DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

bandi

bandi (ban-dí) adg bandoanji/bandoanje (ban-dŭá-nji), bandadz (ban-dádzĭ), bandoanji/bandoanje (ban-dŭá-nji) – (palju-om) tsi nu easti bun trã tsiva; tsi nu lu-ariseashti s-lucreadzã; nu-ahãrzeashti mari lucru; tsi easti andihristu sh-arãu; dãrmalã, gãnoj, pezevenghiu, blãstimat, linãvos, etc.
{ro: nemernic}
{fr: vaurien, fainéant}
{en: scoundrel, rascal}
ex: tsi bandi (linãvos, pezevenghiu) eshti

T.Cunia Dictsiunar-a-Limbljei-Armãneascã        

gãnoj

gãnoj (gã-nójĭŭ) sm gãnoji (gã-nójĭ) – palju-om tsi nu easti bun trã tsiva; picean, tsili-pai, tsapatsuc, tsãrlos, xipoltu, palju-om
{ro: nemernic, om de nimica}
{fr: homme sans valeur, bon à rien, maroufle}
{en: scoundrel, good for nothing}
ex: pri her shi un gãnoj poati s-treacã

T.Cunia Dictsiunar-a-Limbljei-Armãneascã        

merdu

merdu (mér-du) sn merdzã (mér-dzã) – atsea tsi scoati omlu dit el cãndu s-dutsi di easi nafoarã (si s-cacã); cãcat, cacã, spreamit, pãngãnãtati, pãngãneatsã; (fig: merdu = om tsi nu-ahãrzeashti tsiva; om nibun; palju-om, astrãchit, picean, gãnoj, cuprii; expr:
2: mãcã merdu = dzãtsi minciunj;
3: lj-da un merdu = nu-lj da tsiva)
{ro: excrement}
{fr: excrément}
{en: excrement}
ex: nãs merdul (fig: palju-omlu, astrãchitlu) cutidzã s-mi agudeascã

T.Cunia Dictsiunar-a-Limbljei-Armãneascã        

picean

picean (pí-cĭanŭ) sm piceanj (pí-cĭanjĭ) – om tsi nu easti bun trã tsiva; palju-om, gãnoj, tsili-pai, tsapatsuc, tsãrlos, xipoltu
{ro: secătură}
{fr: homme sans valeur, maroufle}
{en: scoundrel, good for nothing}
ex: nu mi ljau dupã mintea-a piceanjlor (palju-oaminjlor) atselj

T.Cunia Dictsiunar-a-Limbljei-Armãneascã        

tsapatsuc

tsapatsuc (tsa-pa-tsúcŭ) sm tsapatsuchi (tsa-pa-tsúchĭ) shi tsapatsucheanj (tsa-pa-tsú-chĭanjĭ) – om tsi nu easti salami, tsi nu easti bun trã tsiva; tsili-pai, tsãrlos, xipoltu, gãnoj, picean, palju-om
{ro: om de nimic, terchea-berchea}
{fr: bon à rien}
{en: good for nothing}

§ tsili-pai (tsi-li-pá-i) sm tsili-paeanj (tsi-li-pá-ĭanjĭ) – (unã cu tsapatsuc)
ex: acãtsarã s-intrã nãuntru tuts tsili-paeanjlji, tuts furlji sh-tuts lãilji shi slaghilji oaminj

§ tsãrlos (tsãr-lósŭ) adg tsãrloasã (tsãr-lŭá-sã), tsãrlosh (tsãr-lóshĭ), tsãrloasi/tsãrloase (tsãr-lŭá-si) – (unã cu tsapatsuc)

T.Cunia Dictsiunar-a-Limbljei-Armãneascã