DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

anamã1

anamã1 (a-ná-mã) sf fãrã pl – tinjia (vrearea, alãvdarea, etc.) tu cari lu-ari dunjaea pri omlu cari ari faptã lucri buni tu banã (aveari, giunatic, etc.); hãrili (buni i arali) cu cari easti cunuscut un om di cari ari avdzãtã multã dunjai; ideea (bunã i arauã) tsi sh-u-ari faptã lumea di cariva cunuscut di multsã; namã, anami, nami, fanã, mãrilji, numã
{ro: faimă, renume}
{fr: renom, gloire}
{en: fame, glory}
ex: canda vor s-dishteaptã anamea (mãrilja, fana) dit horili a noastri; loai mari anamã (numã)

§ anami/aname (a-ná-mi) sf fãrã pl – (unã cu anamã1)

§ namã (ná-mã) sf fãrã pl – (unã cu anamã1)
ex: oaminjlji nai cama cu namã (cama cunuscuts, avdzãts, mãri, cu-anami), lj-pitricurã cu cartea la amirã; amintarã mari namã (numã, fanã); nama-a featilor (frãmtea-a featilor, feata ma buna, ma cu-anami, di frãmti)

§ nami/name (ná-mi) sf fãrã pl – (unã cu anamã1)
ex: njiclu s-lja namea (numa, fana)?; las s-vã njargã-a voastrã nami (numã, fanã); easti namea (fana, mãrilja, fala)-a lumiljei

§ nãmusescu (nã-mu-sés-cu) vb IV nãmusii (nã-mu-síĭ), nãmuseam (nã-mu-seámŭ), nãmusitã (nã-mu-sí-tã), nãmusiri/nãmusire (nã-mu-sí-ri) – fac pri cariva i tsiva s-hibã ghini cunuscut (cu-anami) tu lumi; mi fac cunuscut (cu-anami, cu fanã, etc.) tu lumi
{ro: face sau deveni faimos}
{fr: faire ou devenir célèbre}
{en: make or become famous}
ex: faptili-a lui lu nãmusirã (l-featsirã cunuscut, cu-anami) tu dunjaea tutã

§ nãmusit (nã-mu-sítŭ) adg nãmusitã (nã-mu-sí-tã), nãmusits (nã-mu-sítsĭ), nãmusiti/nãmusite (nã-mu-sí-ti) – cari, trã faptili-a lui s-featsi (easti faptu) cunuscut (cu-anami) tu lumi
{ro: devenit faimos}
{fr: devenu célèbre}
{en: made famous}

§ nãmusi-ri/nãmusire (nã-mu-sí-ri) sf nãmusiri (nã-mu-sírĭ) – atsea tsi s-fatsi cãndu s-nãmuseashti tsiva i cariva
{ro: acţiunea de a face sau dea devenit renumit}

T.Cunia Dictsiunar-a-Limbljei-Armãneascã         ma multu/ptsãn

cadãnã

cadãnã (ca-dắ-nã) sf cadãni/cadãne (ca-dắ-ni) shi cadãnj (ca-dắnjĭ) – muljari (di fumealji bunã) dit miletea nturtseascã; muljari di pistea nturtseascã (musulmanã, muslimã); turcalã, hanumsã, anãmã
{ro: turcoaică}
{fr: dame turque}
{en: Turkish lady}
ex: armãnili mushati par cadãni (hanumsi); tricu nã cadãnã

T.Cunia Dictsiunar-a-Limbljei-Armãneascã        

fanã2

fanã2 (fá-nã) sf pl(?) – hãrili (buni i arali) cu cari easti cunuscut un om di cari ari avdzãtã multã dunjai; tinjia (vrearea, alãvdarea, etc.) tu cari lu-ari dunjaea pri omlu cari ari faptã lucri buni tu banã (aveari, giunatic, etc.); ideea (bunã i arauã) tsi sh-u-ari faptã lumea di cariva cunuscut di multsã; anamã, namã, anami, nami, mãrilji, numã
{ro: faimă, renume, reputaţie}
{fr: renommée, prestige, reputation}
{en: fame, reputation}
ex: s-ti ved, Soarbe-Amare, aoa tsã easti fana (aoa s-ti videm, s-ts-aspunj putearea cu cari eshti cunuscut); aoa-i harea-a Hristolui, nu fana (axizirea, putearea) a draclui; locuri pondi, locuri moarti, s-nu lã s-avdã fanã (anami, mãrilji) sh-numã; s-lj-astingã numã sh-fanã (anamã); stindzi-lj numa, stindzi-lj fana (mãrilja, anamea); aslanlu stimsi fana (tinjia, anamea)

T.Cunia Dictsiunar-a-Limbljei-Armãneascã        

hanumsã

hanumsã (ha-núm-sã) sf hanumsi/hanumse (ha-núm-si) – muljari (di fumealji bunã) dit miletea nturtseascã; muljari di pistea nturtseascã (musulmanã, muslimã); turcalã, cadãnã, anãmã
{ro: turcoaică, musulmană}
{fr: dame turque, femme musulmane}
{en: Turkish lady, moslem woman}
ex: vidzui unã hanumsã (cadãnã) n hoarã

§ hanãmã (ha-nắ-mã) sf hanãmi/hanãme (ha-nắ-mi) – (unã cu hanumsã)
ex: hanãmili au fatsa nvãlitã cu dulben, truplu cu firigei

§ anãmã (a-nắ-mã) sf anãmi/anãme (a-nắ-mi) – (unã cu hanumsã)
ex: tora tricu unã anãmã (cadãnã)

T.Cunia Dictsiunar-a-Limbljei-Armãneascã