DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

cheafeti/cheafete

cheafeti/cheafete (chĭa-fé-ti) sf cheafets (chĭa-fétsĭ) – harea sh-purtarea tsi u ari un om tinjisit; ihtibari, htibari, nãmuzi, axitã
{ro: merit, demnitate, orgoliu}
{fr: mérite, dignité, orgueuil}
{en: merit, dignity, pride, arrogance}
ex: ari cheafetea-a unui amirã; eazãcã di cheafetea-a ta

T.Cunia Dictsiunar-a-Limbljei-Armãneascã        

ehtru

ehtru (éh-tru) sm, sf, adg ehtrã (éh-trã), ehtsrã (éh-tsrã), ehtri/ehtre (éh-tri) – atsel tsi aurashti pri cariva shi nu-lj va bunlu (va sã-lj facã arãu); atsel tsi ari sh-aspuni nivreari fatsã di tsiva; atsel cu cari s-alumtã cariva; atsel a curi ãlj portsã zilj; ehtur, dushman, azmu, hazmu, nioaspi
{ro: duşman, adversar}
{fr: ennemi, adversaire}
{en: enemy, adversary}
ex: ma bun easti un ehtru (dushman) mintimen; ehtrul lu pimsi s-facã aestã eazãcã; nãs ehtrul nj-featsi aestu bilje

§ ehtur (éh-tur) sm, sf, adg ehturã (éh-tu-rã), ehturi (éh-turĭ) shi ehtsãri (éh-tsãrĭ), ehturi/ehture (éh-tu-ri) – (unã cu ehtru)
ex: ehtsrãlj (dushmanjlji) tsã s-apruchearã; apa doarmi, ehturlu (dushmanlu) nu doarmi

§ ihtrilji/ihtrilje (ih-trí-lji) sf ihtrilji/ihtrilje (ih-trí-lji) – atsea (ura, nivrearea) tsi u poartã un fatsã di tsiva i di cariva (un dushman); ura tsi u-aduchescu doi dushmanj (un fatsã di alantu) shi mirachea tsi u au tra sã-sh facã arãu; ehtrã, ehtrilji, dushmãnilji, amahi, cãrezi, niuspitsãlji, hã-seanlichi, zãti, shãrã, sheri
{ro: duşmănie}
{fr: inimitié, hostilité}
{en: enmity, hostility}

§ ehtrilji/ehtrilje (eh-trí-lji) sf ehtrilji/eh-trilje (eh-trí-lji) – (unã cu ihtrilji)

§ ehtrã (éh-trã) sf ehtri/ehtre (éh-tri) – (unã cu ehtrilji)

§ ihtripsescu (ih-trip-sés-cu) vb IV ihtripsii (ih-trip-síĭ), ihtripseam (ih-trip-seámŭ), ihtripsitã (ih-trip-sí-tã), ihtripsiri/ihtripsire (ih-trip-sí-ri) – lu-aurãscu pri cariva sh-nu-lj voi bunlu; u-aspun ura tsi u am trã cariva i tsiva; lj-portu zilj; ehtrevsescu, ehtripsescu, hãzmusescu, u duc zãti, u duc sheri, zilipsescu
{ro: duşmăni}
{fr: avoir de l’inimitié; envier}
{en: show enmity}

§ ihtripsit (ih-trip-sítŭ) adg ihtripsitã (ih-trip-sí-tã), ihtripsits (ih-trip-sítsĭ), ihtripsiti/ihtripsite (ih-trip-sí-ti) – atsel tsi easti aurãt i zilipsit di cariva tsi nu-lj va bunlu; ehtripsit, ehtrevsit, hãzmusit, zilipsit

T.Cunia Dictsiunar-a-Limbljei-Armãneascã         ma multu/ptsãn

yeazãchi/yeazãche

yeazãchi/yeazãche (yĭa-zắ-chi) sf yeazãchi (yĭa-zắchĭ) – andiri-sea tsi u-aducheashti tu sinea-a lui atsel cari ari faptã unã alatusi; arushinea tsi u-aducheashti omlu fatsã di-atsel a curi lj-ari faptã un lucru nibun; arushini, rushini, arshini, aipi
{ro: ruşine}
{fr: honte}
{en: shame}

§ yeazãcã (yĭa-zắ-cã) sf fãrã pl – (unã cu yeazãchi)

§ yeazãc (yĭa-zắcŭ) invar – (unã cu yeazãchi)
ex: yeazãc (arshini, amãrtii), yeazãc (arshini, amãrtii) di voi, giuname

§ eazãchi/eazãche (ĭa-zắ-chi) sf eazãchi (ĭa-zắchĭ) – (unã cu yeazãchi)
ex: eazãchi (arshini) s-tsã hibã!

§ eazãcã (ĭa-zắ-cã) sf fãrã pl – (unã cu yeazãchi)
ex: eazãcã di (arshini ti, amãrtii di) pãrintsãlj a lui; lj-vinji eazãcã (arshini, greu) cã lj-u dzãsi tu oaminj

§ eazãc (ĭa-zắcŭ) invar – (unã cu yeazãchi)

T.Cunia Dictsiunar-a-Limbljei-Armãneascã