DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti ; Zboarã: Di iutsido; (cama multi...)

tsãpurnjeu

tsãpurnjeu (tsã-pur-njĭéŭ) sm tsãpurnjei (tsã-pur-njĭéĭ) – arburi njic, dit fumealja-a purnului, tsi creashti agru tu pãduri i cãmpu, cu lumãchitsi shcurti prifapti tu schinj, cari scoati lilici albi primuveara agonja, ninti ca s-da frãndzãli, cu yimishi lãi-viniti, njits (ma njits di cireashi) cu-un os nuntru (tsi sh-u-aduc cu agru-purnili) sh-cari au un gustu acru, tsi u-alasã gura ca pungã cãndu easti mãcatã; tsapurnu;
(expr: ficiorlji mãcã tsãpurnji, sh-a-aushlor lã amurtsãscu dintsãlj = zborlu s-dzãtsi atumtsea cãndu un fatsi (sh-veadi hãiri di) un lucru, ma trã altu va si s-dzãcã cã lu-ari faptã)
{ro: porumbar}
{fr: prunellier}
{en: sloe-tree}

§ tsapurnu (tsá-pur-nu) sm tsapurnji (tsá-pur-nji) shi tsapurnj (tsá-purnjĭ) – (unã cu tsãpurnjeu)

§ tsãpurnjauã (tsã-pur-njĭá-ŭã) sf tsãpurnjei (tsã-pur-njĭéĭ) – (unã cu tsãpurnjeu)

§ tsãpurnã (tsã-púr-nã) sf tsãpurni/tsãpurne (tsã-púr-ni) – yimisha faptã di tsãpurnjeu; tsãpurnjauã (tsi sh-u-adutsi cu agru-purna), lai-vinitã, multu njicã, cu-unã oasã nuntru sh-acrã, di-amurtã dintsãlj cãndu easti mãcatã; (fig: tsãpurnã = (i) agru-purnã; (ii) purnã nicoaptã)
{ro: porumbă}
{fr: prunelle}
{en: sloe}
ex: nji s-acrirã dintsãlj di tsãpurni

§ tsapurnã (tsá-pur-nã) sf tsapurni/tsapurne (tsá-pur-ni) – (unã cu tsãpurnã)

T.Cunia Dictsiunar-a-Limbãljei-Armãneascã