pãreaclji/pãreaclje (pã-reá-clji) sf pãreclji (pã-ré-clji) – parei di dauã lucri tsi suntu di idyea soi sh-cari s-aflã di-aradã deadun (ca, bunãoarã, dauã lãpudz, dauã pãputsã, etc.); parei di dauã lucri tsi nu suntu di-unã soi ma s-aflã di-aradã deadun (ca, bunãoarã, un bãrbat cu vruta i nicuchira-a lui); tsi s-aflã mpãrtsãts tu parei di doi cãti doi; ashi cum easti un lucru fatsã di-alantu lucru dit unã parei di doauã lucri; ashi cum easti sotslu-a unui lucru fatsã di-un altu lucru cu cari s-aflã deadun; preaclji, zivgari, ciftei, giugii, jugii;
(expr: nu-am pãreaclji (tu giunatic, mushuteatsã, etc.) = nu-ari altu ca mini (tu giunatic, mushuteatsã, etc.))
{ro: pereche}
{fr: paire, couple}
{en: pair, couple}
ex: doauã pãreclji di lãpudz; unã pãreaclji di pãputsã; elj s-duc pãreaclji (doi cãti doi); suntu nã pãreaclji mushatã; ts-adutseam unã pãreaclji di tsãruhi; scoasi nã pãreaclji di stranji vãsilicheshti; s-tsã facã doauã pãreclji di stranji, angljigati tu hrisãhi; lji si featsi njilã di pãreaclja amirãreascã; tini nu-ai pãreaclji
(expr: nu-ari altu ca tini n lumi) tu giuneatsã?
§ preaclji/preaclje (preá-clji) sf preclji (pré-clji) – (unã cu pãreaclji)
ex: unã preaclji di curdelji putea s-nj-aducã; sã-nj fats nã preaclji di veri di bãcãri; di preclji di anj him vitsinj shi nu nã cunuscum
§ mpãricljedz (mpã-ri-cljĭédzŭ) (mi) vb I mpãricljai (mpã-ri-cljĭáĭ), mpãricljam (mpã-ri-cljĭámŭ), mpãricljatã (mpã-ri-cljĭá-tã), mpãricljari/mpãricljare (mpã-ri-cljĭá-ri) – bag dauã lucri unã ningã-alantã tra s-fac unã pãreaclji; bag unã buluchi di hiintsi i lucri tu-aradã doauã cãti doauã; bag deadun (lji ncurun) unã muljari cu-un bãrbat; fac unã pãreaclji dit unã pravdã mascurã sh-feaminã; mpãreclju, pãricljedz
{ro: împerechea}
{fr: apparier, arranger deux par deux}
{en: pair, couple, match, arrange two by two}
ex: mpãricljadzã pãrpodzli cã suntu-amisticati; si mpiricljarã purumbul cu purumba
§ mpãreclju (mpã-ré-cljĭu) (mi) vb I mpãricljai (mpã-ri-cljĭáĭ), mpãricljam (mpã-ri-cljĭámŭ), mpãricljatã (mpã-ri-cljĭá-tã), mpãricljari/mpãricljare (mpã-ri-cljĭá-ri) – (unã cu mpãricljedz)
ex: nu putui s-lji mpãreclju (s-lj-aduc deadun tra s-fac unã pãreaclji)
§ mpãricljat (mpã-ri-cljĭátŭ) adg mpãricljatã (mpã-ri-cljĭá-tã), mpãricljats (mpã-ri-cljĭátsĭ), mpãriclja-ti/mpãricljate (mpã-ri-cljĭá-ti) – tsi easti bãgat deadun cu altu tra s-facã unã pãreaclji; pãricljat
{ro: împerecheat}
{fr: apparié, arrangé deux par deux}
{en: paired, matched, coupled, arranged two by two}
§ mpãricljari/mpãricljare (mpã-ri-cljĭá-ri) sf mpãricljeri (mpã-ri-cljĭérĭ) – atsea tsi s-fatsi cãndu si mpãricljadzã dauã hiintsi i lucri
{ro: acţiunea de a împerechea; împerechere}
{fr: action d’apparier, d’arranger deux par deux}
{en: action of pairing, of matching, of coupling, of arranging two by two}
§ pãricljedz (pã-ri-cljĭédzŭ) (mi) vb I pãricljai (pã-ri-cljĭáĭ), pãricljam (pã-ri-cljĭámŭ), pãricljatã (pã-ri-cljĭá-tã), pãricljari/pã-ricljare (pã-ri-cljĭá-ri) – (unã cu mpãricljedz)
ex: pãricljadzã-li, ti pãlãcãrsescu
§ pãricljat (pã-ri-cljĭátŭ) adg pãricljatã (pã-ri-cljĭá-tã), pãricljats (pã-ri-cljĭátsĭ), pãricljati/pãricljate (pã-ri-cljĭá-ti) – (unã cu mpãricljat)
ex: imnã pãricljats (doi cãti doi) tu-aradã
§ pãricljari/pãricljare (pã-ri-cljĭá-ri) sf pãricljeri (pã-ri-cljĭérĭ) – (unã cu mpãricljari)
§ dispãricljedz (dis-pã-ri-cljĭédzŭ) (mi) vb I dispãricljai (dis-pã-ri-cljĭáĭ), dispãricljam (dis-pã-ri-cljĭámŭ), dispãricljatã (dis-pã-ri-cljĭá-tã), dispãricljari/dispãricljare (dis-pã-ri-cljĭá-ri) – aspargu unã pãreaclji sh-li dispartu dauãli lucri (hiintsi) tsi suntu deadun; dispartu un bãrbat di nicuchira-a lui
{ro: desperechea}
{fr: désaccoupler, dépareiller}
{en: uncouple}
ex: nj-dispãricljai mãnushli, cã chirui unã; s-dispãricljarã caljlji tsi trãdzea deadun amaxea
§ dispãricljat (dis-pã-ri-cljĭátŭ) adg dispãricljatã (dis-pã-ri-cljĭá-tã), dispãricljats (dis-pã-ri-cljĭátsĭ), dispãricljati/dispãricljate (dis-pã-ri-cljĭá-ti) – tsi s-ari dispãrtsã (easti dispãrtsãt) di pãreaclja-a lui; tsi easti alãsat di nicuchirã
{ro: desperecheat}
{fr: désaccouplé, dépareillé}
{en: uncoupled}
§ dispãricljari/dispãricljare (dis-pã-ri-cljĭá-ri) sf dispãricljeri (dis-pã-ri-cljĭérĭ) – atsea tsi s-fatsi cãndu s-aspardzi unã pãreaclji shi dauãli lucri dit preaclji s-dispartu
{ro: acţiunea de a despe-rechea; desperechere}
{fr: action de désaccoupler, de dépareiller}
{en: action of uncoupling}
T.Cunia Dictsiunar-a-Limbãljei-Armãneascã ma multu/ptsãn