DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

Veryea

Veryea (Vér-yĭa) sf fãrã pl – pulitii (cãsãbã) dit Machidunii, iu bãneadzã multsã armãnj
{ro: oraş din Macedonia}
{fr: ville de Macédoine}
{en: Macedonian town}

§ viryean (vir-yĭánŭ) sm, sf, adg viryeanã (vir-yĭá-nã), viryeanj (vir-yĭánjĭ), viryeani/viryeane (vir-yĭá-ni) – armãn tsi bãneadzã i yini dit locurli di Veryea (i di deavãrliga)
{ro: locuitor din Veria}
{fr: aroumain de Veria ou de ses environs}
{en: inhabitant of the Veria region}

T.Cunia Dictsiunar-a-Limbãljei-Armãneascã        

Doljani

Doljani (Dó-ljĭanĭ) sf – hoarã armãneascã dit Grãtsii cãtã tu-ascãpitata di Veryea
{ro: sat aromânesc din Grecia}
{fr: village aroumaine de Grèce}
{en: Aromanian village from Greece}

§ duljanit (du-ljĭa-nítŭ) sm, sf duljĭanitã (du-ljĭa-ní-tã), duljanits (du-ljĭa-nítsĭ), duljaniti/duljanite (du-ljĭa-ní-ti) – armãn tsi yini (sh-tradzi arãdãtsina) di cãtrã pãrtsãli di Doljani
{ro: aromân (originar) din Doljani}
{fr: habitant de Doljani}
{en: Aromanian from Doljani}

T.Cunia Dictsiunar-a-Limbãljei-Armãneascã        

sirmae

sirmae (sir-ma-ĭé) sm sirmaedz (sir-ma-ĭédzĭ) – aveari (paradz, loc, pãrmãtii, etc.) cu cari omlu poati sã nchiseascã un lucru (cu cari s-facã ma multã aveari ca, bunãoarã, sã-sh dishcljidã unã ducheani, s-acumpãrã oi cu cari s-facã mãxulji trã vindeari, etc.); sirmei, cap, capital, capitalj, cãpitalj, seu;
(expr:
1: ari sirmaedz n cap = lj-ari sirmaedzlji mash tu minti, nu-ari tsiva;
2: nu ljau sirmae zborlu a lui = nu saidisescu zborlu a lui; nu dau simasii a zborlui a lui)
{ro: capital}
{fr: capital}
{en: capital}
ex: nã turnãm pri Veryea s-fãtsem sirmae (capitalj) trã la sari; nu-am mari sirmae shi nu pot s-mi-acats di-aestu lucru; va lom sirmae
(expr: va saidisim) graili-a aushlui; li lo sirmae
(expr: li bãgã tu cornu, deadi simasii la) zboarili a meali shi va s-dusi

§ sirmei/sirmee (sir-mé-i) sf sirmei (sir-méĭ) – (unã cu sirmae)
ex: cari nu ari sirmei, nu poati s-njargã mprapã; cu dzatsi liri sirmei ahiurhi

T.Cunia Dictsiunar-a-Limbãljei-Armãneascã