Dictsiunar

brãn1

brãn1 (brắnŭ) sn brãni/brãne (brắ-ni) – fashã di pãndzã (di sirmã, di cheali, etc.) tsi sh-u bagã omlu (muljarea) di mesi tra s-lji tsãnã mesea (s-nu-l/s-nu u doarã mesea, s-lji sta stranjlu ma ghini pri trup, trã mushiteatsã, etc.); bãrnu, zonã, zunã, curauã, tizgã (di lãnã), fochi (di cheali);
(expr:
1: easti cu brãnlu azvarna = easti un om tsi caftã cãvgãlu tut chirolu; cãvgãgi, zurbã;
2: s-featsi pãn di brãn = s-umplu tut ãntreg, priti tut;
3: a tsia ts-adarã brãnlu, sh-a nja-nj herbu grãnlu = zbor tsi s-dzãtsi a unui tsi sã ndreadzi trã numtã (cã a grambolui lj-si da brãnlu cu cari s-tsindzi, cãndu sã ndreadzi cu stranjili di gambro); earã trã mini easti chiro di jali (cã grãnlu tsi s-hearbi easti si sã mpartã trã mortsã, trã ljirtarea-a lor)
{ro: brâu, centură}
{fr: ceinture (de laine, de soie, de cuir)}
{en: girdle, belt}
ex: doi frats, cu-un brãn ligats (angucitoari: poarta cu losturlu); aushlji poartã brãni lundzi; poartã di mesi un brãn di lãnã; fãrnul, di-a tãu brãn ligat; tradzi brãnlu azvarna
(expr: caftã cãvgã); turcul sãrgljashti brãnlu si-lj lu caltsã
(expr: tra s-aflã itii di cãvgã)

§ bãrnu1 (bắr-nu) sn bãrni/bãrne (bắr-ni) – (unã cu brãn1)
ex: Mitrush, cãlãmarlu n bãrnu, ma si pari cal cu fãrnu; fur cu barba pãn’ di bãrnu; bãrnu nivishtescu di-asimi; vurgãrlji poartã bãrnu lungu; intrã tu apã pãnã la bãrnu

§ brãnishor (brã-ni-shĭórŭ) sn brãnishoari/brãnishoare (brã-ni-shĭŭá-ri) – brãn njic
{ro: brâu mic}
{fr: petite ceinture (de laine, de soie, de cuir)}
{en: small girdle, little belt}

§ bãrnishor (bãr-ni-shĭórŭ) sn bãrnishoa-ri/bãrnishoare (bãr-ni-shĭŭá-ri) – (unã cu brãnishor)

§ dizbrãnedz (diz-brã-nédzŭ) (mi) vb I dizbrãnai (diz-brã-náĭ), dizbrãnam (diz-brã-námŭ), dizbrãnatã (diz-brã-ná-tã), dizbrãna-ri/dizbrãnare (diz-brã-ná-ri) – (ãnj) disfac (scot) brãnlu di la mesi; dizbãrnedz, distsingu; (fig: dizbrãnedz = fac cariva s-ducã unã banã arushinoasã, multi ori banã di purnilji, curvãrilji shi pãnghii, etc.; dizmal, distorcu, dishuts, distsingu)

{ro: (se) descinge de brâu}
{fr: ôter la ceinture (de laine ou de soie) appelée “brân”}
{en: take off the girdle or the belt}
ex: s-dizbrãnã (sh-disfeasti brãnlu)

§ dizbrãnat (diz-brã-nátŭ) adg dizbrãnatã (diz-brã-ná-tã), dizbrãnats (diz-brã-nátsĭ), dizbrãnati/dizbrãnate (diz-brã-ná-ti) – tsi sh-disfeatsi (shi scoasi) brãnlu di la mesi; dizbãrnat, distsimtu
{ro: descins de brâu}
{fr: qui a ôté sa ceinture (de laine ou de soie) appelée “brân}
{en: who has taken off the girdle or the belt}
ex: l-loarã dispuljatslji shi dizbrãnatslji (nearushinatslji); nu vedz tsi om dizbrãnat (fig: nearushinat, dizmãlat) easti?; cã dzãts arbines, cã dzãts dizbrãnat (fig: dizmãlat, distorsu, nearushinat), unã easti

§ dizbrãnari/dizbrãnare (diz-brã-ná-ri) sf dizbrãnãri (diz-brã-nắrĭ) – atsea tsi fatsi un cãndu s-dizbrãneadzã (sh-disfatsi brãnlu); dizbãrnari, dizbãrnu, distsindziri, distsindzeari
{ro: acţiunea de a (se) descinge de brâu}
{fr: action d’ôter la ceinture (de laine ou de soie) appelée “brân”}
{en: action of taking off the girdle or the belt}

§ dizbãrnedz (diz-bãr-nédzŭ) (mi) vb I dizbãrnai (diz-bãr-náĭ), dizbãrnam (diz-bãr-námŭ), dizbãrnatã (diz-bãr-ná-tã), dizbãrnari/dizbãrnare (diz-bãr-ná-ri) – (unã cu dizbrãnedz)

§ dizbãrnu1 (diz-bắr-nu) (mi) vb I dizbãrnai (diz-bãr-náĭ), dizbãrnam (diz-bãr-námŭ), dizbãrnatã (diz-bãr-ná-tã), dizbãrnari/dizbãrnare (diz-bãr-ná-ri) – (unã cu dizbrãnedz)
ex: cum agiumshu acasã mi dizbrãnai; s-dizbãrnã (fig: s-adrã nearu-shinat, curvar) fare

§ dizbãrnat (diz-bãr-nátŭ) adg dizbãrnatã (diz-bãr-ná-tã), dizbãrnats (diz-bãr-nátsĭ), dizbãrnati/dizbãrnate (diz-bãr-ná-ti) – (unã cu dizbrãnat)

§ dizbãrnari/dizbãrnare (diz-bãr-ná-ri) sf dizbãrnãri (diz-bãr-nắrĭ) – (unã cu dizbrãnari)

§ dizbãrnu2 (diz-bắr-nu) sn pl(?) – (unã cu dizbrãnari)
ex: dizbãrnul (purnilji, curvãrilji, pãnghii) prucuchii nu-ari

T.Cunia Dictsiunar-a-Limbãljei-Armãneascã ma multu/ptsãn