DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

bãildisescu

bãildisescu (bã-il-di-sés-cu) vb IV bãildisii (bã-il-di-síĭ), bãildi-seam (bã-il-di-seámŭ), bãildisitã (bã-il-di-sí-tã), bãildisiri/bãil-disire (bã-il-di-sí-ri) – avursescu multu (cãpãescu) di marili copus tsi-l fac; cãpãescu, cãpuescu
{ro: (se) extenua}
{fr: (s’)exténuer}
{en: exhaust oneself}
ex: bãildisim di alãgari sh-di foami

§ bãildisit (bã-il-di-sítŭ) adg bãildisitã (bã-il-di-sí-tã), bãildisits (bã-il-di-sítsĭ), bãildisiti/bãildisite (bã-il-di-sí-ti) – tsi cãpãeashti di marili copus tsi-l fatsi; cãpãit, cãpuit
{ro: extenuat}
{fr: exténué}
{en: exhausted}

§ bãildisiri/bãildisire (bã-il-di-sí-ri) sf bãildi-siri (bã-il-di-sírĭ) – atsea tsi s-fatsi cãndu cariva cãpãeashti di marili copus tsi-l fatsi; cãpãiri, cãpuiri
{ro: acţiunea de a (se) extenua}
{fr: action de (s’)exténuer}
{en: action of exhausting oneself}

§ bãldãsescu (bãl-dã-sés-cu) vb IV bãldãsii (bãl-dã-síĭ), bãldãseam (bãl-dã-seámŭ), bãldãsitã (bãl-dã-sí-tã), bãldãsiri/bãl-dãsire (bãl-dã-sí-ri) – (unã cu bãildisescu)

§ bãldãsit (bãl-dã-sítŭ) adg bãldãsitã (bãl-dã-sí-tã), bãldãsits (bãl-dã-sítsĭ), bãldãsi-ti/bãldãsite (bãl-dã-sí-ti) – (unã cu bãildisit)
ex: armasi n cali bãldãsit (cãpuit)

§ bãldãsiri/bãldãsire (bãl-dã-sí-ri) sf bãldã-siri (bãl-dã-sírĭ) – (unã cu bãildisiri)

T.Cunia Dictsiunar-a-Limbljei-Armãneascã        

miucãescu

miucãescu (mĭu-cã-ĭés-cu) (mi) vb IV miucãii (mĭu-cã-íĭ), miucãeam (mĭu-cã-ĭámŭ), miucãitã (mĭu-cã-í-tã), miucãiri/miu-cãire (mĭu-cã-í-ri) – mi curmu (armãn, avursescu) multu di multu cu plãndzearea shi frimintarea mari tsi nj-u fac; avursescu ahãntu multu cu copuslu tsi-l fac cã-nj yini s-lishin shi-nj cher putearea s-fac altu tsiva; mãcãescu, bãildisescu, cãpãescu, apustusescu, avursescu, lãvrusescu, etc.
{ro: istovi, extenua}
{fr: se consommer, s’épuiser}
{en: exhaust}
ex: s-miucãi (cãpãi) nãsã di plãngu pãnã tsi-lj si sicarã lãcrinjli dit oclji

§ miucãit (mĭu-cã-ítŭ) adg miucãitã (mĭu-cã-í-tã), miucãits (mĭu-cã-ítsĭ), miucãiti/miucãite (mĭu-cã-í-ti) – tsi easti curmat multu di multu cu plãndzearea shi frimintarea tsi sh-u fatsi; tsi easti ahãntu multu avursit cã-lj yini s-liguseascã shi s-lishinã; mãcãit, bãildisit, cãpãit, apustusit, avursit, lãvrusit, etc.
{ro: istovit, extenuat}
{fr: consommé, épuisé}
{en: exhausted}

§ miucãiri/miucãire (mĭu-cã-í-ri) sf miucãiri (mĭu-cã-írĭ) – atsea tsi s-fatsi cãndu cariva s-miucãeashti; mãcãiri, bãildisiri, cãpãiri, apustusiri, avursiri, lãvrusiri, etc.
{ro: acţiunea de a (se) istovi, de a (se) extenua; istovire, extenuare}
{fr: action de se se consommer, de s’épuiser}
{en: action of exhausting oneself}

§ mãcãescu (mã-cã-ĭés-cu) (mi) vb IV mãcãii (mã-cã-íĭ), mãcãeam (mã-cã-ĭámŭ), mãcãitã (mã-cã-í-tã), mãcãiri/mãcãire (mã-cã-í-ri) – (unã cu miucãescu)
ex: hilji-mea s-avdza cum s-mãcãea (s-cãpãea di plãndzeari)

§ mãcãit (mã-cã-ítŭ) adg mãcãitã (mã-cã-í-tã), mãcãits (mã-cã-ítsĭ), mãcãiti/mãcãite (mã-cã-í-ti) – (unã cu miucãit)

§ mãcãiri/mãcãire (mã-cã-í-ri) sf mãcãiri (mã-cã-írĭ) – (unã cu miucãiri)

T.Cunia Dictsiunar-a-Limbljei-Armãneascã