DICTSIUNAR XIYISITU ONLINE A LIMBÃLJEI ARMÃNEASCÃ  
ABCDEFGHIJKLMNOPQRSTUVWXYZ


Dictsiunar: Tuti / Zboarã: Di iutsido ( cama multu ... )

nipot

nipot (ni-pótŭ) sm, sf nipoatã (ni-pŭá-tã), nipots (ni-pótsĭ), nipoa-ti/nipoate (ni-pŭá-ti) –
1: ashi cum lj-ari cariva, cilimeanjlji a fratilui i a sorãljei a lui (a ljei);
2: ashi cum lj-ari cariva cilimeanjlji a ficiorlu i a featãljei a lui (a ljei); (fig: nipot, nipoate = zbor cu cari un om cama tu ilichii lj-greashti a unui om cama tinir)
{ro: nepot}
{fr: neveu, nièce; petit enfant (garçon, fille)}
{en: nephew, niece; grand child (son, daughter)}
ex: lu-am nipot di frati; yini-astã searã nipot-nju; nipoate, s-ti fats mari; dã-lj a nipoatã-meai; cu nipotlu-nj mi ncãceai; nu-nj poati nipoata

§ niputsãmi/ni-putsãme (ni-pu-tsắ-mi) sf fãrã pl – multimi di nipots sh-nipoati; niputsãlji
{ro: mulţime de nepoţi}
{fr: nombre de neveux, nièces ou petits enfants}
{en: number of nephews, nieces or grand children}
ex: tutã niputsãmea-lj vinji; ari multã niputsãmi tsi-lj bãneadzã, ma tuts suntu vgats din hoarã

§ niputsãlji/niputsãlje (ni-pu-tsắ-lji) sf fãrã pl – (unã cu niputsãmi)

§ paranipot (pá-ra-ni-pótŭ) sm, sf paranipoatã (pá-ra-ni-pŭá-tã), paranipots (pá-ra-ni-pótsĭ), paranipoati/paranipoate (pá-ra-ni-pŭá-ti) – nipot (nipoatã) tsi fu loat di suflit (ti fumealji)
{ro: nepot adoptiv}
{fr: neveu ou petit enfant adoptif}
{en: adopted nephew or grand child}
ex: paranipotslj-a noshti va bãneadzã ghini

§ strãnipot (strã-ni-pótŭ) sm, sf strãnipoatã (strã-ni-pŭá-tã), strãnipots (strã-ni-pótsĭ), strãnipoati/strãnipoate (strã-ni-pŭá-ti) – ashi cum lu-ari cariva un cilimean tsi dipuni dit un nipot i nipoatã (di frati, sorã, hilj shi hilji)
{ro: strănepot}
{fr: arrière-neveu (nièce), petit-neveu (nièce), arrière-petit enfant (fille, garçon)}
{en: great-nephew (niece), or great-grandchild (son, daughter)}
ex: un nipot di strãnipot; unã strãnipoatã di strãnipoatã

T.Cunia Dictsiunar-a-Limbljei-Armãneascã