DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

ceamaunã

ceamaunã (cĭa-ma-ú-nã) sf fãrã pl – cãvgãlu tsi s-fatsi shi shi-mãtãlu tsi s-avdi cãndu dunjaea sã ncaci shi sh-arucã zboarã greali; neaduchirea tu cari s-aflã doi i ma multsã oaminj cãndu-lj fatsi s-agiungã la unã angrãnji, ncãceari; angrãnji, cãvgã, shimãtã, scandal, neachicãsiri, neaduchiri
{ro: conflict, scandal}
{fr: conflit, scandale}
{en: conflict, scandal}
ex: s-aflã pri ceamaunã (cãvgã)

T.Cunia Dictsiunar-a-Limbljei-Armãneascã        

scandal

scandal (scándalŭ) sn scandali/scandale (scán-da-li) – purtari (catastasi) arushinoasã tsi fatsi lumea sã zburascã di ea; zboarãli tsi es tu dunjai cãndu cariva fatsi un lucru urut, di-arshini; cãvgãlu tsi s-fatsi shi shimãtãlu tsi s-avdi cãndu lumea sã ncaci shi sh-arucã zboarã greali; shimãtã, cãvgã, ceamaunã
{ro: scandal}
{fr: scandal, intrigue}
{en: scandal}
ex: eara un scandal mari cu-aestã muljari tu sculii; tutã dzua, scandala-mandala (shimãtã dipriunã)

§ scandaljar (scan-da-ljĭárŭ) adg scandaljarã (scan-da-ljĭá-rã), scandaljari (scan-da-ljĭárĭ), scandaljari/scandaljare (scan-da-ljĭá-ri) – (omlu) tsi fatsi un scandal; cãvgãgi
{ro: scandalagiu}
{fr: qui occasionne des scandales, turbulent}
{en: who makes a scandal}

§ scandzohir (scan-dzó-hirŭ) adg scandzohirã (scan-dzó-hi-rã), scandzohiri (scan-dzó-hirĭ), scandzohiri/scandzohire (scan-dzó-hirŭ) – (om) tsi nu easti vãrãoarã ifhãrãstisit di tsi ari; tsi caftã totna cãvgãlu; tsi fatsi multi ori shimãtã ti nai ma njitsli lucri; cãv-gãgi, scandaljar
{ro: cârcotaş}
{fr: qui s’accroche; aigre; mutin}
{en: roguish, unruly}

§ scandalos (scan-da-lósŭ) adg scanda-loasã (scan-da-lŭá-sã), scandalosh (scan-da-lóshĭ), scandaloa-si/scandaloase (scan-da-lŭá-si) – (purtari, catastasi) tsi easti ahãntu-arushinoasã cã fatsi lumea si scoatã zboarã uruti trã ea; lucru arushinos tsi apãrnjashti un scandal, un shimãtã, un cãvgã
{ro: scandalos}
{fr: scandaleux}
{en: scandalous}
ex: scandaloasi (arushinoasi) lucri suntu aesti, mini nu va s-pot s-li astrãxescu

§ scandalizedz (scan-da-li-zédzŭ) (mi) vb I scandalizai (scan-da-li-záĭ), scandalizam (scan-da-li-zámŭ), scandalizatã (scan-da-li-zá-tã), scandalizari/scandalizare (scan-da-li-zá-ri) – scot zboari greali sh-uruti trã un lucru tsi easti multu-arushinos; (lucru arushinos) fatsi s-easã zboarã uruti shi shãmitadz di la lumi
{ro: scandaliza}
{fr: scandaliser}

T.Cunia Dictsiunar-a-Limbljei-Armãneascã         ma multu/ptsãn

shimãtã

shimãtã (shi-mã-tắ) sm shimãtadz (shi-mã-tádzĭ) – zboarãli tsi es cãndu cariva fatsi un lucru urut, di-arshini; cãvgãlu tsi s-fatsi shi aurlãrli tsi s-avdu cãndu sã ncaci shi sh-arucã zboarã greali dunjaea; unã catastasi arushinoasã tsi u fatsi lumea sã zburascã; shãmãtã, vreavã, scandal, cãvgã, ceamaunã
{ro: scandal, gălăgie}
{fr: scandal, bruit}
{en: scandal, big noise, racket}
ex: fãtsea multu shimãtã (vreavã, cãvgã) n casã; tsi s-avdi shimãtãlu-aestu?

§ shãmãtã (shã-mã-tắ) sm shãmãtadz (shã-mã-tádzĭ) – (unã cu shimãtã)
ex: nu fã sh-ahãt shãmãtã

§ shãmãtonj (shã-mã-tónjĭ) sm, sf shãmãtoanji/shãmãtoanje (shã-mã-tŭánji), shãmãtonj (shã-mã-tónjĭ), shãmãtoanji/shãmãtoanje (shã-mã-tŭánji) – (unã cu shimãtã)
ex: cu tuts easti shãmãtoanji

T.Cunia Dictsiunar-a-Limbljei-Armãneascã