cheaptini/cheaptine (chĭáp-ti-ni) sm cheaptsãnj (chĭáp-tsãnj) – hãlati (ca unã ploaci suptsãri di os, metal, plasticã cu dintsã di-unã parti), faptã maxus tri discãcearea-a hirilor di per din cap (cu cari perlu easti adunat shi faptu s-aspunã ndreptu); hãlati di metal cu dintsã (tsi sh-u-adutsi cu ploacea di ma nsus) cu cari s-discaci itsi soi di hiri; hãlati (ma multu la plural) cu cari s-discaci, s-dizmeasticã hirili (di lãnã) dit arãzboi (scamnu di-arãzboi); cheptini, chiptinici, zornã, zugranã, dzugranã, discãcitor, discãcior, gribã, griblã, glibã;
(expr:
1: cheaptinili-a cucotlui = unã parti cãrnoasã tsi u-ari cucotlu tu partea di nsus a caplui, di-aradã aroshi sh-cu dintsã ca un cheaptini; creasta-a cucotlui, cresã, giufcã);
2: cheaptini di tradziri = cheaptini di discãceari, di scãrminari (lãna);
3: intru tu cheaptsãnj = mi-acats s-dizmeastic, s-discaci lãna)
{ro: pieptene}
{fr: peigne, carde}
{en: comb, card}
ex: doi cãlugri s-trag di barbã (angucitoari: cheaptinli di lãnã); hartsa, fartsa, fãrã njilã (angucitoari: cheaptinli di lãnã); la cicioari-arãshcljitoari, dinãpoi poartã cusoari shi pri cap un cheaptini sh-ari (angucitoari: cucotlu); cari sh-ari barba, sh-ari sh-cheaptinili; cheaptini di fildish; cheaptinã-ti cu cheaptini di os; nu-nj dai cheaptinili?; s-trãdzem tu cheaptsãnj (scamnul di la-arãzboi); di cheaptsãnj ma s-plãndzi unã altã
§ cheptini/cheptine (chĭép-ti-ni) sm cheptsãnj (chĭép-tsãnj) – (unã cu cheaptini)
§ chiptinici (chip-ti-nícĭŭ) sn chipti-nici/chiptinice (chip-ti-ní-ci) – cheaptini njic
{ro: pieptene mic}
{fr: petite peigne}
{en: little comb}
§ chiptinar (chip-ti-nárŭ) sm chiptinari (chip-ti-nárĭ) – atsel tsi fatsi i vindi cheaptsãnj; atsel tsi cheaptinã (discaci, dizmeasticã) hirili di lãnã
{ro: pieptănar}
{fr: peigneur, cardeur}
{en: comb, carder}
§ cheaptin (chĭáp-tinŭ) (mi) vb I chiptinai (chip-ti-náĭ), chiptinam (chip-ti-námŭ), chiptinatã (chip-ti-ná-tã), chiptinari/chiptinare (chip-ti-ná-ri) – trec cu cheaptinili prit per tra s-lu-adun shi s-lu ndreg; dau cu cheaptsãnjlji tra s-dizmeastic hirili di lãnã
{ro: (se) pieptăna}
{fr: (se) peigner}
{en: comb}
ex: prindi s-ti cheaptsãnj (s-tsã ndredz perlu); mi chiptinai ninti ca s-mi duc la bisearicã; ma chiptina nveasta-atsea noaua
§ chiptinat (chip-ti-nátŭ) adg chiptinatã (chip-ti-ná-tã), chiptinats (chip-ti-nátsĭ), chiptinati/chiptinate (chip-ti-ná-ti) – tsi sh-ari tricutã cheaptinili prit per tra s-lu ndreagã
{ro: pieptănat}
{fr: peigné}
{en: combed}
§ chiptina-ri/chiptinare (chip-ti-ná-ri) sf chiptinãri (chip-ti-nắrĭ) – atsea tsi s-fatsi cãndu cariva s-cheaptinã
{ro: acţiunea de a (se) pieptăna; pieptănare}
{fr: action de (se) peigner}
{en: action of combing}
§ nichiptinat (ni-chip-ti-nátŭ) adg nichiptinatã (ni-chip-ti-ná-tã), nichiptinats (ni-chip-ti-nátsĭ), nichiptinati/nichiptinate (ni-chip-ti-ná-ti) – tsi nu sh-ari tricutã cheaptinili prit per tra s-lu cheaptinã; tsi nu easti chiptinat
{ro: nepieptănat}
{fr: qui n’est pas peigné}
{en: uncombed}
§ nichiptinari/nichiptinare (ni-chip-ti-ná-ri) sf nichiptinãri (ni-chip-ti-nắrĭ) – atsea tsi s-fatsi cãndu cariva nu s-cheaptinã
{ro: acţiunea de a nu (se) pieptăna; nepieptănare}
{fr: action de ne pas (se) peigner}
{en: action of not combing}
§ chiptinãturã (chip-ti-nã-tú-rã) sf chiptinãturi (chip-ti-nã-túrĭ) – soea cu cari easti ndreptu (adunat) perlu; atsea tsi-armãni (hiri, cuprii) dupã chiptinari; chiptinari
{ro: pieptănătură, coafură}
{fr: coiffure}
{en: coiffure, combings}
ex: nvitsai nã chiptinãturã mushatã
§ discheaptin (dis-chĭáp-tinŭ) (mi) vb I dischiptinai (dis-chip-ti-náĭ), dischiptinam (dis-chip-ti-námŭ), dischiptinatã (dis-chip-ti-ná-tã), dischiptinari/dischiptinare (dis-chip-ti-ná-ri) – fac perlu (cu cheaptini i fãrã cheaptini) s-nu mata hibã ndreptu sh-chiptinat cum eara nãinti; disfac (cu cheaptinili, aspargu) chiptinãtura-a perlui; ameastic hirili di per
{ro: despieptăna}
{fr: dépeigner}
{en: ruffle someone’s hair}
§ dischiptinat (dis-chip-ti-nátŭ) adg dischiptinatã (dis-chip-ti-ná-tã), dischiptinats (dis-chip-ti-nátsĭ), dischiptinati/dischiptinate (dis-chip-ti-ná-ti) – (per) tsi s-ari disfaptã; (chiptinãturã) tsi s-ari aspartã; (om) cu perlu amisticat
{ro: despieptănat}
{fr: dépeigné}
{en: ruffled (hair)}
§ dischiptinari/dischiptinare (dis-chip-ti-ná-ri) sf dischiptinãri (dis-chip-ti-nắrĭ) – atsea tsi s-fatsi cãndu cariva s-discheaptinã
{ro: acţiunea de a (se) despieptăna; despieptănare}
{fr: action de (se) dépeigner}
{en: action of ruffling someone’s hair}
ex: dischip-tinarea-a coadilor u aducheshti
