DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

zãrusescu

zãrusescu (zã-ru-sés-cu) (mi) vb IV zãrusii (zã-ru-síĭ), zãruseam (zã-ru-seámŭ), zãrusitã (zã-ru-sí-tã), zãrusiri/zãrusire (zã-ru-sí-ri) – cu adunarea stog ca un guzmolj, caftu s-mi-ascundu shi si stau iuva; zurusescu, ascundu, pãpãrusescu
{ro: ascunde, pitula, piti}
{fr: cacher, se blottir, se tapir}
{en: hide, conceal}
ex: tu plai, iu zãrusirã cãprili

§ zãrusit (zã-ru-sítŭ) adg zãrusitã (zã-ru-sí-tã), zãrusits (zã-ru-sítsĭ), zãrusiti/zãrusite (zã-ru-sí-ti) – tsi s-ascundi; zurusit, ascumtu, ascunsu, pãpãrusit
{ro: ascuns, pitulat, pitit}
{fr: caché, blotti, tapi}
{en: hidden, concealed}

§ zãrusiri/zãrusire (zã-ru-sí-ri) sf zãrusiri (zã-ru-sírĭ) – atsea tsi fatsi cariva tsi s-ascundi; zurusiri, ascundeari, pãpãrusiri
{ro: acţiunea de a se ascunde, de a se pitula, de a se piti; ascundere, pitulatare, pitire}
{fr: action de se cacher (blottir, tapir)}
{en: action of hiding something}

§ zurusescu (zu-ru-sés-cu) (mi) vb IV zurusii (zu-ru-síĭ), zuruseam (zu-ru-seámŭ), zurusitã (zu-ru-sí-tã), zurusi-ri/zurusire (zu-ru-sí-ri) – (unã cu zãrusescu)

§ zurusit (zu-ru-sítŭ) adg zurusitã (zu-ru-sí-tã), zurusits (zu-ru-sítsĭ), zurusi-ti/zurusite (zu-ru-sí-ti) – (unã cu zãrusit)

§ zurusiri/zurusire (zu-ru-sí-ri) sf zurusiri (zu-ru-sírĭ) – (unã cu zãrusiri)

T.Cunia Dictsiunar-a-Limbãljei-Armãneascã        

ascundu

ascundu (as-cún-du) (mi) vb III shi II ascumshu (as-cúm-shĭu), ascundeam (as-cun-deámŭ), ascunsã (as-cún-sã) shi ascumsã (as-cúm-sã) shi ascumtã (as-cúm-tã), ascundiri/ascundire (as-cún-di-ri) shi ascundeari/ascundeare (as-cun-deá-ri) – bag tsiva tu-un loc iu nu poati si s-veadã di lumi; acoapir, zãrusescu, pãpãrusescu;
(expr: u-ascundu tu patru suti di guvi = u-ascundu multu ghini tra s-nu poatã s-u aflã vãr)
{ro: ascunde}
{fr: cacher, dissimuler}
{en: hide, conceal}
ex: un gioni, noaptea easi, dzua s-ascundi (angucitoari: losturlu); iu s-mi-ascundu, iu s-mi nhig, strigã murarlu; vinjim di n-ascumsim aoatsi; n-ascumsim tu plemtsã; mi-ascumshu dupã mur; ascundi-ti pri grendã; s-u ascundem shi di trei-trei dzãli s-nã dutsem s-mãcãm; ascumsim armili ca s-nu nã li lja; lj-si featsi pãntica pãn di gurã, ascundi-u, cari pots!

§ ascumtu1 (as-cúm-tu) adg ascumtã (as-cúm-tã), ascumtsã (as-cúm-tsã), ascumti/ascumte (as-cúm-ti) – tsi easti tu-un loc iu nu poati s-hibã vidzut di lumi; acupirit, pãpãrusit, zãrusit
{ro: ascuns}
{fr: caché}
{en: hidden}
ex: dzua sta ascumtu n muri, sh-noaptea nã veaglji di furi (angucitoari: losturlu); mã-sa, cari shidea ascumtã, nu putu s-aravdã; un di-atselj tsi eara ascumtsã dzãsi; amirãlu shidea ascumtu tu un loc shi asculta; lu tsãnu ascumtu multu chiro; un gioni ascumtu

§ ascumsu1 (as-cúm-su) adg ascumsã (as-cúm-sã), ascumshi (as-cúm-shi), ascumsi/ascumse (as-cúm-si) – (unã cu ascumtu1)

§ ascunsu1 (as-cún-su) adg ascunsã (as-cún-sã), ascunshi (as-cún-shi), ascunsi/ascunse (as-cún-si) – (unã cu ascumtu1)

§ ascundiri/ascundire (as-cún-di-ri) sf ascundiri (as-cún-dirĭ) – atsea tsi fatsi un cãndu s-ascundi; acupiriri, pãpãrusiri, zãrusiri
{ro: acţiunea de a ascunde; ascundere}
{fr: action de cacher}
{en: action of hiding}
ex: (gioclu) cu cheatra ascundiri

§ ascundeari/ascundeare (as-cun-deá-ri) sf ascunderi (as-cun-dérĭ) – (unã cu ascundiri)
ex: loc tr-ascundeari ea nu videa

T.Cunia Dictsiunar-a-Limbãljei-Armãneascã         ma multu/ptsãn

pãpãrusescu

pãpãrusescu (pã-pã-ru-sés-cu) vb IV pãpãrusii (pã-pã-ru-síĭ), pãpãruseam (pã-pã-ru-seámŭ), pãpãrusitã (pã-pã-ru-sí-tã), pã-pãrusiri/pãpãrusire (pã-pã-ru-sí-ri) – ascundu, zãrusescu, zu-rusescu
{ro: (se) ascunde, (se) pitula}
{fr: se cacher, se terrer, se motter}
{en: hide, conceal}
ex: aoatsi pãpãrusi (s-ascumsi, zãrusi) ljepurli

§ pãpãrusit (pã-pã-ru-sítŭ) adg pãpãrusitã (pã-pã-ru-sí-tã), pãpãrusits (pã-pã-ru-sítsĭ), pãpãrusiti/pãpãrusite (pã-pã-ru-sí-ti) – tsi s-ascundi; ascumtu, ascunsu, zãrusit
{ro: ascuns, pitulat, pitit}
{fr: caché, terré}
{en: hidden, concealed}

§ pãpãrusi-ri/pãpãrusire (pã-pã-ru-sí-ri) sf pãpãrusiri (pã-pã-ru-sírĭ) – atsea tsi fatsi cariva tsi s-ascundi; ascundeari, zãrusiri
{ro: acţiunea de a (se) ascunde, de a (se) pitula; ascundere, pitulare}
{fr: action de se cacher, de se terrer}
{en: action of hiding, of concealing}

T.Cunia Dictsiunar-a-Limbãljei-Armãneascã