiureadzã, jiureadzã, nciureadzã) dipriunã cu un vrondu tsi ti asurdzashti; (gãshtili) gãgãreadzã multu di-l cufusescu atsel tsi li avdi; (oaminjlji) zburãscu (lãfusescu, bãndureadzã, bãbãlescu, dãrdãrescu, fãrfãrescu, etc.) fãrã astãmãtsiri; etc.; gãrãscu
{ro: gârâi; ciripi asurzitor}
{fr: gazouiller d’une manière assourdissante}
{en: twitter in a deafening manner}
ex: patili gãrãescu (gãgãreadzã) tutã dzua; nj-gãrãi (nj-zburã di mi asurdzã) tutã dzua la ureaclji

§ gãrãit (gã-rã-ítŭ) adg gãrãitã (gã-rã-í-tã), gãrãits (gã-rã-ítsĭ), gãrãiti/gãrãite (gã-rã-í-ti) – tsi ari tsiuratã cu un vrondu tsi ti cufuseashti; gãrãt
{ro: gârâit; care a ciripit asurzitor}
{fr: qui a gazouillé d’une manière assourdissante}
{en: twittered in a deafening manner}

§ gãrãiri/gãrãire (gã-rã-í-ri) sf gãrãiri (gã-rã-írĭ) – atsea tsi s-fatsi cãndu cariva gãrãeashti; gãrãri
{ro: acţiunea de a gârâi; de a ciripi asurzitor; gârâire}
{fr: action de gazouiller d’une manière assourdissante}
{en: action of twittering in a deafening manner}
ex: s-avdi di diparti gãrãirea-a (gãgãridzarea-a) patilor cãndu s-toarnã di la pãshuni

§ gãrãscu (gã-rắs-cu) vb IV gãrãi (gã-rắĭ), gãram (gã-rámŭ), gãrãtã (gã-rắ-tã), gãrãri/gãrãre (gã-rắ-ri) – (unã cu gãrãescu)

§ gãrãt (gã-rắ-tŭ) adg gãrãtã (gã-rắ-tã), gãrãts (gã-rắtsĭ), gãrãti/gãrãte (gã-rắ-ti) – (unã cu gãrãit)

§ gãrãri/gãrãre (gã-rắ-ri) sf gãrãri (gã-rắrĭ) – (unã cu gãrãiri)

T.Cunia Dictsiunar-a-Limbljei-Armãneascã        

vurgar

vurgar (vúr-garŭ) sm, sf vurgarã (vúr-ga-rã shi vur-gá-rã), vurgari (vúr-garĭ), vurgari/vurgare (vúr-ga-ri shi vur-gá-ri) – om di miletea-a atsilor tsi bãneadzã tu cratlu di cãtrã Datã a Machiduniiljei, sh-cari zburashti unã limbã tsi sh-u-adutsi cu limba sãrbeascã i atsea ruseascã; vurgãr, vurgur, vãrgar, vãrgãr, vulgur;
(expr: cap di vurgar = atsel tsi aducheashti greu; un tsi sh-alãxeashti greu mintea; cãpos, cap gros, pruclet, cap di shinic, cap di crinã, cap di tãgari, cap di mulari, etc.)
{ro: bulgar}
{fr: bulgare}
{en: Bulgarian}
ex: featã vurgarã; tsi soi s-bãturã cu vurgarlji; vidzush vurgar?

§ vurgãr (vúr-gãrŭ) sm, sf vurgãrã (vúr-gã-rã), vurgãri (vúr-gãrĭ), vurgãri/vurgãre (vúr-gã-ri) – (unã cu vurgar)
ex: nu-i vurgãr, nitsi grec

§ vurgur (vúr-gurŭ) sm, sf vurgurã (vúr-gu-rã), vurguri (vúr-gurĭ), vurguri/vurgure (vúr-gu-ri) – (unã cu vurgar)

§ vãrgar (vắr-garŭ) sm, sf vãrgarã (vắr-ga-rã shi vãr-gá-rã), vãrgari (vắr-garĭ), vãrgari/vãrgare (vắr-ga-ri shi vãr-gá-ri) – (unã cu vurgar)

§ vãrgãr (vắr-gãrŭ) sm, sf vãrgãrã (vắr-gã-rã), vãrgãri (vắr-gãrĭ), vãrgãri/vurgãre (vắr-gã-ri) – (unã cu vur-gar)
ex: doi di-a noshtri shi un vãrgãr

§ vulgur (vúl-gurŭ) sm, sf vulgurã (vúl-gu-rã), vulguri (vúl-gurĭ) vulguri/vulgure (vúl-gu-ri) – (unã cu vurgar)

§ vurgãrami/vurgãrame (vur-gã-rá-mi) sf fãrã pl – multimi di vurgari
{ro: bulgărime}
{fr: nombre de bulgares}
{en: number of Bulgarians}
ex: si nvitsã murdar ca tu vurgãrami; vurgãramea nu u-ari tu-arshini

§ vãrgãrami/vãr-gãrame (vãr-gã-rá-mi) sf fãrã pl – (unã cu vurgãrami)

§ vurgãrescu (vur-gã-rés-cu) adg vurgãreascã (vur-gã-reás-cã), vurgãreshtsã (vur-gã-résh-tsã), vurgãreshti (vur-gã-résh-ti) – tsi ari s-facã cu vurgarlji; di vurgar; vãrgãrescu, vulgãrescu

T.Cunia Dictsiunar-a-Limbljei-Armãneascã         ma multu/ptsãn