DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

cãmarã2

marã2 (cã-má-rã) sf cãmari/cãmare (cã-má-ri) shi cãmãri (cã-mắrĭ) – udã (di-aradã i ca unã cubei) dit casa-a omlui (icã adratã nafoarã di casã), tu cari s-tsãn lucri (mãcari, leamni, etc.); cubei, cube;
(expr: di-a cãmara = agioc di ficiurits)
{ro: cămară; boltă}
{fr: chambre; voûte}
{en: room; vault}
ex: adrãm tu uborlu a shcoalãljei unã cãmarã di leamni; bãnam tu-unã casã cu cãmarã (cubei)

T.Cunia Dictsiunar-a-Limbljei-Armãneascã        

cumarã2

cumarã2 (cu-má-rã) sf cumãri (cu-mắrĭ) – agioc di cãrtsã iu tihea-aspuni ma multu, cari va s-amintã
{ro: joc de noroc}
{fr: jeu de hasard}
{en: game of luck}
ex: om tsi gioacã cumarã

§ cumargi (cu-mar-gí) sm cumargeadz (cu-már-gĭádzĭ) – (un) tsi lu-arãseashti multu s-gioacã cãrtsã; hartupexi, agiucãtor, giucãtor, pantagi
{ro: jucător de cărţi; cartofor}
{fr: joueur passioné de cartes; celui qui joue aux jeux de hasard avec de l’argent}
{en: card player; gambler}

T.Cunia Dictsiunar-a-Limbljei-Armãneascã        

Marã2

Marã2 (Má-rã) sf fãrã pl – numã di muljari (fig: Marã = (i) numã tsi s-da a unei mulã (feaminã) cu perlu arosh ncljis; (ii) numã tsi s-da a vulpiljei, di-aradã tu pãrmiti)
{ro: nume ce se dă unui catâr (femelă)}
{fr: nom donné à un mulet femelle de couleur rougeâtre-foncée; nom donné au renard}
{en: name given to a mule; name given to a fox}
ex: Mara (fig: mula Marã) ari cãvalã bunã; kira Mara (fig: vulpea) atsea shireata

T.Cunia Dictsiunar-a-Limbljei-Armãneascã        

marmarã2

marmarã2 (mar-má-rã) sf marmari/marmare (mar-má-ri) – oaie i caprã stearpã, grasã, mplinã di sarpitlãchi, cari nu-ari-afitatã vãrãoarã; stearpã
{ro: oaie sau capră stearpă care nu a fătat niciodată şi care e plină de viaţă}
{fr: brehaigne, mouton ou chèvre stérile}
{en: barren sheep or goat}
ex: cupiili di marmari (stearpi) tsi umplea muntsãlj; tãljai nã marmarã (stearpã); muljerli a lor suntu ca nishti marmari (cãpri i oi stearpi)

T.Cunia Dictsiunar-a-Limbljei-Armãneascã