DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

fleshcuri

fleshcuri (flésh-curĭ) sf pl – dãrmi njits, suptsãri shi uscati cãdzuti di pri arburi; cumãts njits di lemnu armasi dit alumãchili cãdzuti sh-uscati di pri arburi; surtseali, schizãri, luschidz, lutseatri, licãturi, pilicudz, lumãchi, dãrmi, climbuci, gãgi, pãrpãturi, etc.
{ro: vreascuri}
{fr: branches sèches, bois mort}
{en: dead branches, brush wood}

T.Cunia Dictsiunar-a-Limbãljei-Armãneascã        

surtseauã

surtseauã (sur-tseá-úã) sf surtseali/surtseale (sur-tseá-li) – alu-machi njicã shi suptsãri (tsi ari cãdzutã di pri arburi shi s-ari uscatã); surtsel, lumãchitsã, aluneauã, dãrmãtseauã, pãrpãturã, fleshcuri, etc.
{ro: rămurea}
{fr: petite branche}
{en: small branch}
ex: cãndu tãljam io leamni, tini adunai surtseali; adunã ndauã surtseali din pãduri; dusi sh-moasha-a noastrã s-aducã tsiva surtseali; nu-i pãduri fãrã surtseali

§ surtsel1 (sur-tsélŭ) sn surtseali/surtseale (sur-tseá-li) – cumatã njicã shi suptsãri di lemnu tsi ari ishitã (cãdzutã i armasã) di la un lemnu tsi s-ari aspartã i disicatã; alumachi njicã shi shcurtã (tsi ari cãdzutã di pri arburi shi s-ari uscatã); ashclji, anghidã, surtseauã, schizari, luschidã, lutseatrã, licãturã, pilicudã, scãrpã, scãrpoaci, shcãrpã, mindzalji, minutsalji, mintsalji, spitsã, gãgi
{ro: surcea, aşchie}
{fr: éclat de bois, copeau}
{en: splint}
ex: di lemnu, di surtsel, sh-adrã nã sartsinã; omlu trã surtseali s-dutsi shi s-toarnã zgrãmat; adunats niscãnti surtseali; acumpãrai surtseali (scãrpoci, gãgi)

§ surtsilush (sur-tsi-lúshĭŭ) sn surtsilushi/surtsilushe (sur-tsi-lú-shi) – surtsel njic
{ro: surceluşe}
{fr: petit copeau}
{en: little splint}

T.Cunia Dictsiunar-a-Limbãljei-Armãneascã