Dictsiunar

DICTSIUNAR XIYISITU ONLINE A LIMBÃLJEI ARMÃNEASCÃ
A B C D E F G H I J K L M N O P Q R S T U V W X Y Z

Dictsiunar: Tuti ; Zboarã: Di iutsido; (cama multi...)

cundiljedz

cundiljedz (cun-di-ljĭédzŭ) vb I – vedz tu cundilj

T.Cunia Dictsiunar-a-Limbãljei-Armãneascã vedz: cundilj

bueauã (bu-ĭá-ŭã) sf buei (bu-ĭéĭ) – hroma tsi u-aspuni un lucru (tsi poati si s-veadã dupã soea di lunjinã tsi cadi pi el); luguria cu cari s-vãpseashti un lucru tra s-lji s-alãxeascã hroma; luguria tsi-sh bagã muljerli pri fatsã i unglji tra s-aspunã ma mushati; hromã, vãfii, rengã, renghi; arushatsã, fcheasidi, mãzeauã, mãzii, ucnã;
(expr:
1: ca bueauã = taxirati, bileauã;
2: bueaua-a loclui = galbin;
3: bueauã di = mãratlu di; boi;
4: dau cu bueauã = buisescu, vãpsescu;
5: molj tu noauãdzatsinoauã di buei = bag dinãpoi, aurlu, arushinedz)
{ro: culoare, vopsea}
{fr: couleur, fard, teinture}
{en: color, face make-up, paint}
ex: es lilici cu buei; nu-i bunã bueaua cu cari buisim oauãli; cãlugreauã ca bueauã
(expr: mplinã di bileadz, di taxirãts); sh-deadi cu bueauã
(expr: s-vãpsi, sh-deadi cu fcheasidi, cu mãzeauã); ded bueauã a casãljei
(expr: vãpsii casa); tu noauãdzãtsinoauã di buei u mulje
(expr: u bãgã dinãpoi, u rizilipsi, u-arushinã); u, bueauã di ficior
(expr: u, mãratlu di ficior), muri; u, bueaua s-vã batã
(expr: s-cadã taxirãtsli, ghiderli pri voi)

§ boi2/boe (bó-i) sf boi (bóĭ) shi boiuri (bó-ĭurĭ) – (unã cu bueauã)
ex: pãdurea, cu boili (bueili) tuti s-chindiseashti; sh-adrã fatsa cu boi
(expr: sh-deadi cu fcheadisi); boiurli (bueili) cu cari da mururli; nj-adusi tata dit Vlãhii unã cutii cu boi (buei); boea-a loclui
(expr: galbin) s-featsi

§ buisescu (bu-i-sés-cu) (mi) vb IV buisii (bu-i-síĭ), buiseam (bu-i-seámŭ), buisitã (bu-i-sí-tã), buisiri/buisire (bu-i-sí-ri) – (cu-unã fãrci di buisiri icã cu asprucuchiri) acoapir fatsa-a unui lucru cu un petur di bueauã (azvesti); zugrãpsescu un lucru (tra s-lu fac ma mushat, s-lu stulsescu cu lilici, oaminj, etc.); dau cu bueauã un lucru (stizmã, pãndzã, etc.); vãpsescu, azvistusescu, chindrisescu, chindisescu, zugrãfsescu, zugrãpsescu, cundiljedz (fatsa, ocljilj);
(expr:
1: mi buisescu = jilescu;
2: l-buisescu = (i) lu rizilipsescu; (ii) l-curbisescu, l-stuhinedz, l-distihipsescu, etc.; (iii) lu-alas sh-fug, lu-apãrãtsescu)
{ro: colora, vopsi, picta}

{fr: colorer, colorier; teindre, peindre}
{en: color, dye, paint}
ex: buisii (li ded cu bueauã) stranjili; buisim oauãli ti Pahti; nu-ts buisea (nu tsi-lj da cu bueauã), lea, perlji ahãntu; sh-buiseashti perlu cu mãzii; buisim (azvistusim) tãvanea; l-buisirã
(expr: lu rizilipsirã) tu misu-hori; mi buisescu
(expr: jilescu); s-buisi
(expr: s-curbisi) multu mãrata; lu-avinarã pãnã-l buisirã
(expr: l-curbisirã)

§ buisit (bu-i-sítŭ) adg buisitã (bu-i-sí-tã), buisits (bu-i-sítsĭ), buisiti/buisite (bu-i-sí-ti) – tsi easti acupirit cu-un petur di bueauã; dat cu bueauã; vãpsit, azvistusit, chindrisit, chindisit, zugrãfsit, zugrãpsit, cundiljatã (fatsa, ocljilj)
{ro: colorat, vopsit, pictat}
{fr: coloré, colorié; teint, peint}
{en: colored, dyed, painted}
ex: buisea-ti
(expr: curbisea-ti), buisite
(expr: mãrate)!; iu ti dutseai, lea buisitã
(expr: lea mãratã, curbisitã); buisitã!
(expr: curbisitã!), nu vedz tsi s-fatsi?

§ buisi-ri/buisire (bu-i-sí-ri) sf buisiri (bu-i-sírĭ) – atsea tsi s-fatsi cãndu s-buiseashti tsiva i cariva; vãpsiri, azvistusiri, chindrisiri, chindisiri, zugrãfsiri, zugrãpsiri, cundiljari (fatsa, ocljilj)
{ro: acţiunea de a colora, de a vopsi, de a picta}
{fr: action de colorer, de colorier; de teindre, de peindre}
{en: action of coloring, of dyeing, of painting}

§ bueangi (bu-ĭan-gí) sm bueangeadz (bu-ĭan-gĭádzĭ) – omlu tsi buiseashti (multi ori stranji, tu-unã ducheani adratã maxus trã aestu lucru)
{ro: boiangiu}
{fr: teinturier}
{en: dyer}
ex: si nvãpsi la bueangeadzlji tuts
(expr: s-featsi rizili dinintea-a ntreagãljei lumi)

§ bueagi (bu-ĭa-gí) sm bueageadz (bu-ĭa-gĭádzĭ) – (unã cu bueangi)
ex: bueagilu nu nj-adusi ninga shiaclu

§ bugeai (bu-gĭáĭŭ) sm bugeai (bu-gĭáĭ) – (unã cu bueangi)
ex: va-nj mi tornu la bugeailu, stranjili ta si-nj lãescu

§ bueagilãchi (bu-ĭa-gi-lắ-chi) sf bueagilãchi (bu-ĭa-gi-lắchĭ) – ducheani iu s-buisescu lucri (stranji); tehnea, murafetea cu cari s-buisescu lucrili (stranjili)

T.Cunia Dictsiunar-a-Limbãljei-Armãneascã ma multu/ptsãn

chindisescu

chindisescu (chin-di-sés-cu) vb IV chindisii (chin-di-síĭ), chin-diseam (chin-di-seámŭ), chindisitã (chin-di-sí-tã), chindisiri/chin-disire (chin-di-sí-ri) –
1: stulsescu unã pãndzã (distimeli, arochi, cãmeashi, etc.) cu cusuturi fapti cu aclu shi hiri (di tuti bueili) cari-aspun lucri tsi arãsescu ocljilj (lilici, frãndzã, yimishi, pulj, etc.); vizuescu;
2: mushitsãscu un lucru cu buisirea-a lui; cundiljedz, chindrisescu, ncãrdzelj, stulsescu, mushutsãscu; (fig: chindisescu = amintu (pãradz); anchirdãsescu, ãnchirdãsescu, nchirdãsescu, chirdãsescu)
{ro: broda; vopsi}
{fr: broder; peindre}
{en: embroider; paint}
ex: chindisii unã mãndilã; chindisirã (buisirã) vatra; avea casa chindisitã (zugrãfsitã); chin-disea (ncãrdzilja) mushat pãrpodzli; pitritsea feata sã nveatsã la sculjo, sã mplãteascã shi s-chindiseascã; nj-chindisirã (fig: nj-amintarã, nji nchirdãsirã) tuts pãradzlji

§ chindisit (chin-di-sítŭ) adg chindisitã (chin-di-sí-tã), chindisits (chin-di-sítsĭ), chindisi-ti/chindisite (chin-di-sí-ti) – tsi easti stulsit cu cusãturi di ac i buei di lucri tsi arãsescu ocljilj; vizuit, cundiljat, chindrisit, ncãrdziljat, stulsit, mushutsãt
{ro: brodat, vopsit}
{fr: brodé, peint; bigarré, panaché}
{en: embroidered, painted}
ex: distimeli chindisitã, stri niori arucutitã (angucitoari: curcubeulu); voi oclji chindisits (buisits, cundiljats, scriats)

§ chindisiri/chindisire (chin-di-sí-ri) sf chindisiri (chin-di-sírĭ) – atsea tsi s-fatsi cãndu un lucru s-chindiseashti; vizuiri, cundiljari, chindrisiri, ncãrdzi-ljari, stulsiri, mushutsãri
{ro: acţiunea de a broda, de a vopsi}
{fr: action de broder, de peindre}
{en: action of embroidering, of painting}

§ nchindisescu (nchin-di-sés-cu) vb IV nchindisii (nchin-di-síĭ), nchindiseam (nchin-di-seámŭ), nchindisitã (nchin-di-sí-tã), nchindisiri/nchindisire (nchin-di-sí-ri) – (unã cu chindi-sescu)
ex: la colindi nchindisim (stulusim) culindarili; lji nchin-disim sufrãntsealili

§ nchindisit (nchin-di-sítŭ) adg nchindisitã (nchin-di-sí-tã), nchindisits (nchin-di-sítsĭ), nchindisiti/nchindisite (nchin-di-sí-ti) – (unã cu chindisit)

ex: muljari nchindisitã (cun-diljatã, buisitã tu fatsã); tsãsea unã chilimi nchindisitã; purta dulumã di vestu nchindisit (stulsit) cu flori di hrisosmã

§ nchin-disiri/nchindisire (nchin-di-sí-ri) sf nchindisiri (nchin-di-sírĭ) – (unã cu chindisiri)

§ chindisãturã (chin-di-sã-tú-rã) sf chin-disãturi (chin-di-sã-túrĭ) – cusutura faptã cu aclu sh-cu hiri di multi buei tra s-chindiseascã unã pãndzã (cãmeashi, gulir i mã-nits), cu lilici, pulj, etc.; chendimã, chindimã, chindinã, vãchii, oimã, benchi, birbilj
{ro: broderie}
{fr: broderie}
{en: lace}

§ chendimã (chĭén-di-mã) sf chindimati/chindimate (chin-dí-ma-ti) – (unã cu chindisãturã)

§ chindimã (chín-di-mã) sf chindimati/chindimate (chin-dí-ma-ti) – (unã cu chindisãturã)
ex: iu nvitsash tini chindima aestã?

§ chindinã (chin-dí-nã) sf chindini/chindine (chin-dí-ni) – (unã cu chindisãturã)

§ chin-drisescu (chin-dri-sés-cu) vb IV chindrisii (chin-dri-síĭ), chin-driseam (chin-dri-seámŭ), chindrisitã (chin-dri-sí-tã), chindrisi-ri/chindrisire (chin-dri-sí-ri) – (unã cu chindisescu)
ex: chindrisea (buisea, nvupsea) la portsã, alti undzea

§ chindrisit (chin-dri-sítŭ) adg chindrisitã (chin-dri-sí-tã), chindrisits (chin-dri-sítsĭ), chindrisiti/chindrisite (chin-dri-sí-ti) – (unã cu chindisit)
ex: cali lungã, chindrisitã (stulsitã, mushitsãtã, chindisitã) cu yeamãndzi; vãloagã chindrisitã (chindisitã) cu lilici; cãravi chindrisitã (zugrãfsitã); cu ocljul chindrisit (cundiljat)

§ chindrisiri/chindrisire (chin-dri-sí-ri) sf chindrisiri (chin-dri-sírĭ) – (unã cu chindisiri)

§ dischindisescu (dis-chin-di-sés-cu) vb IV dischindisii (dis-chin-di-síĭ), dischindiseam (dis-chin-di-seámŭ), dischindisitã (dis-chin-di-sí-tã), dischindisiri/dis-chindisire (dis-chin-di-sí-ri) – disfac (aspargu) chindisãtura tsi s-aflã pi-un lucru
{ro: desface (strica) broderia unui lucru}
{fr: défaire une broderie}
{en: undo, take apart an embroidery (lace)}
ex: chindisi pãrpodzli cu cardzelj shi li dischindisi deapoea cã nu lj-arãsi cum ishirã

§ dischindisit (dis-chin-di-sítŭ) adg dischindisitã (dis-chin-di-sí-tã), dischindisits (dis-chin-di-sítsĭ), dischindisiti/dischindisite (dis-chin-di-sí-ti) – lucru tsi-lj s-ari disfaptã (aspartã) chindisãtura
{ro: desfăcut (lucrul de broderie)}
{fr: défait (une broderie)}
{en: undone, taken apart (embroidery, lace)}

§ dischindisiri/dischindisire (dis-chin-di-sí-ri) sf dischindisiri (dis-chin-di-sírĭ) – atsea tsi s-fatsi cãndu s-dischindiseashti un lucru
{ro: acţiunea de a desface (strica) lucrul de broderie}
{fr: action de défaire une broderie}
{en: action of undoing, of taking apart an embroidery (lace)}

T.Cunia Dictsiunar-a-Limbãljei-Armãneascã ma multu/ptsãn

cundilj

cundilj (cun-díljĭŭ) sn cundilji/cundilje (cun-dí-lji) –
1: hãlati suptsãri shi lungã cu cari si ngrãpseashti (pi-acoalã, di-aradã, pri pinatsi, tu sculiili dit chirolu-atsel veclju);
2: hãlati suptsãri shi lungã tsi ari un suro di peri tu-un capit, cu cari s-zugrãpseashti cu bueauã un lucru (acoalã, pãndzã, lemnu, fatsa, ocljilj, etc.); peanã, apeanã; (fig: cundilj = (i) scriari; (ii) cundiljauã, ipugrãfii)
{ro: condei, creion, pensulă}
{fr: plume à écrire, pinceau}
{en: pen, paint brush}
ex: njic escu, drac escu, tutã lumea u zburãscu (angucitoari: cundiljlu); mut escu, nu grescu, cu tutã lumea zburãscu (angucitoari: cundiljlu); cãnd fet io, trei mi tsãn, sh-puljlj-a mei nãpoi nj-armãn (angucitoari: cundiljlu cu gramatili); cum nu s-aspuni cu cundiljlu; nveasta-lj scumpã shi mushatã, cu cundiljlu canda-adratã; nu-i cundiljlu-a lui (fig: ipugrãfia-a lui); ari bun cundilj (fig: scriari); ari cundilj (fig: scriari) mushat; nj-tricui cundiljlu (fig: ipugrãfia)

§ cundiljauã (cun-di-ljĭá-ŭã) sf cundiljei (cun-di-lĭéĭ) – numa-a omlui scriatã cu mãna-a lui tu-unã carti ca semnu cã-atseali aspusi tu carti suntu scriati (aspusi, pricunuscuti, shtiuti cã suntu) dealihea di el; cundilj, ipugrãfii
{ro: iscălitură}
{fr: signature}
{en: signature}
ex: nj-bãgai cundiljaua (ipugrãfia)

§ cundiljedz (cun-di-ljĭédzŭ) vb I cundiljai (cun-di-ljĭáĭ), cundiljam (cun-di-ljĭámŭ), cundiljatã (cun-di-ljĭá-tã), cundiljari/cundiljare (cun-di-ljĭá-ri) – ngrãpsescu i zugrãpsescu cu cundiljlu; dau cu cundiljlu; stulsescu, cundiljisescu, cundiljusescu
{ro: încondeia, desena}
{fr: dessiner un trait, consigner}
{en: draw (sketch or paint) with a pen (brush)}
ex: cundiljai (zugrãfsii) tutã frãndza aestã

§ cundiljat (cun-di-ljĭátŭ) adg cundiljatã (cun-di-ljĭá-tã), cundiljats (cun-di-ljĭátsĭ), cundiljati/cundiljate (cun-di-ljĭá-ti) – tsi easti ngrãpsit i zugrãpsit cu cundiljlu; tsi easti dat cu cundiljlu; stulsit, cundiljisit, cundiljusit;
(expr:
1: (ficior, featã) cundiljatã = (ficior, featã) gioni, livendu, mushat, etc. canda easti zugrãfsit;
2: dzeana cundiljatã = buisitã, scriatã;

3: nari cundiljatã = nari ndreaptã ca cundiljlu)
{ro: încondeiat, desenat}
{fr: dessiner un trait, consigner}
{en: draw (sketch or paint) with a pen (brush)}
ex: canda eara cundiljatã (zugrãfsitã), ahãtã mushuteatsã eara; frãntseali cundiljati (scriati, dati cu cundiljlu)

§ cundiljari/cundiljare (cun-di-ljĭá-ri) sf cundiljeri (cun-di-ljĭérĭ) – atsea tsi s-fatsi cãndu s-cundiljadzã tsiva; stulsiri, cundiljisiri, cundiljusiri
{ro: acţiunea de a încondeia, de a desena; încondeiere, desenare}
{fr: action de dessiner un trait, de consigner}
{en: action of drawing (of sketching or painting) with a pen (brush)}
ex: cundiljarea (zugrãpsirea cu cundiljlu)-a oauãlor ti Pashti

§ ncundilj (ncun-díljŭ) vb I ncundiljai (ncun-di-ljĭáĭ), ncundiljam (ncun-di-ljĭámŭ), ncundiljatã (ncun-di-ljĭá-tã), ncundiljari/ncundiljare (ncun-di-ljĭá-ri) – (unã cu cundiljedz)
ex: shtii si ncundilji (s-da cu cundiljlu) mushat; nji ncundilje (nji stulsi, pilichisi) culindarlu

§ ncun-diljat (ncun-di-ljĭátŭ) adg ncundiljatã (ncun-di-ljĭá-tã), ncun-diljats (ncun-di-ljĭátsĭ), ncundiljati/ncundiljate (ncun-di-ljĭá-ti) – (unã cu cundiljat)

§ ncundiljari/ncundiljare (ncun-di-ljĭá-ri) sf ncundiljeri (ncun-di-ljĭérĭ) – (unã cu cundiljari)

§ cundiljisescu (cun-di-lji-sés-cu) vb IV cundiljisii (cun-di-lji-síĭ), cundiljiseam (cun-di-lji-seámŭ), cundiljisitã (cun-di-lji-sí-tã), cundiljisiri/cundiljisire (cun-di-lji-sí-ri) – (unã cu cundiljedz)

§ cundiljisit (cun-di-lji-sítŭ) adg cundiljisitã (cun-di-lji-sí-tã), cundiljisits (cun-di-lji-sítsĭ), cundiljisiti/cundiljisite (cun-di-lji-sí-ti) – (unã cu cundiljat)

§ cundiljisiri/cundiljisire (cun-di-lji-sí-ri) sf cundiljisiri (cun-di-lji-sírĭ) – (unã cu cundiljari)

§ cundiljusescu (cun-di-ljĭu-sés-cu) vb IV cundiljusii (cun-di-ljĭu-síĭ), cundiljuseam (cun-di-ljĭu-seámŭ), cundiljusitã (cun-di-ljĭu-sí-tã), cundiljusiri/cundiljusire (cun-di-ljĭu-sí-ri) – (unã cu cundiljedz)

§ cundiljusit (cun-di-ljĭu-sítŭ) adg cundiljusitã (cun-di-ljĭu-sí-tã), cundiljusits (cun-di-ljĭu-sítsĭ), cundiljusiti/cun-diljusite (cun-di-ljĭu-sí-ti) – (unã cu cundiljat)

§ cundiljusi-ri/cundiljusire (cun-di-ljĭu-sí-ri) sf cundiljusiri (cun-di-ljĭu-sírĭ) – (unã cu cundiljari)

T.Cunia Dictsiunar-a-Limbãljei-Armãneascã ma multu/ptsãn

ngrãpsescu

ngrãpsescu (ngrãp-sés-cu) (mi) vb IV ngrãpsii (ngrãp-síĭ), ngrãp-seam (ngrãp-seámŭ), ngrãpsitã (ngrãp-sí-tã), ngrãpsiri/ngrãpsire (ngrãp-sí-ri) – bag seamni (gramati) pi unã acoalã tra s-aspun (pã-rãstisescu) bots (zboarã shi minduiri); nj-bag numa tu un catalog, tifteri, tu unã aradã di numi (ca, bunãoarã, tra s-mi duc la unã sculii, univirsitati); grãpsescu, scriu, ascriu, scriescu, scriir; (fig: ngrãpsescu = bag bueauã (cundiljedz ocljilj), mushutsãscu, stulsescu, zugrãfsescu, cundiljedz)
{ro: scrie}
{fr: écrire}
{en: write}
ex: lj-am ngrãpsitã dauã cãrtsã

§ ngrãpsit (ngrãp-sítŭ) adg ngrãpsitã (ngrãp-sí-tã), ngrãpsits (ngrãp-sítsĭ), ngrãpsiti/ngrãpsite (ngrãp-sí-ti) – tsi ari seamni (gramati) bãgati pi unã acoalã tra s-aspunã (pãrãstiseascã) bots (zboarã shi minduiri); tsi sh-ari bãgatã numa tu un catalog (tifteri, tu unã aradã di numi tra si s-ducã la unã sculii, univirsitati, etc.); grãpsit, scriat, ascriat, scrit, scriirat
{ro: scriat}
{fr: écrit}
{en: written}

§ ngrãpsiri/ngrãpsire (ngrãp-sí-ri) sf ngrãpsiri (ngrãp-sírĭ) – atsea tsi s-fatsi cãndu si scrii tsiva; grãpsiri, scriari, ascriari, scriri, scriirari; seamnili (zboarãli) tsi suntu scriati pri acoalã; scriiturã, scrieturã; fig: mushutsãri, stulsiri, zugrãfsiri, cundiljari
{ro: acţiunea de a scrie; scriere}
{fr: action d’écrire; écriture}
{en: action of writing; writing}
ex: ngrãpsirea nu u ari mushatã

§ grãpsescu (grãp-sés-cu) (mi) vb IV grãpsii (grãp-síĭ), grãpseam (grãp-seámŭ), grãpsitã (grãp-sí-tã), grãpsiri/grãpsire (grãp-sí-ri) – (unã cu ngrãpsescu)
ex: lj-grãpsii tra s-yinã s-lu veadã tatã-su

§ grãpsit (grãp-sítŭ) adg grãpsitã (grãp-sí-tã), grãpsits (grãp-sítsĭ), grãpsiti/grãpsite (grãp-sí-ti) – (unã cu ngrãpsit)
ex: avea un oclju lai grãpsit (fig: cundiljat, zugrãfsit)

§ grãpsiri/grãpsire (grãp-sí-ri) sf grãpsiri (grãp-sírĭ) – (unã cu ngrãpsiri)

T.Cunia Dictsiunar-a-Limbãljei-Armãneascã

scriu1

scriu1 (scríŭ) (mi) vb I scriai (scri-ĭáĭ) shi scrish (scríshĭŭ), scriam (scri-ámŭ), scriatã (scri-ĭá-tã) shi scrisã (scrí-sã), scriari/scriare (scri-ĭá-ri) – bag seamni (gramati) pi unã acoalã tra s-aspun (s-pãrãstisescu) cu eali bots (zboarã shi minduiri); nj-bag numa tu un catalog (tifteri, tu unã aradã di numi tra s-mi duc la unã sculii, univirsitati, ascheri, etc.); ascriu, nscriu, scriescu, scriir, ngrãpsescu, grãpsescu; (fig: scriu = bag bueauã (cundiljedz ocljilj), mushutsãscu, stulsescu, zugrãfsescu, cundiljedz)
{ro: scrie}
{fr: écrire}
{en: write}
ex: scriat (ngrãpsit) acasã?; ca s-nji scriu (ngrãpsescu) nã lai carti; scrii tutã noaptea; lu scriarã tu oasti (lji ngrãpsirã numa tu-unã tifteri, catalog, tra si s-facã ustash); scriam gionili tu nizami

§ scriat1 (scri-ĭátŭ) adg scriatã (scri-ĭá-tã), scriats (scri-ĭátsĭ), scriati/scriate (scri-ĭá-ti) – tsi ari seamni (gramati) bãgati pi unã acoalã tra s-aspunã (pãrãstiseascã) bots (zboarã shi minduiri); tsi sh-ari bãgatã numa tu un catalog (tifteri, tu unã aradã cu numili-a atsilor tsi vor si s-ducã la unã sculii, univirsitati, etc.); ascriat, nscriat, scrit, scriirat, ngrãpsit, grãpsit
{ro: scriat}
{fr: écrit}
{en: writen}
ex: carti scriatã (ngrãpsitã) di el; numtarlji atselj scriats (fig: mushats, livendzã); featã scriatã (fig: multu mushatã); aleptsãlj shi scriatslji (fig: mushatslji, livendzãlj); tricurã gionjlji scriats cu cundiljlu (fig: mushats ca atselj tsi furã cundiljats, zugrãfsits); grangheadzlji scriats ca cumits; cheaptsãnj scriats (fig: stulsits, mushutsãts, zugrãfsits) di tuti lilicili; Murichea-atsea pirifanã shi Faglu-atsel scriatlu (fig: livendu, fanumin); canda easti scriatã cu cundiljlu (fig: easti multu mushatã)

§ scris1 (scrísŭ) adg scrisã (scrí-sã), scrish (scríshĭ), scrisi/scrise (scrí-si) – (unã cu scriat1)

§ scriari1/scriare (scri-ĭá-ri) sf scrieri (scri-ĭérĭ) – atsea tsi s-fatsi cãndu si scrii tsiva; ascriari, nscriari, scriri, scriirari, ngrãpsiri, grãpsiri; seamnili (zboarãli) tsi suntu scriati pri acoalã; scriiturã, scrieturã
{ro: acţiunea de a scrie; scriere}
{fr: action d’écrire; écriture}
{en: action of writing; writing}

ex: cãmpul albu, oili lãi, niscãnti ca pulj, alti ca gãi, cari li mutreashti nu li-anguceashti, mash cai li pashti, atsel li cunoashti (angucitoari: scriarea, scriitura)

§ ascriu (as-críŭ) vb I ascriai (as-cri-ĭáĭ) shi ascrish (as-críshĭŭ), ascriam (as-cri-ámŭ), ascriatã (as-cri-ĭá-tã) shi ascrisã (as-crí-sã), ascriari/as-criare (as-cri-ĭá-ri) – (unã cu scriu1)
ex: ascrii-lj (ngrãpsea-lj) nica unãoarã

§ ascriat (as-cri-ĭátŭ) adg ascriatã (as-cri-ĭá-tã), ascriats (as-cri-ĭátsĭ), ascriati/ascriate (as-cri-ĭá-ti) – (unã cu scriat1)
ex: canda-i cu cundiljlu ascriatã (fig: ngrãpsitã, zugrãfsitã, mushutsãtã)

§ ascriari/ascriare (as-cri-ĭá-ri) sf ascrieri (as-cri-ĭérĭ) – (unã cu scriari1)

§ nscriu (nscríŭ) (mi) vb I nscriai (nscri-ĭáĭ), nscriam (nscri-ĭámŭ), nscriatã (nscri-ĭá-tã), nscria-ri/nscriare (nscri-ĭá-ri) – (unã cu scriu1)
ex: nscriai (cundiljai) yinghits oauã

§ nscriat (nscri-ĭátŭ) adg nscriatã (nscri-ĭá-tã), nscriats (nscri-ĭátsĭ), nscriati/nscriate (nscri-ĭá-ti) – (unã cu scriat1)
ex: eara mushatã cãndu eara nscriatã cu cundiljlu

§ nscriari/nscriare (nscri-ĭá-ri) sf nscrieri (nscri-ĭérĭ) – (unã cu scriari1)

§ scriitor (scri-i-tórŭ) sm, sf, adg scriitoari/scriitoare (scri-i-tŭá-ri), scriitori (scri-i-tórĭ), scriitoari/scriitoare (scri-i-tŭá-ri) – un tsi scrii; un tsi tsãni cãrtsãli sh-isãchili; un tsi ngrãpseashti cãrtsã (biblii, puizii, isturii)
{ro: scriitor, contabil}
{fr: écrivain, contable}
{en: writer, accountant}
ex: eara scriitor la unã cumpanii

§ scriir (scrí-irŭ) vb I scriirai (scri-i-raĭ), scriiram (scri-i-rámŭ), scriiratã (scri-i-rá-tã), scriirari/scriirare (scri-i-ra-ri) – (unã cu scriu1)
ex: mini scriir (scriu) la tini; shi lã scriirã (scrie) ashitsi; scriirãrã (scriarã) al Dumnidzã; nãsã-nj scriirã (ngrãpsi) cãrtsili tsi li pitricu Pitesti

§ scriirat (scri-i-rátŭ) adg scriiratã (scri-i-rá-tã), scriirats (scri-i-rátsĭ), scriirati/scriirate (scri-i-rá-ti) – (unã cu scriat1)
ex: ca cum s-aflã scriiratã (scriatã)

§ scriirari/scriirare (scri-i-rá-ri) sf scriirãri (scri-i-rắrĭ) – (unã cu scriari1)
ex: scriirãri (scrieri) shi zboarã a Hristolui

§ scriescu (scri-ĭés-cu) vb IV scrii (scríĭŭ), scriam (scri-ĭámŭ), scritã (scrí-tã), scriri/scrire (scrí-ri) – (unã cu scriu1)
ex: sã-nj scriescu dauã grami (gramati)

§ scrit (scrítŭ) adg scritã (scrí-tã), scrits (scrítsĭ), scriti/scrite (scrí-ti) – (unã cu scriat1)

§ scriri/scrire (scrí-ri) sf scriri (scrírĭ) – (unã cu scriari1)

§ scriptu (scríp-tu) adg scriptã (scríp-tã), scriptsã (scríp-tsã), scripti/scripte (scríp-ti) – (unã cu scriat1)

§ scriturã (scri-tú-rã) sf scrituri (scri-túrĭ) – zboari scriati (pi-unã acoalã); zboarã scriati (pi-unã carti) sh-pitricuti cu om (cu poshta) la cariva tra sã-lj si da hãbãri; acoala pri cari suntu scriati aesti zboarã; carti, scriitoari, pistulii
{ro: scriere, scrisoare}
{fr: écriture, lettre}
{en: writing, letter}
ex: s-lj-aleg scritura (cartea, zboarãli) scumpã

§ scriitoari/scriitoare (scri-i-tŭá-ri) sf scriitoari/scriitoare (scri-i-tŭá-ri) – (unã cu scriturã)

§ scriiturã1 (scri-i-tú-rã) sf scriituri (scri-i-túrĭ) – seamnili (botsli, zboarãli) scriati pri unã acoalã; scrieturã, scriari
{ro: scriptură, scriere}
{fr: écriture}
{en: writing}

§ scrieturã1 (scri-ĭe-tú-rã) sf scrieturi (scri-ĭe-túrĭ) – (unã cu scriiturã1)

T.Cunia Dictsiunar-a-Limbãljei-Armãneascã ma multu/ptsãn

sufrãmtseauã

sufrãmtseauã (su-frãm-tseá-ŭã) sf sufrãmtseali/sufrãmtseale (su-frãm-tseá-li) – perlu di sum frãmti criscut niheamã ma nsus di oclju (tra s-nu-alasã sudoarea di pi frãmti s-cadã tu oclju); dzeanã, frãntseauã, frãmtseauã, sufrãntseauã, sufrãndzeauã, sufrãndzeanã, sfrãmtseauã, sfrãntseauã, sprindzeanã;
(expr: sufrãmtseali mbinati = sufrãmtseali ligati unã di-altã)
{ro: sprânceană}
{fr: cil, sourcils}
{en: eyebrow}
ex: nj-arshu ti dauãli sufrãmtseali

§ sufrãntseauã (su-frãn-tseá-ŭã) sf sufrãntseali/sufrãntseale (su-frãn-tseá-li) – (unã cu sufrãmtseauã)
ex: avea nã sufrãntseauã lai sh-mari; scula sufrãntsealili shi dzeanili di oclji, ca s-ti mutreascã!; soare, sufrãntseali
(expr: mushate!), agiutã-nj nãheamã, cã nu pot s-mi scol

§ sufrãndzeauã (su-frãn-dzeá-ŭã) sf sufrãn-dzeali/sufrãndzeale (su-frãn-dzeá-li) – (unã cu sufrãmtseauã)

§ sufrãndzeanã (su-frãn-dzeá-nã) sf sufrãndzeani/sufrãndzeane (su-frãn-dzeá-ni) – (unã cu sufrãmtseauã)

§ sprindzeanã (sprin-dzeá-nã) sf sprindzeani/sprindzeane (sprin-dzeá-ni) – (unã cu sufrãmtseauã)

§ sfrãmtseauã (sfrãm-tseá-ŭã) sf sfrãmtsea-li/sfrãmtseale (sfrãm-tseá-li) – (unã cu sufrãmtseauã)

§ sfrãntseauã (sfrãn-tseá-ŭã) sf sfrãntseali/sfrãntseale (sfrãn-tseá-li) – (unã cu sufrãmtseauã)

§ frãmtseauã (frãm-tseá-ŭã) sf frãmtseali/frãmtseale (frãm-tseá-li) – (unã cu sufrãmtseauã)
ex: mutã frãmtsealili nsus; pri frãmtseaua-lj di gãitani; cu frãmtseaua ca cundiljlju; oclji niurosh sum frãmtsealili mãri

§ frãntseauã (frãn-tseá-ŭã) sf frãntseali/frãntseale (frãn-tseá-li) – (unã cu sufrãmtseauã)
ex: vedz frãntseaua-nj misticatã; mori, frãntseali cundiljati

§ nsufrãnsescu (nsu-frãn-sés-cu) (mi) vb IV nsufrãnsii (nsu-frãn-síĭ), nsufrãnseam (nsu-frãn-seámŭ), nsufrãnsitã (nsu-frãn-sí-tã), nsufrãnsiri/nsufrãnsire (nsu-frãn-sí-ri) – nj-fac sufrãntsealili cu bueauã lai; nji ncundiljedz sufrãmtseauã; sufrãnsescu, nsufrusescu, sufrusescu

{ro: înegri sprâncenile}
{fr: noircir les cil ou les sourcils}
{en: paint eyebrows with black}
ex: sh-sufrãnsirã shi si ndreapsirã la hãmami

§ nsufrãnsit (nsu-frãn-sítŭ) adg nsufrãnsitã (nsu-frãn-sí-tã), nsufrãnsits (nsu-frãn-sítsĭ), nsufrãnsiti/nsufrãnsite (nsu-frãn-sí-ti) – tsi ari sufrãntsealili lãiti cu bueauã; nsufrãnsit, sufrusit, sufrusit
{ro: înegrit (sprâncene)}
{fr: noircies (cils ou sourcils)}
{en: painted (eyebrows)}
ex: vinji cu sufrãnsiti sfrãntseali

§ nsufrãnsiri/nsufrãnsire (nsu-frãn-sí-ri) sf nsufrãnsiri (nsu-frãn-sírĭ) – atsea tsi fatsi atsel tsi-sh buiseashti cu lai sufrãntsealili; nsufrãnsiri, sufrusiri, sufrusiri
{ro: acţiunea de a înegri sprâncenile}
{fr: action de noircir les cil ou les sourcils}
{en: action of painting eyebrows with black}

§ sufrãnsescu (su-frãn-sés-cu) (mi) vb IV sufrãnsii (su-frãn-síĭ), sufrãnseam (su-frãn-seámŭ), sufrãnsitã (su-frãn-sí-tã), sufrãnsiri/sufrãnsire (su-frãn-sí-ri) – (unã cu nsufrãnsescu)

§ sufrãnsit (su-frãn-sítŭ) adg sufrãnsitã (su-frãn-sí-tã), sufrãnsits (su-frãn-sítsĭ), sufrãnsi-ti/sufrãnsite (su-frãn-sí-ti) – (unã cu nsufrãnsit)

§ sufrãnsi-ri/sufrãnsire (su-frãn-sí-ri) sf sufrãnsiri (su-frãn-sírĭ) – (unã cu nsufrãnsiri)

§ nsufrusescu2 (nsu-fru-sés-cu) (mi) vb IV nsufrusii (nsu-fru-síĭ), nsufruseam (nsu-fru-seámŭ), nsufrusitã (nsu-fru-sí-tã), nsufrusiri/nsufrusire (nsu-fru-sí-ri) – (unã cu nsufrãnsescu)
ex: si nsufrusirã (sh-cundiljarã sufrãntsealili) tri numta-a frati-sui

§ nsufrusit2 (nsu-fru-sítŭ) adg nsufrusitã (nsu-fru-sí-tã), nsufrusits (nsu-fru-sítsĭ), nsufrusiti/nsufrusite (nsu-fru-sí-ti) – (unã cu nsufrãnsit)

§ nsufrusiri2/nsufrusire (nsu-fru-sí-ri) sf nsufrusiri (nsu-fru-sírĭ) – (unã cu nsufrãnsiri)

§ sufrusescu2 (su-fru-sés-cu) (mi) vb IV sufrusii (su-fru-síĭ), sufruseam (su-fru-seámŭ), sufrusitã (su-fru-sí-tã), sufrusi-ri/sufrusire (su-fru-sí-ri) – (unã cu nsufrãnsescu)

§ sufrusit2 (su-fru-sítŭ) adg sufrusitã (su-fru-sí-tã), sufrusits (su-fru-sítsĭ), sufrusiti/sufrusite (su-fru-sí-ti) – (unã cu nsufrãnsit)
ex: avea sufrãntsealili lãi sh-mãri, canda eara sufrusiti (ncundiljati)

§ sufrusiri2/sufrusire (su-fru-sí-ri) sf sufrusiri (su-fru-sírĭ) – (unã cu nsufrãnsiri)

T.Cunia Dictsiunar-a-Limbãljei-Armãneascã ma multu/ptsãn

vãfii/vãfie

vãfii/vãfie (vã-fí-i) sf vãfii (vã-fíĭ) – hroma tsi u-aspuni un lucru; luguria cu cari s-buiseashti un lucru tra s-lj-alãxeascã hroma; hromã, bueauã, rengã, renghi;
(expr: ãlj bag vãfia = lu-alas sh-fug, lu-apãrãtsescu)
{ro: culoare, vopsea}
{fr: couleur, teinture, teinte}
{en: color, paint}
ex: bagã-lj vãfia
(expr: apãrãtsea-u sh-fudz)

§ vãpsescu (vãp-sés-cu) (mi) vb IV vãpsii (vãp-síĭ), vãpseam (vãp-seámŭ), vãpsitã (vãp-sí-tã), vãpsiri/vãpsire (vãp-sí-ri) – acoapir fatsa-a unui lucru cu un petur di vãfii (azvesti); zugrãpsescu un lucru (tra s-lu fac ma mushat, s-lu stulsescu cu lilici, oaminj, etc.); buisescu, azvistusescu, chindrisescu, chindisescu, zugrãfsescu, zugrãpsescu, cundiljedz (fatsa, ocljilj);
(expr:
1: l-vãpsescu = (i) lj-adar un ahãntu mari arãu (dureari, cripari, etc.) cã-lj fac bana greauã; lji nvirinedz bana cu-atseali tsi-l fac s-patã; l-curbisescu, l-stuhinedz, etc.); (ii) nj-arãd di el, l-rizilipsescu; (iii) alasã-l s-fugã, s-lu lja neclu!;
2: cu bishinj nu s-vãpsescu oauãli = ma s-nu-ai tuti-atseali tsi tsã lipsescu, nu va pots s-lu fats un lucru)
{ro: colora, vopsi, picta}
{fr: colorer, colorier; teindre, peindre}
{en: color, dye, paint}
ex: nveasta vãpsi (buisi) lãna; vãpsim (buisim) vilendzã; vãpseashti ghini bueagilu iu ded shiaclu; stizmili suntu vãpsiti lãi, c-acshi vru muma ma ghini; vãpsea-l!
(expr: alasã-l s-fugã, s-lu lja neclu!)

§ vãpsit (vãp-sítŭ) adg vãpsitã (vãp-sí-tã), vãpsits (vãp-sítsĭ), vãpsi-ti/vãpsite (vãp-sí-ti) – tsi easti acupirit cu-un petur di bueauã; dat cu bueauã; buisit, azvistusit, chindrisit, chindisit, zugrãfsit, zugrãpsit, cundiljat
{ro: colorat, vopsit, pictat}
{fr: coloré, colorié; teint, peint}
{en: colored, dyed, painted}
ex: lãpudzli suntu vãpsiti (buisiti); vãpsita
(expr: mãrata) mumã!; chirdu vãpsitlu-lj
(expr: curbisitlu-lj di) tatã; ascultã vãpsitlu
(expr: nvirinatlu) grai a meu; un vãpsit
(expr: curbisit) di yis tsi-nj vidzui asarnoaptea; yisili vãpsiti

(expr: pisusiti, stuhinati); nu shi shtea lailu sh-vãpsitlu
(expr: mãratlu)

§ vãpsiri/vãpsire (vãp-sí-ri) sf vãpsiri (vãp-sírĭ) – atsea tsi s-fatsi cãndu s-vãpseashti tsiva i cariva; buisiri, azvis-tusiri, chindrisiri, chindisiri, zugrãfsiri, zugrãpsiri, cundiljari (fatsa, ocljilj)
{ro: acţiunea de a colora, de a vopsi, de a picta}
{fr: action de colorer, de colorier; de teindre, de peindre}
{en: action of coloring, of dyeing, of painting}

§ dizvãpsescu (diz-vãp-sés-cu) (mi) vb IV dizvãpsii (diz-vãp-síĭ), dizvãpseam (diz-vãp-seámŭ), dizvãpsitã (diz-vãp-sí-tã), dizvãpsiri/dizvãpsire (diz-vãp-sí-ri) – scot (ljau, ashtergu, cher, etc.) peturlu di vãfii (azvesti) tsi acoapirã fatsa-a unui lucru
{ro: descolora}
{fr: décolorer}
{en: discolor}
ex: s-dizvãpsi (alghi) di soari; dizvãpsii oda cu cãlcheri

§ dizvãpsit (diz-vãp-sítŭ) adg dizvãpsitã (diz-vãp-sí-tã), dizvãpsits (diz-vãp-sítsĭ), dizvãpsiti/dizvãpsite (diz-vãp-sí-ti) – ts-lj s-ari scoasã (loatã, ashtearsã, tsi ari ishitã, chirutã, etc.) peturlu di vãfii (azvesti) tsi lj-acoapirã fatsa
{ro: descolorat}
{fr: décoloré}
{en: discolored}

§ dizvãpsiri/dizvãpsire (diz-vãp-sí-ri) sf dizvãpsiri (diz-vãp-sírĭ) – atsea tsi s-fatsi cãndu un lucru s-dizvãpseashti
{ro: acţiunea de a descolora}
{fr: action de décolorer}
{en: action of discoloring}

§ vãpsiturã (vãp-si-tú-rã) sf vãpsituri (vãp-si-túrĭ) – lucru tsi easti buisit, atsea tsi s-fatsi cãndu s-vãpseashti tsiva
{ro: colorare, obiect colorat}
{fr: coloration, objet coloré}
{en: painting, object painted}

§ vapsu (váp-su) adg vapsã (váp-sã), vapshi (váp-shi), vapsi/vapse (váp-si) – tsi s-aflã tu-unã halã greauã (di jali, di dureari, di mãri cripãri, etc.); tsi sh-ari aspartã bana; nvapsu, vãpsit, corbusit, curbisit, stuhinat, distihipsit, distihisit, lupusit, chisusit, hãndãcusit, lãit, pisusit, cãtran, chicutã, buisit, mãrat, boi, etc.
{ro: sombru, cătrănit, nenorocit}
{fr: sombre, habillé au noir, infortuné, malheureux}
{en: gloomy, dressed in black, unhappy, wretched}
ex: nu lj-es dit vapsa (curbisita)-lj minti urãtili idei

§ nvapsu (nváp-su) adg nvapsã (nváp-sã), nvapshi (nváp-shi), nvapsi/nvapse (nváp-si) – (unã cu vapsu)

§ ãnvapsu (ãn-váp-su) adg ãnvapsã (ãn-váp-sã), ãnvapshi (ãn-váp-shi), ãnvapsi/ãnvapse (ãn-váp-si) – (unã cu vapsu)

§ nvupsit (nvup-sítŭ) adg nvupsitã (nvup-sí-tã), nvupsits (nvup-sítsĭ), nvupsiti/nvupsite (nvup-sí-ti) – (unã cu vapsu)
ex: doi tu lãili nvupsits (alãxits tu stranji lãi)

§ ãnvupsit (ãn-vup-sítŭ) adg ãnvupsitã (ãn-vup-sí-tã), ãnvupsits (ãn-vup-sítsĭ), ãnvupsiti/ãnvupsite (ãn-vup-sí-ti) – (unã cu vapsu)

T.Cunia Dictsiunar-a-Limbãljei-Armãneascã ma multu/ptsãn

zugraf

zugraf (zu-gráfŭ) sm zugrahi (zu-gráhĭ) shi zugrafanj (zu-grá-fanjĭ) – omlu tsi azvistuseashti stizmili di casã; omlu tsi acoapirã un lucru cu-un petur di bueauã; omlu tsi ncundiljadzã lucri (casi, oaminj, ponj, prãvdzã, etc.) pi unã fatsã (stizmã, lemnu, pãndzã, etc.)
{ro: zugrav, vopsitor, pictor}
{fr: peintre}
{en: painter}
ex: zugraflu vinji cu doi ficiori shi s-acãtsã di lucru

§ zugrã-fii/zugrãfie (zu-grã-fí-i) sf zugrãfii (zu-grã-fíĭ) – tehnea-a zugraflui; lucrul tsi-l fatsi zugraflu; atsea tsi easi dit mãna-a zugraflui
{ro: zugrăveală}
{fr: peinture}
{en: painting}
ex: zugrãfia easti nã mãsturilji mushatã

§ zugrãfsescu (zu-grãf-sés-cu) vb IV zugrãfsii (zu-grãf-síĭ), zugrãfseam (zu-grãf-seámŭ), zugrãfsitã (zu-grãf-sí-tã), zugrãfsiri/zugrãfsire (zu-grãf-sí-ri) – azvistusescu unã stizmã di casã; acoapir un lucru cu-un petur di bueauã; ncun-diljedz lucri (casi, oaminj, ponj, prãvdzã, etc.) pi unã fatsã (stizmã, lemnu, pãndzã, etc.); zugrãpsescu, buisescu, vãpsescu, azvistusescu, chindrisescu, chindisescu, cundiljedz (fatsa, ocljilj); (fig: zugrãfsescu = caftu s-aspun cu gura shi zborlu cum easti un lucru)
{ro: zugrăvi, vopsi, picta}
{fr: peinturer}
{en: paint}

§ zugrãfsit (zu-grãf-sítŭ) adg zugrãfsitã (zu-grãf-sí-tã), zugrãfsits (zu-grãf-sítsĭ), zugrãfsiti/zugrãfsite (zu-grãf-sí-ti) – tsi easti dat cu bueauã; tsi easti ncundiljat; zugrãpsit, buisit, vãpsit, azvistusit, chindrisit, chindisit, cundiljat (fatsa, ocljilj)
{ro: zugrăvit, vopsit, pictat}
{fr: peinturé}
{en: painted}

§ zugrãfsiri/zugrãfsire (zu-grãf-sí-ri) sf zugrãfsiri (zu-grãf-sírĭ) – atsea tsi s-fatsi cãndu s-zugrãfseashti tsiva; zugrãpsiri, buisiri, vãpsiri, azvistusiri, chindrisiri, chindisiri, cundiljari (fatsa, ocljilj)
{ro: acţiunea de a zugrăvi, de a vopsi, de a picta; zugrăvire, vopsire, pictare}
{fr: action de peinturer}
{en: action of painting}

§ zugrãpsescu (zu-grãp-sés-cu) vb IV zugrãpsii (zu-grãp-síĭ), zugrãpseam (zu-grãp-seámŭ), zugrãpsitã (zu-grãp-sí-tã), zugrãpsiri/zugrãpsire (zu-grãp-sí-ri) – (unã cu zugrãfsescu)
ex: nu pot s-lji zugrãpsescu

§ zugrãpsit (zu-grãp-sítŭ) adg zugrãpsitã (zu-grãp-sí-tã), zugrãpsits (zu-grãp-sítsĭ), zugrãpsiti/zugrãpsite (zu-grãp-sí-ti) – (unã cu zugrãfsit)
ex: pãrea un anghil zugrãpsit

§ zugrãpsiri/zu-grãpsire (zu-grãp-sí-ri) sf zugrãpsiri (zu-grãp-sírĭ) – (unã cu zugrãfsiri)

§ zugrãvsescu (zu-grãv-sés-cu) vb IV zugrãvsii (zu-grãv-síĭ), zugrãvseam (zu-grãv-seámŭ), zugrãvsitã (zu-grãv-sí-tã), zugrãvsiri/zugrãvsire (zu-grãv-sí-ri) – (unã cu zugrãfsescu)

§ zugrãvsit (zu-grãv-sítŭ) adg zugrãvsitã (zu-grãv-sí-tã), zugrãvsits (zu-grãv-sítsĭ), zugrãvsiti/zugrãvsite (zu-grãv-sí-ti) – (unã cu zugrãfsit)

§ zugrãvsiri/zugrãvsire (zu-grãv-sí-ri) sf zugrãvsiri (zu-grãv-sírĭ) – (unã cu zugrãfsiri)

§ zugrãfescu (zu-grã-fés-cu) vb IV zugrãfii (zu-grã-fíĭ), zugrãfeam (zu-grã-feámŭ), zugrãfitã (zu-grã-fí-tã), zugrãfiri/zugrãfire (zu-grã-fí-ri) – (unã cu zugrãfsescu)
ex: puitim cu un zugraf s-nã zugrãfeascã bisearica cu-unã njilji di liri

§ zugrãfit (zu-grã-fítŭ) adg zugrãfitã (zu-grã-fí-tã), zugrãfits (zu-grã-fítsĭ), zugrãfiti/zugrãfite (zu-grã-fí-ti) – (unã cu zugrãfsit)
ex: easti zugrãfitã bisearica fãrã cusuri

§ zugrãfiri/zugrãfire (zu-grã-fí-ri) sf zugrãfiri (zu-grã-fírĭ) – (unã cu zugrãfsiri)
ex: l-adrã nã mushatã zugrãfiri

§ zugrãfisescu (zu-grã-fi-sés-cu) vb IV zugrãfisii (zu-grã-fi-síĭ), zugrãfiseam (zu-grã-fi-seámŭ), zugrãfisitã (zu-grã-fi-sí-tã), zugrãfisiri/zugrãfisire (zu-grã-fi-sí-ri) – (unã cu zugrãfsescu)

§ zugrãfisit (zu-grã-fi-sítŭ) adg zugrãfisitã (zu-grã-fi-sí-tã), zugrãfisits (zu-grã-fi-sítsĭ), zugrãfisiti/zugrãfisite (zu-grã-fi-sí-ti) – (unã cu zugrãfsit)

§ zugrãfisiri/zugrãfisire (zu-grã-fi-sí-ri) sf zugrãfisiri (zu-grã-fi-sírĭ) – (unã cu zugrãfsiri)

T.Cunia Dictsiunar-a-Limbãljei-Armãneascã ma multu/ptsãn