njurizmã (njĭú-riz-mã) sf njurizmi/njurizme (njĭú-riz-mi) – harea tsi u au ndauã lucri ca s-alasã tsiva tu vimtu tsi poati s-hibã aduchit di narea-a omlui (cãndu lja anasã); anjurizmã, miru-dyeauã, njurdii; aromã, aroamã, arumã
{ro: miros, mireazmă}
{fr: odeur, exhalaison}
{en: smell, exhalation}
ex: njurizmã proaspitã; dit sucachi si sãmti njurizma di la carafilili a voastri; mi mbeatã njurizma
§ anjurizmã (a-njĭú-riz-mã) sf anjurizmi/anjurizme (a-njĭú-riz-mi) – (unã cu njurizmã)
ex: ari anjurizmã di shiboi
§ njurdii/njurdie (njĭur-dí-i) sf njurdii (njĭur-díĭ) – (unã cu njurizmã)
ex: fum ncãrcat di njurdii (anjurizmi)
§ njurzescu (njĭur-zés-cu) (mi) vb IV njurzii (njĭur-zíĭ), njurzeam (njĭur-zeámŭ), njurzitã (njĭur-zí-tã), njurziri/njurzire (njĭur-zí-ri) – aduchescu unã njurizmã tu vimtu; (un lucru) alasã unã njurizmã tsi s-aducheashti cu narea; caftu s-aduchescu un lucru (cu narea) ma s-alasã unã njurizmã; anjurzescu, arnjuzescu, nvoh;
(expr:
1: njurzescu tsiva = aduchescu, ngucescu, am unã noimã cã va s-facã tsiva;
2: nu nj-anjurzeashti ghini = lucrili nu-nj par ambar; pari s-hibã piriclju)
{ro: mirosi}
{fr: répandre de l’odeur, sentir, flairer}
{en: smell}
ex: patlu di carafili dit grãdina-a voastrã njurzeashti di diparti
§ njurzit (njĭur-zítŭ) adg njurzitã (njĭur-zí-tã), njurzits (njĭur-zítsĭ), njurziti/njurzite (njĭur-zí-ti) – (lucru) tsi-alasã (scoati, da) unã njurizmã; tsi njurzeashti; anjurzit, arnjuzit, nvuhat
{ro: mirosit}
{fr: senti, flairé}
{en: smelled}
§ njurziri/njurzire (njĭur-zí-ri) sf njurziri (njĭur-zírĭ) – atsea tsi s-fatsi cãndu tsiva i cariva njurzeashti, anjurziri, arnjuziri, nvuhari
{ro: acţiunea de a mirosi; mirosire}
{fr: action de sentir, de flairer}
{en: action of smelling}
ex: njurzirea-a florlor ti dishteaptã
§ njurizmos (njĭu-riz-mósŭ) adg njurizmoasã (njĭu-riz-mŭá-sã), njurizmosh (njĭu-riz-móshĭ), njurizmoasi/njurizmoase (njĭu-riz-mŭá-si) – (lucru) tsi-alasã unã anjurizmã; tsi-anjurzeashti; anjurizmos, njurzitor, anjurzitor, mirudat
{ro: mirositor}
{fr: odoriférant}
{en: odotant}
§ njurzitor (njĭur-zi-tórŭ) adg njurzitoari/njurzitoare (njĭur-zi-tŭá-ri), njurzitori (njĭur-zi-tórĭ), njurzitoari/njurzitoare (njĭur-zi-tŭá-ri) – (unã cu njurizmos)
§ anjurzescu (a-njĭur-zés-cu) (mi) vb IV anjurzii (a-njĭur-zíĭ), anjurzeam (a-njĭur-zeámŭ), anjurzitã (a-njĭur-zí-tã), anjurziri/anjurzire (a-njĭur-zí-ri) – (unã cu njurzescu)
ex: anjurzii floarea tsi-nj didesh, anjurzea mushat; lilicili anjurzescu di diparti; anjurzeashti pãnea mortu; carnea acãtsã si s-anjurzeascã (s-aludzascã, si s-aspargã); s-duc jiliti sh-u-anjurzescu; anjurzeashti primuveara; cãnili anjurzeashti (ulmicã) torlu-a omlui; lu-anjurzirã (lu-aduchirã) cãnjlji; anjurzii
(expr: aduchii) tsi vrei s-fats
§ anjurzit (a-njĭur-zítŭ) adg anjurzitã (a-njĭur-zí-tã), anjurzits (a-njĭur-zítsĭ), anjurziti/anjurzite (a-njĭur-zí-ti) – (unã cu njurzit)
ex: carni anjurzitã (tsi-anjurzeashti, aludzãtã, aspartã)
§ anjurziri/anjurzire (a-njĭur-zí-ri) sf anjurziri (a-njĭur-zírĭ) – (unã cu njurziri)
ex: anjurziri di vultur; cãnili ari anjurzirea dipãrtatã (tsi poati s-anjurzeascã diparti)
§ neanjurzit (nea-njĭur-zítŭ) adg neanjurzitã (nea-njĭur-zí-tã), neanjurzits (nea-njĭur-zítsĭ), neanjurziti/neanjurzite (nea-njĭur-zí-ti) – tsi nu-alasã (nu scoati, nu da) nitsiunã njurizmã; tsi nu-anjurzeashti; tsi nu easti anjurzitã
{ro: nemirosit}
{fr: qui n’est pas senti}
{en: which is not smelled}
ex: nica neanjurzitã (tsi nu easti-anjurzitã) bãrutea
§ neanjurzi-ri/neanjurzire (nea-njĭur-zí-ri) sf neanjurziri (nea-njĭur-zírĭ) – atsea tsi s-fatsi cãndu tsiva i cariva nu anjurzeashti
{ro: acţiunea de a nu mirosi}
{fr: action de ne pas sentir}
{en: action of not smelling}
§ anjurdzescu (a-njĭur-dzés-cu) (mi) vb IV anjurdzii (a-njĭur-dzíĭ), anjurdzeam (a-njĭur-dzeámŭ), anjurdzitã (a-njĭur-dzí-tã), anjurdziri/anjurdzire (a-njĭur-dzí-ri) – (unã cu njurzescu)
ex: s-adari lãeatsa, cã scrum nj-anjurdzeashti; tsi anjurdzeashti a om dit alantã lumi; totãna lj-anjurdzea mushat
§ anjurdzit (a-njĭur-dzítŭ) adg anjurdzitã (a-njĭur-dzí-tã), anjurdzits (a-njĭur-dzítsĭ), anjurdziti/anjurdzite (a-njĭur-dzí-ti) – (unã cu njurzit)
§ anjurdziri/anjurdzire (a-njĭur-dzí-ri) sf anjurdziri (a-njĭur-dzírĭ) – (unã cu njurziri)
ex: nu putea si s-saturã di anjurdzirea mushatã
§ njurdzescu (njĭur-dzés-cu) (mi) vb IV njurdzii (njĭur-dzíĭ), njurdzeam (njĭur-dzeámŭ), njurdzitã (njĭur-dzí-tã), njurdzi-ri/njurdzire (njĭur-dzí-ri) – (unã cu njurzescu)
§ njurdzit (njĭur-dzítŭ) adg njurdzitã (njĭur-dzí-tã), njurdzits (njĭur-dzítsĭ), njurdzi-ti/njurdzite (njĭur-dzí-ti) – (unã cu njurzit)
§ njurdzi-ri/njurdzire (njĭur-dzí-ri) sf njurdziri (njĭur-dzírĭ) – (unã cu njurziri)
§ anjurizmos (a-njĭu-riz-mósŭ) adg anjurizmoasã (a-njĭu-riz-mŭá-sã), anjurizmosh (a-njĭu-riz-móshĭ), anjurizmoa-si/anjurizmoase (a-njĭu-riz-mŭá-si) – (unã cu njurizmos)
§ anjurzitor (a-njĭur-zi-tórŭ) adg anjurzitoari/anjurzitoare (a-njĭur-zi-tŭá-ri), anjurzitori (a-njĭur-zi-tórĭ), anjurzitoari/anjurzitoare (a-njĭur-zi-tŭá-ri) – (unã cu njurizmos)
§ arnjuzescu (ar-njĭu-zés-cu) (mi) vb IV arnjuzii (ar-njĭu-zíĭ), arnjuzeam (ar-njĭu-zeámŭ), arnjuzitã (ar-njĭu-zí-tã), arnjuziri/arnjuzire (ar-njĭu-zí-ri) – (unã cu njurzescu)
ex: loclu-arnjuzeashti canelã; arnjuzeshti cash; arnjuzits-lu ghini
§ arnjuzit (ar-njĭu-zítŭ) adg arnjuzitã (ar-njĭu-zí-tã), arnjuzits (ar-njĭu-zítsĭ), arnjuziti/arnjuzite (ar-njĭu-zí-ti) – (unã cu njurzit)
ex: tor arnjuzit di cãnj
§ arnjuziri/arnjuzire (ar-njĭu-zí-ri) sf arnjuziri (ar-njĭu-zírĭ) – (unã cu njurziri)
ex: arnjuziri greauã
